هوندا بايلوت ( تأجير ) عن طريق البنك أو عن طريق الوكالة ؟ ... حقيقة مؤلمة

^^^

شف قسم المستعمل عند ابو جميل والبازعي

راح تلقى لكزس نظيف وسعره منخفض اكيد بس موهب
زي الي في السوق

او رح لمزاد السيارات عند الفحص الدوري راح تلقى الزين هناك

واذا انت ما انت بران ومطامر الا على خفيف فخذ CX9
اخاف تشتري هالمسمار الي في راسك وتتفاجئ ان الدكتور شاري زيها
ولا تطب لك في دكتور ثاني ومعها زيها :smilie16:

طبعا ً أنا كل ما أتأخر في الشراء كل ما ازداد الوضع سوء ! ليش ؟
لأن الكل جالس يحبط معنوياتي .. سواء اللي أقراه بالمنتديات أو أصحابي !

بس الموتر ضارب مسمار براسي أبيه يعني أبيه !!

أيضا ً الـلكزس الـ RX حلو ... بس ياجماعة حيطلع لي فرق 40 ألف زيادة ، وبصراحة مبلغ موسهل أبد !!!
غير كذا حرام الواحد ياخذ له شي قريب من الـ 200 ألف في شوارع زي شوارعنا ، اللي لاحسيب ولا رقيب !!

وش رايكم ؟؟

H.ALHINDI

والله كلامك صخر وجبلي ...بس مثل ماقلت وأنا أخوك ، الكل عنده تاهو ويوكن ، والواحد يبي شي جديد ومميز . خصوصا ً إني مو راعي بر وتطعيس.

غير كذا أنا خاطري بالبايلوت والله ،،

فهد :
حياك الله أخوي ...
صدقا ً أنا أحب شكل جيب المازدا .. حلووو يجنن ... بس فيه عيب خلقي واحد !!
تعرف وشهو ؟.؟ إن عندنا دكتور في الجامعة اكرهه كره العمى ، سوري ، ماخذ له هالجيب !! كرهني فيه والله .... زين إني ماكرهت الجيوب بشكل عام بسببه !!!!
بس حلوه جلست تجرب الباجيرو لحد ماصار دتسن .. هههههههههه


أبو الخل :
كلامك خوفني !!
نظام التأجير عن طريق الوكالة خطير يعني ؟؟ إي والله هذا الخوف ، إن لاسمح الله يصير للسيارة حادث ويقولو لك محنا مصلحينها !!!
لأطق روحي بحديدة وأطلع الدم ...

اسمع يا اخا العرب

الحكمة تقول مد رجليك على قدر لحافك

فطالما ان الكاش غير متوفر معك فخذ سيارة اصغر بين ال 50 وال 60 الف افضل لك

بدلا من التقسيط او الايجار الذي هو دين وهم

والايجار المنتهي بالتمليك , ما اكثر المتورطين فيه ولو تاخذ جولة في المنتدى ستقرا معاناتهم

واما حكاية حبك للسيارة فلا تكون متاثر بدعاية قناة ال MBC ؟؟؟

ترى نحن شعب استهلاكي للاسف اذا حبينا الشي تعلقنا فيه ولو كان سعره فوق طاقتنا وبعد كذا نقعد نتحسر ونشتم في التجار مصاصين الدماء

***

اذا معك الكاش فانت حر ومالك ملككتضعه اين تشاء

لكن اذا ما عندك القدرة المادية فلا تورط نفسك

وسلامتكم

طيب يا جماعة بخصوص كلام الأخ عن تركيب ملاحة وDVD على البايلوت، عندكم أي ملاحظات على هالحركة؟

انا اشوف هالسعر حرام فيها

عندك الباثفندر هالسعر يجيب لك فل كامل فيه ملاحه :ch19:

او اصبر للبرادو الجديد

وبالنسبه للتاجير انتببببببببببببه تاخذه تاجير خذه اقساط من بنك ولا لا تاخذ اريح

انت تدري ان التاجير بغض النظر عن حرمته لو لا سمح الله صار لك حادث وانت باقي لك شهر وتخلص تاجير مالك ولا ريال

لان السياره باسم الشركه والتامين يعطي راعي السياره فيه اكثر من كذا استغلال :mad1:

والله ياخي

لو تكرر الروحات لها ترى خلاص بتصير عاديه

اسألني لا لي ... قعدت اتردد على الباجيرو الين صار ددسن 83 :smilie16:


السكويا دفع خلفي فقط

اما البايلوت دفع رباعي
وهذا الشي يخليها فرق السماء عن الارض بالنسبه للسكويا
غير حكاية فتحة البنزين:smilie16:

ما زداء CX-9 ما اعجبتك ؟
حلوه ولا احد اشتكى منها لحد الان واكثر انتشار من البايلوت واقل سعر

ولا اصبر وشف البرادو الجديد بس موهب فل كامل بالمبلغ الي معك
لكن الموتر يستاهل الصراحه او مكان فل كامل

تحياتي واشكرك على اسلوبك المرح في طرح الموضوع
يعجبني هالاسلوب :xyxwave:

موتر وانا لي خوي من يوم ما عرفته وهو عاشق للهوندا ومن جيب CRV اخذ معه 8 سنوات الى PILOT تو ماخذها وطالع بها السما الله يعطيه خيرها ويكفيه شرها وتراها مركب عز :ch19: بالاضافه للقوه والسعه من الداخل بالذات لسبع ركاب براحه تااااامه بخلاف اماكن التخزين الغير منتهيه بها ولك الخيار ......

أمس رحت وجلست فيها مرة ثانية ... آآآآه خلااااااص أنا حبيت هالسيارة من جد فخمة

وانا مع اخوي ابو فيصل زدها شوي وخذ لك كروزر صدقني ماتندم:ch19:

تسلم والله
ومشكور على المرور

الله يوفقك و يعطيك على قد نيتك
و اذا فيها خير لك ان شاء الله انها تكون من نصيبك
و اذا فيها شر لك ان شاء الله ربي يصرفها عنك

قول آآآآآآآآآآآآآمين

أمدحها لسببين :
الاول : سواقتها مريحة.
الثاني : كونها هوندا ( صناعة ممتازة ) ، فيه سيارات غيرها في نفس سعرها يمكن تكون فيها مواصفات أفخم ، لكن حتكون امريكية أويابانية بس شكلها الخارجي قبيح مثل الباثفايندر ! (( رأي شخصي ))
وبصراحة أن فضلتها على السكويا ، لأن السكويا فتحة البنزين يدويه ! ما أدري في رأيي الشخصي مو مرتاح لهالنقطة .


وأذمها لسببين :
أولا ً شكلها من داخل عادي جدا ً .
ثانيا ً سعرها مبالغ فيه في دولنا الخليجية بالرغم من أن بعض الـ options ماهي موجودة مثل الملاحة وغيرها .

دعواتكم لي ياشباب ، أنا نويت عليها ، والله المعين .

ههههههههه

ياخي اول مرره اشوف واحد يبي يشتري سياره ويعيب فيها قبل لايشتريها ... يعني غاليه ... ومافيها مواصفات .. وشكلها مو ذاك الزود ... وتحبها وتحلم فيها ...

الله يختار لك الخيره الطيبه\قل امين

رايي الشخصي حرام تحط 140 بهوندا انا شفتها حجمها صغير ومدري ليش سعرها غالي هوندا قامو يرفعون الاسعار الاكورد ب90 الف ويمكن اكثر على ايش مدري على فكره انا حصلت فل كامل 130 الف البايلوت

دام هواك يمها اشترها ولاتشاور احد اهم شي انك مقتنع فيها

اخوي الله يبارك لك مقدما بس ابعد عن البنوك لان اكثرهم ان لم يكونوكلهم مايطبقون شروط البيع بالطريقه الاسلامية الصحيحة ..والله اعلم

استغفرالله

ما دام وصلت لهالمبلغ من هنا ومن هناك وطق لك لاندكروزر .. كشخة واعتمادية .. وشيك بمخباتك

وسيارات هوندا عموماً أسعار قطع الغيار نار ... فـ حط رجلك

الله يوفقك