لييييييييه سيارات مازدا مظلومة؟؟؟؟؟؟؟؟؟(موضوع كبير للنقاش)

يقولون اللي مايعرف الصقر يشويه
واغلب معجبي تويوتا ماعندهم الا رد واحد انها تمسك سعرها في اعادة البيع!!!
يعني احنا نشتري السيارة عشان نسوقها ونستمتع فيها ولا عشان نتاجر فيها؟!

واذا كان عن الاعطال فمعروف ان اغلب السيارات ماتبدأ خراباتها الا بعد 100 الف كيلو ، حتى لو كانت صينية او هندية
ومع انه جميع السيارات مضمونة على الاقل لمسافة 60000 كيلو فبالتالي المشاكل اللي تتكلمون عنها مالها اي تأثير لانها تتصلح على الضمان مباشرة.

وبالنسبة للاخ اللي يقول مقرود اللي يشتري غير التويوتا ودي اسأله هل جرب السيارات الاخرى ولا انت محصور بالتويوتا وتعتقد انه لاتوجد سيارات الا تويوتا ؟!

وبالمناسبة انا كان عندي سوزوكي بالينو عام 1998 قسم بالله شريتها وجلست عندي 3 سنوات ونص وبعتها وماغيرت فيها الا الكفرات والبطارية والزيت.
ولاعمري اشتكيت لا من مشاكل كهرباء ولاميكانيكا ولا اي شي يذكر ، ومن شدة اعجابي بالسوزوكي اشتريت مؤخرا جيب سوزوكي جراند فيتارا وبالفعل ماخيبت ضني وهي من ابدع مايكون.

واما بالنسبة للمازدة وهو محور حديثنا اذكر ان خالي اشترى مازدا 323 والله انها كرفت معاه كرف الويل وللعلم خالي يعمل في المقاولات واحيانا يروح اماكن تلقي بين كل حجرة وحجرة حجرتين ولاعمرها اشتكت من شي ومشت معاه السيارة فوق 200 الف كيلو وفي الاخير اخذها منه رحيمه واستمرت معاه فترة طويلة اللين باعها وفي كل مجلس يقول اكثر السيارات اللي كرفت معي المازدا والسوبارو.

مشكلتنا صارت التويوتا عقدة ومهما طلع فيها من بلاوي ومشاكل تظل هي الافضل لانه قطع غيارها موجودة ولاجيت تبيعها تلقي سعرها مايطيح...