آلية التراكشن كنترول وعملية إيقافها بالتفصيل

هذا بالضبط ما يقوم به الـESP في هونداي عموماً

يتحكم بالفرامل والمحرك بحيث عند الأنزلاق

يفصل دعسة البنزين وضغط فرامل لكفر محدد

بالضبط للذي قام بالإنزلاق .. يعني ممكن

يمسك كفر واحد تسلم على الرد .. |1|

أفا.. كله ولا قلبك الطيب :)

لا يكون راح تطلع بايجيرو :eek:

اخي الفاضل مايكروسوفت..

لا احب ان افتي في التوسان لعدم تجربتي له

ولكن اتوقع إذا في زر خاص لفصل التراكشن فمعناه انك مرتاح.. يعني اضغط الزر وبتنتهي السالفة..

التراكشن في الباجيرو مربوط ايضا بدورات المحرك، حيث حين يبدأ بالعمل فإن كمبيوتر السيارة يعمل على تقليل عدد دورات المحرك وذلك ليعطي أمانا أكثر على الطرق الزلقة حيث سيعمل التراكشن دون مقاومة من المحرك.

مدري فيه أحد .!

وين الشباب .. :)

حرام عليك ياخوي دي لايت والله حرقت قلبي بها المشاركة |5|

والله يا بأسوي فيه أفلام أكشن :D

واحب أقول أنتظر المفاجاءة الويكن القادم بتشوف شي يحبه قلبك :eek:

كي لا يفهم بعض الاعضاء هذا الكلام بشكل سلبي فاني اضيف:

هذا الكلام يكون صحيحا في حالة طلوع الكثبان الرملية الحادة او الشبه حاده، اما في الطرق الممهدة والزلقة والصخرية و المشي على الرمال بشكل افقي او شبه افقي فان التراكشن وجوده عظيم..

بسم الله ما شاء الله... صرت خبير والله

الف مبرووك ان شاء الله... وتسلم كثير على الشرح الوافي

الربع اللي تملكه الحين بينافس الجيب رانجلر في طلوع الطعوس :D

وعقبال اخونا Kenny ..:p

الأخ العزيز انس: شد حيلك وخذلك بايجيرو :D ربع عشان نشوف كيف راح تتفنن فيه :eek:

تسلم اخوي خالد على الدعاء الطيب

والله ييسر لك وتاخذ السيارة وتكون مركب الخير ان شاء الله..:)

ووجهك اخوي ابو انس ... بالخدمه دائما.

ياسلام عليك يا المهنا وبيض الله وجهك |1|

حياكم الله يا شباب جميعا ...

بالنسبه للضمان الوكيل مايسويها ... ومسألة انهم ينتبهون لها ويشيلوا الضمان هذا والله مالي به علم ... على اي حال ماني مهتم كثير لمسألة الضمان هنا ... اولا سيارتي باقي لها سنه وثانيا الضمان عندنا بمزاج الوكلاء.

ماعلينا نرجع لموضوعنا ....
الخطوات هي كالتالي (اعذروني الصور كانت بجوال بدون فلاش وطلعت كلها ماهي باينه.ماني منزل صور)

اولا : تشتري المفتاح الخاص بالنتل (موديلات 2006 وتحت) ... رقم المفتاح في قطع الغيار هو (MIMR489443)... المفتاح سعره قبل الخصم 144 ... الي شريته كان الوحيد الموجود في السعوديه .. وماعندي علم اذا بيطلبوا او لا ... اذا ماحصلت المفتاح تقدر تولف لها مفتاح (مثل المستعمل في باجيروا الدوريات .. مايكلف 5 ريال) ...

ثانيا: الكهربائي لازم يكون عنده علم بطريقة فتح الاجزاء في الباجيرو (ممكن تروح للوكاله ويورونك كيف تفتح ... هي سهله جدا الآن انا اقدر افكها كلها) ... البدايه يقوم بفصل البطاريه لانه بيشتغل على كهرباء السياره.

ثالثا: يفتح الاجزاء الثلاثه حول القير (حامل الاكواب - والغطاء الي حول القير - والغطاء الي امامه)

رابعا : الكمبيوتر (ECU) موجود تحت ال CD...

خامسا : اذا العامل يعرف للباجيرو بيعرف مكانه تماما ... مثل ماقال اخونا Daylight سلك الABS هو سلك اسود وازرق (مميز) موجود في اول Connector من جهة اليسار (الوحيد بالاسود والازرق).

سادسا: خله يفصل السلك وبعدين يشبك البطاريه ويشغل السياره .. اذا ولعت المبات الثلاثه الخاصه بنظام التحكم في التوازن والاحتكاك والفرامل (MTC-MSC-ABS). فهذا معناه انك لقيت السلك المطلوب ..

سابعا: يشبك المفتاح في السلك ليكون فاصل بين الABS وكمبيوتر السياره ...

ثامنا: يقفل كل شئ ويكون صار عندك تحكم في سيارتك اكثر.

التجربه:
السياره تحسنت كثيرا (في حالة فصل التراكشن) في طلوع الكثبان الرمليه ... والصراحه التحسن ملحوظ جدا. لان التراكشن كنترول كان يحد من عزم السياره كثيره اثناء الطلوع ... جربتها في مناطق كانت السياره توقف في نصها وطلعت بدون مجهود.

الميزه الثانيه عند سحب سياره مغرزه ... مصادفه لقيت جيب ربع متعلق (مثولث) ... والحاله هذي جربتها قبل كذا ... لكن المره هذي كانت اسهل بكثير وبدون اي جهد على السياره.

الميزه الاخيره ان فصل التراكشن كنترول يحافظ على اقمشة الفرامل (في البر تستعمل بشكل مكثف جدا مما يقلل من عمرها) ايضا يمنع سخونتها وبالتالي اطفاء السياره عليك وانت في البر (حصلت معي اكثر من مره).

الحاله الوحيده الي التراكشن كنترول يكون وجوده افضل لما تكون في رباضه (واقف) وتبي تتحرك ... هنا الحركه مع التراكشن كنترول افضل لان الكفرات ماتحفر.

تحيتي.

ماشاء الله اخونا Daylight

الله يكتب لك خير هالطريقة ويبعد الاعطال والحوادث عنك يارب

رغم اقتناعي فبالباجير إلا أن العائق المادي يؤخرني عن شراء 3800 سي سي لكن

اقول ياكريم ياعسى فالامر خيرة ياعسى فالأمر خيرة

طيب معليش سؤال داخل عرض

جيب Hyundai Tuscon فيه نظام الـESP

وأغلب الدفعات يجي بنظام TCS إلي التراكشن

السؤال .. هل يكفي بأن أوقف التراكشن للتطعيس

ولا مثل ما قال Daylight لازم فصل ومكبس ومدري إيش ..!!!

الحمد لله على سلامتك والله يكون في عونك

أي والله عطنا العملية بتفاصيل :D

في أي ورشة وكم خذت وقت وهل يروح الضمان ؟

وفي أنتظارك يالغالي

أخوك أبو أنس

بعد العوده من الاجازه ... مازلت في حوسات الانتقال الي بيت جديد وتجهيزه ... عشان كذا دخولي للمنتدى قليل جدا هذه الايام ... ايضا مافيه انترنت في البيت الآن...

المهم:
تم بحمد الله عمل آلية فصل التراكشن كنترول (المفتاح) في سيارتي وكما اشار اخونا Daylight هي في المديل القديم اسهل بكثير من الجديد ... فكوا فقط الكنسول الاوسط (الي حول القير) ... طبعا عملتها بصعوبه نظرا لانها اول مره تنعمل في المملكه وبطرقي الخاصه وانا كنت المشرف علي العمليه.. والحقيقه لولا موضوع اخونا هذا والصور الموجوده ماكنت بقدر اسويها ... العمليه كلفتني 210 ريال فقط ... توي عاملها وماجربتها بعد ... فيه صور من الجوال بحاول اضيفها قريبا ... وبالمره باجربها في البر واتكلم عن الفرق من واقع معاناه سابقه مع التراكشن كنترول ...

تقبلوا تحية اخوكم المهنا.

شكرا جزيلاا وماقصرت

ايوا
تسلم الغالي ماقصرت