صوره فاجعه لعشاق المرسيدس

هذا مهوب مستغرب على الوكلاء انهم مايصلحون سياره مضمونه الا با اللعنه
المستغرب ان السياره مرسيدس فخر الصناعات الالمانيه اللي ما فيه احد يتمنى انه ما عنده مرسيدس خصوصا الهامور


انا اقتراحي للشخص صاحب السياره انه بسرعه يرسل ايميل للشركة الام ويشرح لهم كل شي ويشوف الرد ان ما دقوا الوكاله عليه يترجونه يجيب لهم السياره يصلحها عندهم وبلاش على الضمان خلال يومين

انا عندي واحد من العيال معه اكس 3 بس بي ام المهم الرجال قدر الله عليه حادث مع الوجه قالوا الوكاله تصلحها عندنا ب 52 الف ريال الرجال قفلت معه اقترحوا عليه الشباب يرسل ايميل للشركة الام المهم ارسل ايميل على انه شكوى وقال الصدمه قويه وصور الحادث والسياره وقال انا اخترت اني اشتري بي ام لاني ابغا السياره تكون امنه وهذي ميزه البي ام وانا من اشد المعجبين في البي ام ثم اشتكى ان الايرباق ما طلع وهذا اللي شوه فكرت اللبي ام في راسي وكتب كلام يحبه قلبك وان الوكاله ما تعاونوا معه وتكلم عن سعر تصليحها اللي قالوا الوكاله له وانه متحطم من البي ام ومن ها الكلام

بعد 3 ايام دقوا الوكاله بي ام الرياض عليه قالوا الاخ فلان الفلان قال نعم قالوا ممكن تجيب السياره عندنا سألهم ليش قالوا له انه راح نصلحها لك بسعر 39 رفض طلبوا انه يجي عندهم ولا طلع من الادراه حقتهم الا والسعر 22 الف بس انا ما صدقت جاب الرجال لي الورقه اللي فيها القطع اللي بتتركب في السياره قبل الايميل والورقه بعد الايميل اثر الوكاله كاتبين قطع زياده في التقرير الاول نصب عيني عينك

انا بصراحه ما جربت الى الان مثل ابوجميل والله ان عندي الافالون ماشيه 68000 زي العس كل الصيانات عنده حتى الزيت ومددت الضمان خليته 5 سنوات بدون كيلوات

الجفالي يمدحونه وهو ما فيه كلام افضل من الناغي وقطع الغيار با النسبه للمرسيدس ارخص من البي ام بحدود النصف ان ما صارت اكثر
بس انا عندي اقتراح لأصحاب المرسيدس فيه مكاتب في المانيا اللي يبي يشتري سياره من المانيا يجيبونها لك بأعتماد بنكي نفس ها المكاتب اللي يبي قطع يجيبونها لك من المانيا اصليه بنصف سعر الجفالي وجديده بكرتونها من المصنع ويرسلون القطعه خلال اسبوع الى اسبوعين ب DHL هذي واحد من العيال خربت عليه قطعه في الفياقرا ولا ادري وشي بصراحه جا بها با الطريقه ذي بس يعرف راعي مكتب هناك سعرها عند الجفالي ب 6000 جابها ب 2400


وشكرا