سلام عليكم ..
منتدى رائع والناس اللي فيه اروع و اروع ..
يشرفني اكتب اول موضوع واتمنى ينال على إعجابكم ..
حبيت اسئلكم سؤال بسيط ..
و هـو لعشاق الكابرس واللومينا ..
طبعا معظمكم إن لم يكن كلكم ..
يعلم أن وكلاء جنرال موتورز كثير ..
الجميح و بالبيد والعيسى والتوكيلات ..
و تعلموا تماما أن تويوتا لها وكيل واحد .. وهو عبداللطيف جميل
كلكم تعلموا مدى انتشار الكامري والكورولا بشكل رهيب جدا ..
انا أرى إنه عبداللطيف جميل ، وكالته بكل حيادية وعدم تعصب ، وكالة جدا مميزهـ ..
في التسويق تجدهم التوب ، وفي الصيانه كذلك التوب بالرغم من العدد الهائل لسياراتهم ..
تعالوا نشوف الوكلاء الكثير حقون جنرال موتورز ونشوف تسويقهم ..
يختلف من وكيل لآخر ..
ربما الجميح يكون افضلهم في التسويق ..
ولكن في الصيانه كلهم تعطيهم صفر ، إذا ما كنت مزبط مهندس الصيانة وكذا او تعرف احد في نفس الوكالة ..
شوفوا وكالة عبداللطيف جميل ، وشوف سياراته زي الرز
وصيانتهم رائعه جدا ..
مقارنة بالوكلاء الاخرين
واصلا حتى لو جا واحد او اثنين اشتكوا من صيانة عبداللطيف جميل ، فهم لا يمثلوا الاغلبية
لكن تعالوا نشوف اللي يسوي صيانة للكابريس او اللومينا وخاصة لو كان في الجميح اللي في جدة
يا اخي يكره حياته ،،،
لكن شوف عبداللطيف جميل ، عدد فروعه اللي فيها صيانة
اصلا تختار الفرع اللي تبي تودي له سيارتك اذا كانت كامري ولا كورلا
بكل صراحة مو عادم سيارات جنرال موتورز الا الوكلاء ..
واصلا هذا الخطأ من نفس جنرال موتورز
شوف تويوتا ، وكيلها واحد وهو عبداللطيف جميل ، وبصراحة ممشي سوقها بشكل رائع جدا ..
و وكلاء جنرال موتورز كل يوم ناكبين سوقها اكثر و اكثر ..
تخيلوا إنه الكابريس الجديد لما نزل والله ما شفت صوره الا على الانترنت ، وفي الجرائد اقعد ساعة اتصفح الجريدة على امل اني اشوف واحد من الوكلاء متنازل مسوي له اعلان
لكن بعد فترة شفت له كم اعلان واصلا كنت شفت صوره هنا في المنتدى من زمان
ولما نزل الكابرس واللومينا ، وكالة نزلت الكابرس وما نزلت اللومينا و وكالة ثانية ما نزلت ولا سيارة منهم ، و وكالة ثالثة نزلت الاثنين والسعر على كيفها ..
لكن شوف الكامري اول ما نزلت ، يمكن الاعلانات قبل السيارة نزلت في السوق << مبالغه بصراحه
يعني فرع تويوتا اللي قريب من بيتنا ، يا ناس والله فيه لوحة كبيرة عند نفس الفرع عليها صورة كامري ، بصراحة اللوحة تكلف مبلغ جامد جدا ..
روح لأي وكيل من وكلاء جنرال موتورز ، مسوي لك لوحة ، حتى اللوحة تحسها رخيصة وتعبانة واصلا تصد النفس ، مو تجذبك زي اللوحات الدعائية حقة عبداللطيف جميل ..
بصراحة وكلاء جنرال موتورز ناكبين السوق ..
وما اقول غير ، الله يصبرنا ..
و يا ريت لو عبداللطيف جميل يسوي خير فينا ويأخذ وكالة هذه السيارتين بالذات ، صدقوني صدقوني بتصير منتشره اكثر من الكامري نفسها ، لأنه وكيلها بصراحة ممتاز وبدون اي عصبية او انحياز ..
اما هؤلاء الوكلاء ، بصراحه عدمونا و استنزفوا كل شيء فينا ، ماديا ومعنويا وجسديا واي شيء ..
ايش رأيكم في موضوعي .. ؟
خلوكم واقعيين وبالفعل اتخيلوا لو عبداللطيف جميل اخذ وكالة اللومينا والكابرس بدال الوكلاء هذول اللي كل واحد فيهم يسوي على كيفه ..
معي حق انقهر ولا مو معي <<< اعصابك بس
واتمنى الجميع يشارك في موضوعي المتواضع
ولكم مني جزيل الشكر والعرفان
دمتم بود ..
احترامي
