:: المحرك يرجف من غير سبب!!! ::

i-VTEC_2004 @user_10819 · 04-12-2006

السلام عليكم
ياشباب انا صارلي تقريبا سنتين واحاول افهم مشكلة السيارة ماني عارف!!!
انا عندي هوندا اكورد 2004 4سلندر ماشية 123 الف كم ... وادئما ادخلها والوكالة كل 10الاف حسب جدول الصيانة...وتغير الزيت كل 5000 كم واحيانا كل 4000كم

المشكلة:
تظهر رجفة في المحرك على شكل اهتزازات ثابتة... لمن احط الجير على D والمكيف شغال ( في الصيف ) احس بالمحرك يجرف بشكل سريع وخفيف ومجرد اني اضعه على N ويطفي الكوبرسر حق المكيف تجي رجفه قوية شوي حتى اني اشوف المحرك وهي يرجف.
واحيانا لمن اكون ماسك خط واجي اوقف عن اول اشارة تصادفني ينزل الضغط مررررررة واحس ان السيارة بتطفي ثم يرجع لحاله.

والحين في الشتاء... الضغط نازل مرة ولمن اضع الجير D ينزل الضغط كثير ويرجف المحرك بشكل ثابت بس يقلق ويزعج.

كلمت الوكالة وفحصوها مليوووووون مرة ومافي اي مشكلة... حتى يفحصون كمبيوتر السيارة والكراسي ومعيار الضغط ولا في اي مشكلة من كلامهم!!!!!

اعرف ميكانيكي سعودي يقولي ( افحص كام المحرك يمكن يبغاله وزن!! )

تكفووووووووون ياشباب وش المشكلة:confused:
تحياتي i-VTEC_2004

bilany2003 @user_19836 · 07-01-2007

صاحبي معاه اكورد 2006 مطلعها من شهرين وانا من طلعها بعدها بيومين جربت سيارته ولاحظت فيها رجفة بعد ما تغير من الـN الى الـ D هذا وهي ماتعدت 500 كيلو يعني جديدة بكرتونتها وهذا اكبر عيب في الاكورد.

LU MY @user_26047 · 07-01-2007

السلام عليكم

اخوووي انا عندي نفس المشكلة عندي لومينا 6سلندر كانت مضايقتني هالمشكلة بصراحة
وسألت وقتها واحد فاهم وقالي هذه تعتمد على نظافة المكينه يصير فيها
جزيئات صغيرة تسير داخل المكينة ولما تمر على مناطق حساسة في المكينة على طول ترج بشكل واضح
ولأن مكينه سيارتي جايه بالطول يعني دفع خلفي يكون شكل الرج على يمين ويسار

وحتى كانت والله لدرجة انها يطفي نور الطبلون والمسجل والمكيف ويرجع يشتغل لكن الحمدلله
شفيت سيارتي من هالمشكلة ولا ادري كيف
وانا كنت اتوقع انه اللتماس من انوار الزنون
وان شاءالله تنحل مشكلتك

تحياتي

السكروب @user_40672 · 05-01-2007

المشكلة واحد من اثنين
1- عامود الكرنك بالمكينه
2- يمكن المكينه بردانه من المكيف

aazz @user_21478 · 05-01-2007

طبيعي في الاربعة سلندر

خصوصا مع كثرة الاستعمال

يعني يوم كانت جديدة يمكن ما تلاحظ
واسأل مجرب :)

أكورد فضي @user_16822 · 04-01-2007

هذه الظاهره طبيعيه ياجماعه في موديلات الاكورد الجيل السابع .....والسياره مافيها اي مشكله بالمره ....

انا سقت اكورد 2004 ولاحظت فيها الرجه الي موجوده نفسها بسيارتي 2005 وانا كنت توني ماخذها وانا متأكد اني لو فحصتها ماراح القى اي مشاكل لا في كراسي المكينه او القير او غيره تراها طبيعيه ياجماعه ولاحد يفكر انها مشكله مع ان هذا مايعطي هوندا العذر كان المفروض ان المحرك يكون اهدأ بالذات عند تشغبل المكيف....

اخوكم
اكورد فضي

POISE @user_33188 · 03-01-2007

اللــــــــــــــــــــــــــــــــــه يعيـــــــــــــــــــــــــــــــنكم ويعوظـــــــــــــــــــــــــــــــــــكم اجمعيـــــــــــــــــــــــــــــــن

i-VTEC_2004 @user_10819 صاحب الموضوع · 17-12-2006

f

fafh

انا عندي نفس المشكلة ومثل ما قال أخوي بالجو الحالي البرد بعد ماتسخن السيارة ينزل الضغط بس احيانا وفجأة والسيارة واقفة ومفضي القير ينزل الضغط بقوة كنها بتطفي ويرجع مره ثانية وبصراحة ماحبيت اوديها اي ورشة لأنه ببدو معي من تصفية الماكينة الى تغيير الكراسي وانا مغيرها كلها من اول ونفس المشكلة
بس اذكر ميكانيكي خارج السعودية قالي انها من حساسات بس ما ادري حساسات ايش اسلاك اعتقد انها قريبة من طرمبة البنزين والمنظم الكهرباء شي زي كذا

وسلامتكم

هلا اخوي
صحيح صارلي نفس الشي بالظبط
لكن المشكلة من شنو الله اعلم
تحياتي

fafh @user_38866 · 13-12-2006

انا عندي نفس المشكلة ومثل ما قال أخوي بالجو الحالي البرد بعد ماتسخن السيارة ينزل الضغط بس احيانا وفجأة والسيارة واقفة ومفضي القير ينزل الضغط بقوة كنها بتطفي ويرجع مره ثانية وبصراحة ماحبيت اوديها اي ورشة لأنه ببدو معي من تصفية الماكينة الى تغيير الكراسي وانا مغيرها كلها من اول ونفس المشكلة
بس اذكر ميكانيكي خارج السعودية قالي انها من حساسات بس ما ادري حساسات ايش اسلاك اعتقد انها قريبة من طرمبة البنزين والمنظم الكهرباء شي زي كذا

وسلامتكم

i-VTEC_2004 @user_10819 صاحب الموضوع · 12-12-2006

السيارة اذا كانت باردة الضغط يرتفع عشان تسخن ثم ينزل بتدرج الى المستوى العادي
طبعا المشكلة ماتجي الا بعد ما تسخن السيارة.
تحياتي

$المهندس$ @user_18058 · 12-12-2006

اخوي عند اي حاله تجي الرجفه يعني دايمه وله لمن تحتر وله لمن تكون بارده ؟؟؟

i-VTEC_2004 @user_10819 صاحب الموضوع · 12-12-2006

أخي WhiteAccord

الله يعينك والله
مشكلة غريبة فعلا!!! وان شالله نلاقي حل
تحياتي لك

WhiteAccord @user_18472 · 12-12-2006

اخي I-VTEC ,

انا عندي المشكلة بس اشغل التكيف تظهر ,,, وبعد تغيير الاوتوماتيك .... لا تزال المشكلة موجودة |10|

"يا ليل ما اطولك " ,,,,

ان شاء الله ادا انحلت المشكلة بتكون اول واحد يعرف الحل .

سلام ....

i-VTEC_2004 @user_10819 صاحب الموضوع · 11-12-2006

أخي العزيز WhiteAccord
حياك الله ومشكور على الرد
بس انت ذكرت ان المشكلة في اوتوماتيك التكيف...طيب الحين احنا في فصل الشتاء
والمشكلة موجودة مع المكيف او بدونه!!! وش تقول؟
تحياتي

WhiteAccord @user_18472 · 10-12-2006

انا عندي نفس المشكلة بالضبط وما انحلت للحين (السيارة لسة بالوكالة) .

غيروا كرسي المكينة الخلفي + كرسي الجير + حمالات الجير ونفس الرجة (الله يرجهم ويهديهم)

المهم , اخر اكتشاف عن طريق الخبير الروسي (عفوا السوداني) ان اوتوماتيك التكييف مو شغال ويحتاج تبديل .

السيارة كلفت 1600 ريال وما انحلت المشكلة , قلت للخبير السوداني "ان شاء الله تغيير المكينة كاملة وتعطيني مهندس مجانا , المهم تتصلح وبعدين نتحاسب . " الله يستر :D

سيارتي اكورد 2003

i-VTEC_2004 @user_10819 صاحب الموضوع · 07-12-2006

السلام عليكم
شباب انا جربت حطيت الجير على D ثم سحبت الهندبريك على الاخير وفتحت غطاء المحرك
ودعست على البنزين بلمسة سريعة ... بصراحة المحرك يتحرك يمين ويسار بشكل ناعم
يعني مايرجف...بس رجفة المحرك موجودة لمن انزله من N الى D

وش تشوفون
تحياتي

i-VTEC_2004 @user_10819 صاحب الموضوع · 05-12-2006

السلام عليكم

أخي العزيز $المهندس$

مشكور على المرور

بس انا فاحص السيارة بالوكالة في صيانة 120 الف كم فرع الجبيل...ولا حصلوا شي بس قاموا بتغير زيت القير والبواجي وفحص كمبيوتر وتشيك وفحص فلاتر السيارة كلها وتنظيف فلتر المكيف وتربيط شامل...ولاحصلوا مشكلة في الكرسي.

قبل مدة تقريبا 5 شهور دخلت السيارة فرع الدمام على 100 الف كم وقلتله على المشكلة وقالي المهندس انه راح يفحص الكراسي كلها
ويخبرني اذا حصل شي.
ومالقى شي ابدا

والله خوفتوني

والرجة الي حاصلة تكون على شكل ارتجاج امامي (يعني قدام وورى) المحرك مايرجف يمين يسار.

==========

أخي العزيز مستشار

اشكرك على المرور

طيب تقدر تقولي وش الورشة الزينة وشغلها نظيف يفحصلي غير والكالة؟؟

=========

أخي العزيز V-I-P

مشكور على المرور

تحياتي لكم جميعا
واشكركم جميعا على مروركم وافادتي

V-I-P @user_13110 · 05-12-2006

المشكلة صايرة مع واحد من اخوياي

وراح سأل وقالوله فييه اكثر من كرسي مكينة

هل يجب تغييرها كلها ولا بس الكرسي الالكتروني الخلفي ؟

مستشار @user_35902 · 04-12-2006

أخوي هذه المشكله في كرسي المكينه الخلفي وهو غالي الثمن وشي طبيعي أذا شغلت المكيف في الصيف المراوح تشتغل تهز المكينه والسبب زي ما قلتلك (( الكرسي الاكتروني الخلفي )) يربط بين المكينه والقير ؟؟

أما نزول الضغط فهو وجود ( لي بخاخ ) أو ( ماسورة بخاخ ) يوجد بها تنسيم يجب فحصها عند جهاز مخصص لتعرف مكان التنسيم؟؟

( ما خاب من أستشار )

مستشار

$المهندس$ @user_18058 · 04-12-2006

انا اتوقع من الكراسي احتمال ..

حطه علي ال D و بعدين نفخ في السياره يعني ارفع الضغط بسرعه و خلك بره السياره و راقب المحرك

يتحرك يمين ويسار بقوه يعني الكراسي .

و احتمال الكام ممكن بس اذا الكمبيوتر قاعد يقول سليم يعني ما فيه اي اشي انشاء الله ..