قـصائد وأبـيـاتـ في وصف السياراتـ (( سجل اضافتك ))

[ولـــد ابها]

وهذي قصيده في الرنج روفريـاراكـب الـلــي كـنــه الـطـيـر لاطـــار *** راكــبــه لاعـشـقــه مــاهــو يــداريـــه
فـي مشيتـه يقصـر طويـلات الاشـبـار *** وفــي فـزتـه يجلبـلـك الـمـوت حـاديـه
صناعـتـه بـاعـوه فـــي كـــل الاقـطــار *** من مصنعه صمـم عـن الشيـن يكفيـه
وفي شوفته يذهل حسينـات الانظـار *** لاجـــاك لـيـلـه يـظـهـر الـنــور تـالـيــه
ولاشافـه العاقـل غــدا الفـكـر محـتـار *** ويـقـول يارحـمـان ذا الـنـفـس تبـغـيـه
فــي مصـنـع الألـمـان حـطـوه تـذكــار *** رمـــز التـفـاخـر يـابـشـر مـــا يـجـاريـه
وباسمـه اللـي يشعـل القلـب بالـنـار *** خـــلا ردي الـحــظ بـالـديــن يـشـريــه
(الرنـج روفــر) محـطـم كــل الاسـعـار *** أنــا أشـهـد أنــه قـايـد الـعــز شـاريــه
وجهـيـتـه الـلــي غـــدة كـلـهـا أنـــوار *** بـــرق سـطــع لاولـــع الـنــور راعــيــه
فـي دق سلفـه كـنـه عـزفـات مـزمـار *** مـايـطــرب الاسـايـقــه لانـــــوا فــيـــه
ولاالــرفـــارف كـنــهــا خــــــد نــــــوار *** ممـا بـلا البايـع عـلـى السـعـر يغلـيـه
ولا مـا نـوا يـشـوف السـمـا دق الازرار *** يـخــيــل بـالـسـمــا طــيـــور تـبــاريــه
فـي سرعتـه بـاقـول يسـبـق لـلاقـدار *** أستغفر الله ويش أقول ويـش أسميـه
مـن منظـره كنـه جمـوع كــل الأبـحـار *** وفـــي ركـزتــه كـــل تـكـفـى بـلاويــه
والمعـجـزه لاجــاك يمـشـي بالاقـمـار *** الشاشـة اللـي حـددت كـل مساريـه
ولامــا ركبـتـه بـذمـتـي تـقــول طـيــار *** أربـــع مـــراوح عــزتــي مــــا تـقـاديــه
عــز الله الـلـي صمـمـه قـايــد أفـكــار *** الـفـكــر رايــــق والـطـويـلـه تـحــاديــه
ألـفـيــن وسبعه وعـــــداده أصــفـــار *** عسى الله يحفظه مـن الشـر ويكفيـه
يـا راكبـه بوصيـك تكفـى فـي مـشـوار *** عـلـى مـكــان الـعــز لاجـــاك طـاريــه
بوصيـك بربعـي هـم هـل العـز والـكـار *** تـوصـل سـلامـي تبـلـغـه ثـــم تلـقـيـه
لـهـل الـوفـاء شـهـران حمـايـة الـجـار *** وبأسمها اللي في سما المجد عاليه
عـــز الله مـــا بقـولـهـا وأنــــا مـحـتــار *** والـمـدح فـيـهـم والله انـــي مـاأوفـيـه
قـبـايـل يـشـهـد لــهــا كــــل بـيـطــار *** ويشهـد لهـا عصـر مضـى كـل ماضيـه
وآل بـالـقــرب تــعّــد نـــــد لــلاشـــرار *** وتـــرد ســـودان الـوجـيـه الـمـشـاريـه
والقـول فـي معنـاه يرجـع علـى الـدار *** اللـي شاقنـي حبهـا فـي كـل واديــه
الغـربـه شاقتـبـي والحقتـبـي أضــرار *** والقلـب مـا لقـى يانـاس مـن يواسيـه
مـن خــوت المـرجـوج لا راعــي الـعـار *** لاسقـتـه لـلـوفـاء يـقــول انـــا مـاابـيـه
ومــا ظنـتـي بـوضـح الـعـلـم بـأشـعـار *** ولاأفضـح اللـي داخـل القلـب أخفـيـه
هـذا كلامـي والـلـذي صــار مــا صــار *** وراعــي الكـرامـه دايــم الــدوم أبـدّيـه
ويالله يـاعــالــم خـفــيــات الاســـــرار *** تعـطـي لـعـبـدك مـــا يـــوده ويـرجـيـه
وختامهـا صلـول علـى سـيـد الاخـيـار *** محـمـد الـلـي بغـالـي الــروح نـفـديـه

[M O A Y A D]

.
.
.
ولـــد ابها

سلمت الايدي ع الاضافة

[Night]

شكرا لك ياميدو على الموضوع الروعة والجميل

وهذي قصيدة اهديها لكم من سيارتي قاهرة الرمال

الباترول

وهمي يالي همني حيل واغرق = حالي وفرح العين مني سرقيا
وقفت تال الليل والخيط ما شق = والدمع من عين المولع غرقيا
اللي تأمل في حياتي وبرق = وشاف الامل في دنيتي ما برقيا
يلقا وشوم الحزن في مهجتي دق = وقليل من عمري هو الي عتقيا
ما بين علم الطافي نق في نق = وما بين علم بالزفير وشهقيا
وما بين سم في حشا الروح يشلق = وحطم خلايا بالوريد ومحقيا
وما بين حزن لاصق الروح والصق = ومن كثر ماهو لاصقن به سحقيا
اجتاحني حزني وغرب وشرق = وانا الاسير الي من العام شقيا
فرقا الونيس اللي فلق حالتي فلق = علمه هدم حالي وموجه صفقيا
بالشدة القصوى وباليوم الامحق = هو العضيد الي له الروح تقيا
عزاه يا قلب بك الهم طبق = وارهش عليك الحزن فوقه نعقيا
وسريت في ليلي مع الجيب الازرق = اللي زراق الليل معهن زرقيا
جيب زرق بالبيد معها تمزلق = اللي لمتاهات الفيافي عشقيا
عشق العشوق الي تعاشق وتعشق = تلقا الرضم من حدر بديه رشقيا
شقاق رشاق الفيافي ليا شق = يشبهن رشاش النياشن مطقيا
جيب على حلو الفيافي تمطق = مع الفجوج الي تعقد نطقيا
جيب سفاري للمساري تدلق = مشيه على غيره بدابها فرقيا
سميته الوافي وهو وافي حق = حقق وانا حققت فيه الحققيا
دايم على خوض الصعيبات يشفق = لا شاف صعبٍ قال ربي رزقيا
عزمه قوي ما عمر يومٍ تعلق = يا شاف حمر النفود فاع انطلقيا
يشبه لشيهان بالجو حلق = يا جاك مهو بشايفن له سمقيا
لا شم راس الطعس ارقب ودنق = والقمه نمره وانتهض وانصلقيا
يكسر عناد النفود حين يتزحلق = في سكته تسفي رمال الحمقيا
لا جا مع الضلعان وقام يتسلق = تقول هذا ما براسه علقيا
يفرح اذا شاف الوعض ويتشقق = قلبه حديد وقلب غيره مزقيا
لا مر طلعات الشباب يتعنفق = يقفى ولا يقفى شبيه الفشقيا
عذروبه انه دايم الدوم يسبق = يبدع جديد يقول منهو لحقيا
حب الوفي مني تملك وغلق = كامل وصوف الكنق فيه انطبقيا
من يركب البترول ما راح يزهق = ولا يعرف التهميز هو والزقيا
في خوة البترول تقسم وتنطق = خوة وفى خوة صويب الشلقيا
ارتسي على كبد المواتر وحرق = من بينهن يشدى لميع البرقيا
الجمس والتايوت والفرد الاخرق = كله مع البترول خاق وخقيا
كنق الصحاري دقدق خشومها دق = دقدق خشوم الي تريد السبقيا
خلاني الجى للخلا واتملق = لان الخلا من واقعي هو نفقيا
حاولت اقاوم لكن الهم حرق = كل الامل واخرس جميع النطقيا

وسلامتكم

وان شاء الله اعجبتكم القصيدة

مع التحية لكم

اخوكم

Night

[M O A Y A D]

.
.
.
الشاص

الله على اللي من حفيزه شريناه __خواجته صب البدي والغماره
حس المكينه لا اشتغل ما سمعناه__ولا يعرف التفتفه ولا الحراره
شاص جديد ينعش القلب ممشاه_وسوق الدراهم في بديله خساره
الشاص موتر البدو والبدو تهواه_ولا يحب الحضر ولا اهل الحضاره
الشاص يبغي اللي بعيدا ممشاه_وشب ناره في راس الزباره
فوقه شجاع تخصل الطيب يمناه_وسواقته للشاص فن ومهاره
يبرا لذود ترتع وسط مغلاه_جو خلا والعشب يحيي خضاره
واللي يذم الشاص لعله فداه_ماجربه في رمل ولا قراره

[الانيـق]

السلام عليكم
بيتين في المازدا عالماشي
طبعا البيت الاول معروف [ اسامي اعضاء ] والبيت الثاني من عندي

الزوم عند اللزوم
............... والبقية مالهم لزوم
واللي يبغى سيارة خدوم
...............ماله الا الزووم

وسلامتكم

[M O A Y A D]

..
.
.
Night
الانيـق

سلمت الانامل ع الاضافات الحلوة

[M O A Y A D]

.
.
.





هذه رساله SMS وصلت للوالد " حفظه الله "
بمناسبة شراءه شيفورليت تاهو
الرسالة تقول :



في رفرفيه ترنم(ن) خجل(ن) مُـحـَـيـَاهـُ ,,,,, كأنهن عذارى بالردف يتـبـاهو
يأ أشرف الاقوام يا مـَـن علا جــاهـُ ,,,,, الـبـشــت مـَلـبـَسه و المركب الـ تــاهو





وسلامتكم

[attm]

مشكور ياشباب وصح الله السنتكم
ومشكور يا ميدو على الموضوع المميز
وافضل قصيده هي رقم 4 وصراحه احزنتني مرررررررررره
وجزاك الله خير