أنا أختلف في الراي مع اخونا LoVeR .....
99% من السيارات اليابانيه قليلة مشاكل وماتخترب بسهوله ..... كثير من الشباب في الكويت عندهم زدات و200L وغيرها من سيارات السبعينات وماشيه معاهم (( وبعضهم يسافر عليها ! )) مع انهم كل يوم تفحيط واستعراض ؟؟
أنا كانت عندي 929 موديل 91 وأنواع الحرق فيها ولا عمرها اشتكت وعلى ما أذكر انه بعناها وهي ماشيه أكثر من 300 ألف على مكينة الوكاله
وولد عمتي عنده لانسر 1.3 موديل 2000 واستخدامه قاسي (( غالب الاوقات يبدل الجير فوق الـ 5000 rpm لانه السياره اصلا بطيئه |11| )) وماخبطت مكينتها إلا على الـ 350 ألف كيلو
سزوكي ؟؟ :D لو انها سياره فاشله كان ماشفتها منتشره في السعوديه (( خصوصا عن أهل الجبيل ))
اسوزو ...... الوالد استخدم 4 اسوزوات (( 90 و 91 و 95 و 99 )) وكنا نسافر عليها ايام الربيع من قطر إلى حفر الباطن (( 1200 كيلو تقريبا )) وهي محمله تقول تريله ومع ذلك ولا وحده تعطلت ؟؟ واكثر وحده فيهم كانت ماشيه 250 ألف
شوف انا معاك في نقطتين بس في هذولي السيارات ......
1- تشتريها من الوكاله بسعر وبعد الاستخدام تبيعها برخص التراب
2- قطع الغيار غالي نوعا ما لما تقارنه بتويوتا او نيسان
كيف يكرهونها ويقولون مظلومة.....
انت شكلك ما سمعت بمازدا RX-7 أو RX-8
:D لاتحدني ابيع الامبريزا واشتري RX8 (( أعتقد انه فيه 4 منهم في الدوحه وانباعوا على 90 ألف في معرض الكواري والسيارات كانت استخدام خفيف ))
المازدا RX7 و RX8 سيارات قويه وما عليها غبار , لكن فيها عدة عيوب ...
1- حتى لو انك فاكها وكاله السياره تصرف زيت (( طبعا مش عيب في المكينه لكن هذي تصميمها جاي كذا من الوكاله ))
2- لو تعطلت صعب جدا انك تحصل احد يصلحها لك (( اعتقد فيه واحد في البحرين تخصصه شيء اسمه RX7 لكن للأسف مايشتغل إلا حق سياراته وحسب اللي سمعته انه عنده 3 مازدات RX7 ))
3- إذا انت انسان محافظ وماتجلدها تعيش المكينه عندك كحد أقصى 250 ألف وإذا انت من النوع اللي مايعشق إلا على الـ 9000 rpm ما أظن انها تتعدى الـ 150 ألف كحد أقصى ؟؟ يعني إذا خبطت مكينتها مافيه شيء اسمه توضيب , احذف المكينه واشتر مكينه غيرها من الوكاله او التشليح
