هل تعالج سيارتك بنفســــك ؟ ؟ ؟

just Peugeot @user_23758 Peugeot consultant · 05-12-2006

السلامـ عليكمـ ورحمهـ الله وبركاته

أتمنى ان يكون الجميــع بصحة وخير

كل منا ويملك سيارة خاصة بهـ
والكل يريدها ان تكون بأفضل حـال

لكن نعاني مرات من امور تحول حول ذلك
عدم توفر القطع
صيانة الوكالة سيئة
وبعضهم يستخدمون خاصية الاستنزاف المالي
غير المغالاة في ( أجور اليد )
يعني من هــنا ومن هنــا
لازم تضع ( مبلغ وقدره ) على حساب الصيانة لسيارتك

لمــاذا لانعمل الصيانة بأنفسنا ؟
توجد لكل السيارات قطع
تسمى ( القطع الاستهلاكية )
وهي سهلة التغير
لماذا لا نتعلم نحن بأنفسنا تغيرها
ليش ندفع مايقارب ال 500 ريال وربما الاكثر
في ( اجور اليد )
وانت بأستطاعك ان تعمل ماهو افضل من ذلك و ( مجاناً )
الا انك تحاسب نفسك و تعطي نفسك فلوس :D <<< والله لو ماتفارق بس

غير كذا حتى لو صارلك شي لاسمح الله في السياره وانت في منطقة غير منطقتك
على الاقل تعرف تتصرف و تشيك على السياره
[COLOR=darkred]مو زي ( الدرويش ) |10| تأشر على الخط تستنى واحد يوقف لك [/COLOR]
-
-
-
بالعكس متعه لمن تمسك سيارتك ( صباح الخميس ) في القراج
وتدهر فيها |4| وقوة مكانيكا و غيار وكهرباء
وانت ذابحتك الطبيعة ( توك قايم من النوم ومفطر )
والشاهي في البراد مع هذا الجو البارد
:D ( حمستكم صــــــــــــح ) :D
ــــــــــــــــــــــــــــــــــــــــــــــــــــــــــــــــــــــــ
لازمـ نتعلم
وخاصة لمن تكون السيارة
غريبة الاطوار
زي مايقولوا مو اي واحد يقدر يتفلسف فيها

بس كيف نوصل لكتاب الصيانة
اللي مع الوكالات ؟
انا سمعت ان كل وكاله
توزع كتاب عشان تتعلم فية الصيانة للسياره بنفسك
لكن وكلائنا ( الحرامية )
مايعطوننا هذا الكتاب
ونقعد احنا ملك يد الصيانة
حتى لا حصل بينك وبين مظف الصيانة مشكلة
يستقعد لك
ويكون نشبة في حلقك
ويمكن يسوي مصيبة في سيارتك

مو يمكن الشي هذا أسمـهـ كسل فينا
مانبغى نشتغل زي الناس
يعني احط الف ريال و لا اروح افك كبوت السيارهـ
-----------------------------------------------------------------------------

مــا تعليقكم نحو ذلك

بيجو وبس

$المهندس$ @user_18058 · 07-12-2006

السلام عليكم

امممم ولله شنو اقول بس هذا الموضوع راح يخرب بيوتنه :)

يعني اذا انت تغير البواجي و تغير الشمعات ووووو عاد انا ليش افتح ورشه :(

هههههههه اتغشمر .. تري المفروض الواحد يتعلم و يعرف اساسيات الشغله و شنو المتطلبات

و حتي في اي شي غير المكانيكا فيه اشياء لازم تعرف و تجرب مثل الكهرباء و ادوات المنزل عشان لمن تصلح تكون عارف

او حتي لو تبي تشتري قطعه تعرف قيمتها و التصليح تعرف كم يكلف و هذا يقلل النصب و الاحتيال ..

بس ابي اقول شغله فيه اشياء ما تقدر فتكها لانها تحتاج وزنيه و عيارات ف لازم يكون عندك علم و خبره فيها .

و الله يوفقكم ..

just Peugeot @user_23758 Peugeot consultant صاحب الموضوع · 06-12-2006

Night Hawk
تسلم حبيبي
كما ذكرت حبيبي
المفروض اقل شي نتعلم الاشيـاء الاساسية
بالتوفيق اخوي

عذب الاحاسيس
الدولة تسوي ايش وتخلي ايش
المشكلة فينا البطره الزايده
ايام الصيف
كان عندنا ورشة ميكانيكا بجانب المنزل
كل صيف يجون يشغلون 2 اولاد سوريــن
وعلى الحال هذا
بدون مرتب ولا شي
لانهم هم المستفيدين
والحين الاولاد كبروا ماشاء الله
ولو تسأله عن ايش شي في السياره جاوب لك عليـــه
حتى دايم اقول له
فيه منتدى للسيارات ممكن تشارك
يقول لي
على راسي :D

G H O N A M E . A
كلام الليل يحميه النهار :D
وماصار الا كل خيــر
وياريت نشوف رأيك نحو ذلك
شكراً لك ياخوي

تقبلوا خالص امنياتي لكم بالتوفيق و النجاح
بيجو وبس

Ghonaim.a @user_5082 · 05-12-2006

حبيبي بيجو وبس
اولا : اذا بترجع تعقب على الموضوع بلغنا عساس نرد ونعطيك رأينا ;)
ثانيا : انت اكبر من كذا حقيقه فاتمنى ترجع عن كلامك |1|

عذب الاحاسيس @user_15092 · 05-12-2006

المشكلة مو فينا المشكلة ليش الدولة ماتنشا دورات للشباب في الاجازات الصيفية تعلمهم اساسيات الصيانة

دورات تقام في المعاهد الصناعية حتى ولوكانت برسم رمزي

بحثت عنها ولكن ماوجدت وكل سنة ابحث ولا اجد

لماذا لاتجبر الوكلات على تقديم خدمة للمجتمع منها تقديم دورات مجانية في الصيانة السريعة

لماذا لاتوجد رحلات لطلاب المدارس الى مصانع او ورش يكتسبون منها ولو معلومة واحدة ؟؟؟؟

الكل يلقي اللوم على الاشخاص ولكن هل يمكن ان افكت كبوت السيارة والعب بالسيارة واخرتها اجيبلي مصيبة تكلفني المبلغ الفلاني

او اخاطر بحياتي من تركيب اقمشة خطا او توصيل بنزين خطا وماالى ذلك

لكن نلقي اللوم على الاشخاص اللي عندهم الخبرة ولكن يستعملونها تلاقي بعض المهندسين يعتمد على غيره في مجال تخصصه

ومن هذا الموضوع نناشد المسؤولين في ايجاد معاهد مهنية تقوم باعطاء دورات مبسطة لاسس الصيانة

تحياتي لك وللجميع

CamSHAFT @user_6565 · 05-12-2006

انا بصراحة ماعرف شي كثيير,, حدي توظيب المكينة والقير بس:D :D
هههههههههه
امزح
بصراحة فكرة رائعة وتوفر الكثير من الــ$$$
وفعلا صحيح يوجد كتاب خاص لتعليم الصيانة الخاصة بالسيارة
الاشياء اللي اعرف لها على خفيف:
تغيير البطارية - الشمعات - تغيير فلتر الهوا- المساحات- تنظيف بعض الاجزاء في المكينة والبركة في المشرف المهندس,
وبصراحه ما انصح اي واحد يتعبث بالسيارة الا اذا معه واحد فاهم يعلمه ولا اعرف ناس فكو غطاء المكينة يبي ينظف الثلاجة وطاح مسمار في الثروتل بدي:eek: واخرتها توظيب لو شغل عليها
وعندي في كتالوج السيارة يقول اذا خربت عليك حاجة معينة لازم توديها لوكيل شفرولية المعتمد "مثل شاشات الطبلون"

just Peugeot @user_23758 Peugeot consultant صاحب الموضوع · 05-12-2006

[SIZE=3][COLOR=#045c80]بالفعل أخوي أن نكون شباب عصامي يعتمد على نفسه أعظم سمه ممكن نكسبها ونفتخر فيها كمسلمين...بالفعل أريد أخبرك أو أذكرك بأن الأمريكيين يكادون لا يعودون مراكز الصيانة كثيراً لهذا السبب الذي تفضلت به
وقد يكون الأمر أكبر من كذا كتعديل السيارة وتلغيمها وهذا هو السواد الأعظم من المواطنيين الأمريكيين...وأنا أعرف شباب هنا فاتحين في كراجاتهم ورش للتعديل والصيانة <<< درجة عاااااااالية من عشاق السيارات
سيأتي اليوم الذي يعتمد في الشباب على نفسه لا محالة ونكاد ننسى الوكالات :)

الى الان يوجد شباب ماشاء الله عليهم
خبره في المكانيكا و الكهرباء
حتى البعض صار يولف على سيارته بأشياء وحركات رائعة
وبدون مايأثر على السياره

تسلم حبيبي وجزاك الله خير[/COLOR][/SIZE]

just Peugeot @user_23758 Peugeot consultant صاحب الموضوع · 05-12-2006

صلحت فيها (الدرايش الامامية والخلفية افكها واصلح القزاز والدينمو وارجع اسلاك القزازة لمجراها اذا دقرت --- اغير بواجي بالبيت :D ---- شنطة السي دي الي ورا قد فكيتها وصلحتها --- فكيت الرديتر اكثر من مره ووديته للصناعيه على سيارة ثانية وصلحته ورجعته ---- قد فكيت الطبلون وغيرت لمباته وغيرت شريحة الكمبيوتر ---- قد فكيت المرايا الجانبية وركبت اللون السماوي ----- قد فكيت المراتب وصلحت السوب ووفر الخلفي وربطته لانه كان يشوش ----- الستاير الجانبية صلحتها اكثر من مرة ----- اغير البطارية بالبيت ---- قد صلحت الزينون بالبيت ----- قد فكيت الاصطبات الخلفية ونظفتها من الغبار ورحت الصناعية بدون اصطبات خلفية عشان ابي افياش ولمبات يعني البدي بس ومسكوني الدورية يحسبون السيارة مسروقة :D --- قد غيرت كراسي القير )

ماشاء الله تبارك الله
والله انت فنان
انا مشكلتي انه ماعندي وقت للشي هذا
بس لمن اودي سيارتي الورشة
اتعلم كل شي
وكيف الفك والتركيب
تسلم حبيبي

عمر الشهري @user_9141 · 05-12-2006

بالفعل أخوي أن نكون شباب عصامي يعتمد على نفسه أعظم سمه ممكن نكسبها ونفتخر فيها كمسلمين...بالفعل أريد أخبرك أو أذكرك بأن الأمريكيين يكادون لا يعودون مراكز الصيانة كثيراً لهذا السبب الذي تفضلت به

وقد يكون الأمر أكبر من كذا كتعديل السيارة وتلغيمها وهذا هو السواد الأعظم من المواطنيين الأمريكيين...وأنا أعرف شباب هنا فاتحين في كراجاتهم ورش للتعديل والصيانة <<< درجة عاااااااالية من عشاق السيارات

سيأتي اليوم الذي يعتمد في الشباب على نفسه لا محالة ونكاد ننسى الوكالات :)

نديم الطيف @user_29894 · 05-12-2006

والله انا عن نفسي ياربي لك الحمد والمنه اسوي كل شي بسيارتي بنفسي :D

خل كل عضو يذكر الاصلاحات الي سواها بسيارته (بيده) وما احتاج يروح لورشه

انا ايام الخميس الصبحيه اطلع واشوف البي ام خايفة عند الباب :D عارفة وش بيصير لها خخخخخخخخ

واشتغل فيها بكل شي

صلحت فيها (الدرايش الامامية والخلفية افكها واصلح القزاز والدينمو وارجع اسلاك القزازة لمجراها اذا دقرت --- اغير بواجي بالبيت :D ---- شنطة السي دي الي ورا قد فكيتها وصلحتها --- فكيت الرديتر اكثر من مره ووديته للصناعيه على سيارة ثانية وصلحته ورجعته ---- قد فكيت الطبلون وغيرت لمباته وغيرت شريحة الكمبيوتر ---- قد فكيت المرايا الجانبية وركبت اللون السماوي ----- قد فكيت المراتب وصلحت السوب ووفر الخلفي وربطته لانه كان يشوش ----- الستاير الجانبية صلحتها اكثر من مرة ----- اغير البطارية بالبيت ---- قد صلحت الزينون بالبيت ----- قد فكيت الاصطبات الخلفية ونظفتها من الغبار ورحت الصناعية بدون اصطبات خلفية عشان ابي افياش ولمبات يعني البدي بس ومسكوني الدورية يحسبون السيارة مسروقة :D --- قد غيرت كراسي القير )

وغير كذا كثييير نشتغل بالسيارات

لانك لو اعتمدت اعتماد كلي على الورش (بعد الله سبحانه وتعالى) بيطفرونك حتى لو معك اكسنت والا كورولا

الورش حراميه نصابيييييين احذروا منهم

وتسلم يابيجو على الموضوع النافع

مع التحية،،،