ليش الفكتوريا ما يجي فيه حساسات ؟؟؟

يعني كلنا نتفق أن الفورد خارج المنافسة , أنا معكم أن الفورد كثر وبثر لكن ما لنا غنات عنة ,والشي المهم

في الموضوع الفورد 2008م وش بيسوي في الاسواق أنا متأكد أن جميع الوكالات سيسحب البساط منهم ومبيعاتهم

ستقل , والقادم أكثر

وش تقولون فينا..((الوالد يعشق فورد)))
الحين بالبيت فكتوريا وماركيز وتاونكار ...
غير الفوردات السابقه اللي كانت موجوده!

صح لسانك اخوي المستشار

بردت قلبي


انا معي فورد موديل 99


ولا احلى ما شية زي العسل

مساء الخير اخي الفاضل

هل تعتقد بان فورد لاتستطيع تركيب حساسات وانظمه متطوره للفكتوريا وانوار زنون وووووو الخ


تستطيع ولكن كسيارة سيتوقف انتاجها فلن يتم تطويرها واضافات مميزات مكلفه في السيارة


وغير كذا لاحظ بان المميزات هذه التي تتكلم عنها تكلف فلوس فهل ستدفع الفرق ؟

انت لربما قلت سوف ادفع ولكن غيرك لن يدفع فلاحظ دائما مبيعات الاستندر اكثر من الفل كامل


لان الاستندر الذي اقل مواصفات ب 75 الف والفل كامل 104 الف ( طبعا الاسعار تتفاوت على حسب الوقت الزمني في السنه)


فلو وضعو المميزات التي تطلبها وتتمناها لارتفع السعر ووصل الى 100 الف على استندر



تماما مثل سعر اللكزس المرتفع واكثر السيارات الفارهه


لا احد يقول لاتقارن اللكزس بالفكتوريا اللكزس ابدعت في التصميم والمواصفات والجوده ولكن بالمقابل كذلك بالسعر المرتفع


الفكتوريا ابدعت بجوده وبمواصفات جيده جدا وبالمقابل بسعر جيد جدا



لذا يعتبر سعر الفكتوريا سعرها مناسب بالنسبة لمواصفاتها وحجمها وامكانياتها وقدراتها وجودتها



((( اذكر سعر المارودر اول مانزل عند الحاج حسين عام 2004 كان ب 140 الف بسبب ان محركه محرك


موستنج وعليه اضافات مثل الجنوط 18 وهو فل كامل فكل شي له سعر )))




والله الموفق

عز الله انه دليل كافي وزود بعد

فتحت شباك البيت واعد طلعت ( 10 سيارات ) منوعه فكتوريا ماركيز

البيت الواحد تلاقي عنده سيارتين بالقليل كحالي انا مثلاً :D


بالنسبه للحساسات والله مااشوفها بهذيك الاهميه ولا مهم عاجزين يسوونها بسياراتهم

تصلح للغشم |11| ما يحتاج حساسات كنك خايف على سيارتك أفتح عيونك 20 بوصه :D


حتى لا يتهمني البعض بالتعصب فأقول ردا ً على كلام اخونا وحبيبنا ( المستشار )


من ناحيه الفصل الكهربي في حاله إنفجار إطار فأذكر لك حادثه وقعت لقريب لي

كان معه كابرس صابونه بوكس موديل 91 كانو ماسكين خط سفر المهم قدر الله

وضرب عليه كفر السياره فصلت ولا هي راضيه تشتغل

وقفوا ناس يساعدوه محد عرف لها راح وجاب كهربائي من محطه مجاوره له

راح أخر السياره ونزل تحت الصدام الخلفي وكان فيه سلك الظاهر انه مفصول وشبكه

محله ودق سلف وكمل طريقه :)


بالفورد نفس الشئ حصلت معي ابغى ابعد عن حفره وطلعت رمله شوي عاليه

وطفت السياره وقفت ودقيت سلف وكملت طريقي :)


<<<<<<<<<<<<<<< طولتها وهي قصيره الله يهديك |3|

أخوي الفورد كله حساسات , المكيف أحسن سياره فيها حساس يتفاعل مع الجو الخارجي , وأحسن حساس في
نظام الفصل الكهربائي أذا سمح اللة صار صدمة أو انفجار كفر وكذلك حساست الأير باق الاول في السيارات وطلع من زمان يوم كان الكرسيدا طيس ,

أما حساسات الصدامات هذا نظام حتى في السيارات الصغيرة والكورية ولا تقدم ولا تأخر مجرد نظام عادي في السيارات الياباني ما عدا السيارات الالماني تستاهل لأن الصدامات غالية ونفس الي يسوق مو فاضي يلتفت يشوف من ورى السيارة

وأخيرأ يبقى الفورد أنجح سيارة في السعودية ودول الخليج والدليل شف كم سيارةفورد حول بابك ؟؟

سمعت قبل فتره اخبار انه اخر موديل في الفكتوريا والماركيز راح يكون 2009 ... وبعده تنقطع هالسيارتين ويفتحون المجال لأنواع اخرى بديلة


لان الفورد الشكل الحالي طبق 10 سنوات كاااملة بدون تغيير والشركة ماتبي تصرف فلوس وتطور موديل راح يتوقف لذلك باقي على وضعه من 98


والله تعالى اعلم <-------- بالعربي لاحد ينشب بحلقي :D

جذاب 18 مسائك ورد

أنا اعتقد ان رئودي كان يقصد بكلامه ليه السيارات صارت تتقدم وتتطور والفورد مكانك قف وكونها سيارة كلاسيكية لايشفع لها بأن لاتواكب التطورات

يعني اكيد كل صاحب سيارة لو كانت على كلامك هايلوكس يبي تقنية حديثة بسيارته
وإذا كان الفورد 93 نزل عداد الكتروني ليه ماطوروه في الموديلات الجديدة يعني الناس تتقدم مو تتراجع وكون فورد اول من نزلت بعض التقنيات فهذا غير مبررررررر على توقف التقنية والعودة للخلف بينما السيارات الاقل من المتوسطة صارت تنزل بتقنية حديثة حتى لو كانت تلفيق وتقليد ,,,,,

ذالك لأن الفورد سيارة كلاسيكية في الأصل و تعتمد على قاعدة قديمة

يارجال خل يغيرون الشكل بعد يصير ألف خير

يعني حرام بصراحة واحد يشتري 2007 بهذيك القيمة وفيه فورد 99 نفس الشكل والمواصفات
بصراحة الشي الوحيد الي مصبر العالم راحة السيارة ولا المواصفات الثانية خلها على ربك
حقت العصر الحجري
حتى السيارات الكورية تطورت وهذي سيارة لها اسمها وإلى الحين ماشفنا شي يلفت الانتباه فيها