قناة السيارات
.
.
.
قصيدة وجدتها على الشبكة عن هوندا موديل 82 :
موتري هوندا 82 من صنع اليابان
لونه احمر مثل حب الرمان
ركبته ودرت بالحاره وانا فرحان
الله يجزي من شراه لي بالاحسان
يفز قلبي لا شفت مرسدس الالمان
لكن ظروفي ذاك الوقت صاير فيها فقران
دائم واقف عند الباب خربان
ودائم لا بغيت اروح وصلوني الاخوان
صحيح اني شريته يومني طفران
كيف بطالب يشتري قطع غياره وهي نيران
صحيح اول مركبه يريح الشايب التعبان
وكان عندي غالي مثل مرسدس الالمان
...Twitter/Instgram : @M04J:bigggrin:
نسينا نسينا
المكسيما
راحت على الباب الايمن فوق مكسيما
والشاص عيا حلال القوم يلحقها
كتملها السائق المجنون تكتيما
ياليتني في محل الورع سايقها
تذرف عيوني مثل هداج اهل تيما
قمت امسح الدمع مير الدمع مغرقها
وتبقى معزتها في قلوب محبينها
اترككم مع بعض الابيات من احد الشعراء الذي ثارت قريحته بعد مشاهدته لاحد الشباب يقوم بالتفحيط على الشاص
يا شاص جيتك نأوي اليوم أعزيـك
........................قرب يجيك الموت حـان ارتحالـك
من يوم شفنا لابس ألكـاب راعيـك
.......................مدري وش اللي غير اليـوم حالـك
أبـو سبيـب كنهـا شكـة الديـك
.........................يمشـي وكنـه مـوردك للمهالـك
إن كـان ذا حالـك فحنـا نخليـك
.........................عقب الربـع قالـو ترانـا رجالـك
عقب الكوامري ولعبـن بالشرابيـك
.....................واليوم فوق الشاص عقب الكدالـك
مـا بـقـا الايقلبـونـك تماتـيـك
.......................ويبـدلـون ألمرتـبـه بالمـدالـك
مادام حطولـك جنـوط وسيراميـك
.......................اصبر وتحمـل كـل شـي ينالـك
يا للي ركبته وش تبـي بالمهاليـك
.....................غلطان أبوك اللي رضا وشترا لـك
الشاص ماهو لك ولا هـو باغيـك
...................الشاص للرجال اللي تعرف المسالك
لصار جـو البـر يمخـش اياديـك
.......................خله يجـي قرمـن يسوقـه بدالـك
مدام طوقك مرتفـع عـن علابيـك
.........................وأبـوك زود بالنعـومـة دلالــك
عز الله إن أبوك ما عـرف يربيـك
.....................ولامسك نصب المساحـي بشمالـك
لمـع وضلـل صافيـات الشبابيـك
....................ولا يفارق الفيري مع الوقـت بالـك
الشاص مالك به أقصار خطاويـك
........................حـدك الدائـري وهـذا مجـالـك
التعديل الأخير تم بواسطة M O A Y A D ; 19-10-2009 الساعة 12:14 AM
المشاركة الأصلية كتبت بواسطة sultan alghamdi
هاذا الشعر وبس يكفيكم أن عيسى عنهاها على الشفر
والقصيدة الثانية غناها طاهر الهي على الجمس
وبــــــــــــــــــــــــــــــــس
انا الي اشوف ان كل واحد سواله قصيده عن سيارته ههههههههههه عاد الحيين ومن زين السيارات
يسلمووو على الموضوع
ولاهنت يالغالي
موضوع جدا رااائع
بس للأسف مأقدر اشارك
الماركيز
راكب اللي لا انتهض ما يغـّير مستواه = فورد ماركيز أل أس يفداه الردي
لعـنبو غـيره عشقته ويجذبني نـداه = لا ركبته قال سَــفح ولــوّح للجدي
لا مشا غصبٍ على العين يلفت الانتباه = في شموخه عز وللدرب سيف مهندي
قاصر الهقوات تبع النـَسابه من فداه = ذاك ما يسوى المرايه ولا حتى البدي
لا كفخ يعطي هل الدرب نظره وانتباه = بقدرة الوالي على الوقت اصل موعدي
من سلايل الميركوري يوم سند لقرباه = لا اعتزا كل المواتر تِشيش بــ الردي
في شف بالي ماستمع لا ولا لم
الموتر اللي حق يستاهل القول
لا هوب تويوتا ولا هوب جي أم
من صنعة اليابان نيسان بترول
من حس سلفه كنّه يقول لك سم
رفيقك اللي صافيٍ لك على طول
من شركته فيه الدليله امعمم
وفوق الدليله ركّبوا فيه محمول
في اليابسه ماقلت له قال لك تم
لك من جنوب عمان حتّى اسطنبول
من داج به قاعٍ وعر مانقل هم
تصبح له القاع الوعر كنها اسهول
لاهنت يالمانع وتبقى وتسلم
من طوكيو جبت النياسين بأسطول
وأرسلت لليابان بعتوا لهم كم
وصاح بلغتهم كيف ماهوب معقول
بغى يجيكم غير قالوا له احلم
وارسل لكم مما سمع شخص مسئول
فاقت خيالي صنعته كيف صمم
انا أشهدٍ من صممه اتعب اعقول
رد مع اقتباس
