قـصائد وأبـيـاتـ في وصف السياراتـ (( سجل اضافتك ))

[Abu-hatim890]

كامري - شاص - لاند كروزر - كرسيدا- شبح - مرسيديس - - - - فقط هذه السيارات الممدوحة في الشعر لكن ترى الشعر يرفع و ينزل وعاد كلن هو ولسانه...

[فهد منصور]

بسم الله الرحمن الرحيم
السلام علكم ورحمة الله وبركاتة
والله يا اخوان مشكوررين وما قصرتوا على المشاركات الاكثر من رائعة
والله للاسف ما عندي اي قصيدة
وتحياتي لكم
بوفيصل

[M O A Y A D]

.
.
attm

الشكر موصول لكـ
بتواجدك هنا
===============
Abu-hatim890

اهلا اخوي ,,, وهات ماعندك من اضافات ولا تبخل علينا
وصدقت في وصف حال لسان الشعر وانا اخوك
===============
بوفيصل

حياك اخوي ,,, والله لايجب قصور بينا
واي شعر ابيات لو سطرين لا تبخل علينا

[M O A Y A D]

.
.
.
جمس

قال اللذي بالشعر بيطار وسياسي*** لاقال قولٍ جميع الناس يمضونه
شرّاي اربع سلندر صابه افلاسي*** تقزر سنينه وهو مايوفي اديونه
ياراعي الجمس خذت الفوز بالكاسي*** لله درّ اللذي بالدين يشرونه
لاروّح الليل بردٍ والهوى قاسي*** فاركب على الجمس خلّه يلعب افنونه
ياسايقه شيّكه من غير وسواسي*** ودورية الطرق ماوالله يجيبونه
انا مجرّب وانا بالعلم حساسي*** ولا قيل لي كلمةٍ بالجمس مضمونه
والجمس لامن ركبته طار عوماسي*** لو طال ممشاه مايتعب دركسونه
مضبوط في هيكله والقير والشاسي*** وكنها تروسه مع التعشيق مدهونه
خبّ الصلف بالحموله يفرس افراسي*** ولاداس ربع السليتر جاب طبلونه
ردوّ سلامي وانا باكشف لكم راسي*** وشكري على مصنعه واللي يجيبونه

[alyami_vtc]

هذي قصيدة في الشفر الكابرس
يقول

جعل الشفر مايجيه خلاف _____ جعل القبل دايمن صافي
يبديبنا على المشراف______ وبدية الرجم ماخافي

[alyami_vtc]

وهذي القصيدة في الفتك ( الباترول )

تآمر علي وحسنها حيل جذاب

واللي تبيه لعندها اليوم نازل


عندي سفاري مفردٍ عنده الباب

ماله شبيه بمنطقتنا وحايل


قال العذر مقبول يا طول الاشناب

هذا السفاري عزوةٍ للمراجل

[GTA_IV]

ولا يهمك يا (( MR.GMC ))

يقول الشاعر
.
.
.
.
.

راكب من فوق زين التغنــــــــــــــــــــــاج = اللي على خشمه رموز الـولايه
جمس اللي اليا مشا تقل ميــــــــــــــــراج = من سرعته يختل وزن المـرايه
وجهه يعزل الريح تعزيل الأمـــــــــــــواج = بنحور سفن البحر لا هب حــــايه
ما يصير له نصف الهوى عوق وإزعـاج = في مقدمه ضد الهبوب انحنــــايه
مترفع بينه وبين الوطن صــــــــــــــــــاج = للقير والكرتير ركب حمـــــــــايه
واليا عطاله مع حتايه ابو طنــــــــــــــاج = حضن الحلول لمستحق الرعايـه
صوته اليا قام يتدرج تـــــــــــــــــــــدراج = كنه على سموعك يرتل له آيـــه


وسلامتكم

لاااااااااااهنت ياذيبان وسلمت يمينك

وآسف على الرد المتأخر لاني ضيعت الموضوع

يعطيك الف عافيه يابطل

[M O A Y A D]

.
.
.
alyami_vtc

يسلم يمينك يابطل

ولا يهونون الاخوان