السلام عليكم ورحمة الله وبركاته
بإذن الله الواحد الاحد ، نويت على البايلوت بعد رمضان ، وإنشاء الله راح آخذها نظام تأجير ، لكن أيهما أفضل ، آخذها عن طريق البنك أو عن طريق الوكالة؟ وأي بنك هو أفضل ؟ :confused1:
اللي باط مرارتي ياجماعة الخير ، إن السيارة تنحب بسرعة لكن شكلها مو ذاك الزود !
واللي يبط و يعل ويكوي الكلى ! قصدي القلب ... إنو الوكالة لاعبة علينا !! يعني لو دشيت على موقع السيارة ، راح تلاقي إن موديل 2010عندهم أرخص من 2009 عندنا !! وأزيدك من الشعر دورين وسرداب ، إن فيها كللللل شي ، من نظام ملاحة ودي في دي وخرابيط ومرابيط !! أما في السعودية مافيها إلا طل !! والطل يطل وكالة أبو جميل ( ما أدري وش دخله في الموضوع ) :confused1:
تعرف كم سعر 2010 عندهم في الموقع الرئيسي ؟ أفخم فئة اللي فيها دي في دي وملاحة إلخ إلخ .. قيمتها ( خمس وثلاثين ألف دولار وأربع مئة وخمسة وأربعين )
يعني ياطويل العمر ( مئة وإثنان وثلاثين ألف ريال ) !!
لاحظ إنها 2010 و فل أوبشن !!! أما عندنا 2009 ومافيها لا دي في دي ولا ملاحة قيمتها 140 ألف ريال !!! مو حراااااااااااااااااام ؟؟؟ هذا اللي مخليني أضرب بريك في شراء السيارة !!! حلوة أضرب بريك هذي ... !!
دخلت مزاجي هالكم يوم السكويا ، بس للأسف سمعت إن فتحة البنزين يدوية ! ياخي والله حرام ! ليش يعني مسوينها يدويه ما أدي !! إحنا مو في السبعينات ألحين !!
سكويا وإلا بايلوت !! .......
أنا قلبي ميال للبايلوت .. ياخي من جد أعشها .. ما أنام اللي أفكر فيها !! أبيـــهااا :a1120(86):
ياجماعة خاطري أركب فيه ملاحة ... وشكلي بضيف على الـ140 .. عشرة آلاف زيادة .. ياترى يركبون لي وكالة الهوندا ؟ وإلا لازم أروح مكان ثاني ؟ وهل تركيب أجهزة بالسيارة يخرب لي الكهرباء ؟
خاطري بعد أركب شي يشعل أشرطة الكاسيت !!
ياكثر طلباتي اللي ماتخلص !!
أنا شكلي بصمم لهم سيارات وبفتك !! :xyxwave:
لازم ألحق على عمري وأشتري جيب ... لأن كل سنة السيارات تغلى ، وشكله في 2015 بتوصل الكورلا 250 ألف قير عادي ، لا ... وحوض من ورا بعد !!
