للبيع شفرليه كمارو 98 ls1

مرحبا اخوي سوبرا..

سبب البيع..انا ادرس في كلية وصعب اني اروح بسيارة سبورت زي هذي وتدري انت طريق الجبيل كله عج وغبار وتحويلات فحرام انا اروح بسيارة سبورت مثل هذي..فانا احاول انا ابيعها واخذ سياره غيرها...والله كل ما لمعت السياره اطالع في السياره واقول المفروض ما ابيع ههههه:D :D
انا حادنها بــ 35 الف وفي مجال للتفاوض للجادين والف تحية لك

أخوي واش سبب البيع ؟!وبعدين انت كم حدك فيها ..السيارة كشف أو سيدان ؟!

تسلم على الرد أخويcamaro_corvette بس كنت افكرهم حق إس إس فإنشاء الله تحصل لك شراي مع تحياتي

هلااا اخوي كريزي كمارو

الجنوط اصليين مية بالمية ومختومين ...الجنوط حق z28 وما يجو الا مطفيين بس نظاف ..انشالله باحط صورهم

وشكرا

الجنوط 2002 هل هم اصليين عليهم ختم GM وإذا ودك تبيعهم لحالهم وبكم تريدهم؟؟؟
وهل هم ستيل وهم حق إس إس أوZ28 وإذا هم حق إس إس ممكن صور مع تحياتي

مرحبااا شباب..
mr.gms وred horse

السياره الحمدلله مافيها اي خرابات ..السياره ما ما اطلع بهه كثير والله حدود الشهرين مطربله في الكراج ...بالنسبة الى حدي فيها انا ابغاها بـ 35ألف قابله للتفاوض ، وبالنسبة الصور راح تنزل انشالله صور كثير لها..

بالنسبة للاخ red horese ..

1= كم سايمها؟والله توي عارضها ما اكذب عليك واقولك ناس ساموها لاني ما طلعتها من اللبيت .
2- وين مكانك؟ انا من الشرقية وانشالله نقدر نتفقد على اي مكان
3- هل صار عليها حادث ومن اي جهة اذا صار وكيف الشاصي؟الحمدلله من اخذتها ما صار لها شيء وامكانك انك تفحصها فقط فيها حكة بسيطه يا ذوب تلاحظها
4- كم مرة وضبت الجربكس ؟ ما وضبت شيء لان ما اداعس الا قليل جدا
5- هل وضبت المكينة او اتفكت واذا اتفكت هل عليها قطع؟ السياره ستاندر
6- كيف الدفرنس ؟ الحمدلله ماشي زي الحلاوه والكارونه كويسه
7- اخر سؤال هل المكيف شغال وهل السياره تسخن؟ المكيف مغير فيه كل شيء جديد لان الصراحه اخترب علي نهاية الصيف الي راح ودفعت فيه اكثر من 2500 ريال ..لان ركبت كل شيء له جديد واهم شيء غيرت الكمبرسر واخذته من الوكالة بــ 1750 من التوكيلات وكان هذا اخير كمبرسر وجايبنه طلبيه من جده
ونظفت وبدلت كل شيء

بالنسبة للحرارة بامكانك تجرب السياره وتداعس الا تزهق وشوف مؤشر الحراره وتحكم بنفسك

بالنسبة لمتسوى السيارة ..الي جربت معاهم قليل لان زي ما قلت ما احب اداعس انا بس هاوي شفر بالقوه...جربت مع موستنج 2005 جير عادي مع سواق معروف عطيته تقريبا مسافة سيارتين واكثر وجربت مع لومينا وكابريس اس اس ..الحمدلله قدمت واماكنك تجرب السياره على كيف كيفك وتفحص كل شيء ..

وتقدر تتواصل وياي اذا تبي تعرف اكثر

وشكرا

عليكم السلام والرحمه
حبيت اسال كم سؤال وقلت انزلها في الموضوع بدل ماارسلك عالخاص لعل احد يستفيد منها ويشتريها

1= كم سايمها؟
2- وين مكانك؟
3- هل صار عليها حادث ومن اي جهة اذا صار وكيف الشاصي؟
4- كم مرة وضبت الجربكس ؟
5- هل وضبت المكينة او اتفكت واذا اتفكت هل عليها قطع؟
6- كيف الدفرنس ؟
7- اخر سؤال هل المكيف شغال وهل السياره تسخن؟

واتمنى لك التوفيق في البيعه