بسم الله الرحمن الرحيم
السلام عليكم ورحمة الله وبركاتة
احبتي كم يسعدنا ان نفتح هذا الموضوع لنتناقش حول اسعار الكابرس قبل الاعلان عنها من جهة رسمية
انا سبق وان بينت اسعار الكابرس كتوقع والذي في الحقيقه هو اقرب لصحيح اكثر مما هو توقع
الاسعار التي بينتها هي الطبيعيه ( بالعربي بعد 4 الى 6 شهور من النزول ) اما اسعار الموتر اول ماينزل راح تكون
مفاجئه وراح تبعد الكثير اتوقع عن هذا الوحش .... ولكن الشركه والوكالات ملزمه بالتصريف الموديل السابق
مثل الجمس ...
انا اتوقع تكون الاسعار
الرويال : من 145 الى 152 الف
الاس اس : من 132 الى 136 الف
ال تي زد : من 115 الى 124 الف
ال اس : من 95 الى 102 الف
اعتقد ان الاسعار ماراح تنزل عن هذه الارقام ولكن اول مانزل اتوقع راح توصل الى ارقام فلكيه قد تصل بالرويال الى
160 الف ريال
ومثل ماقلت ياشباب السياره من اي شركه اول ماتنزل بشكل جديد تخوف اصبروا حول 5 شهور والفائده للجميع
منها السعر بينزل وبتين السياره من عيوب ومميزات ...
طبعا فيه شباب اشتكوا من السعر والسبب ان السياره هي كابرس ....؟
المشكلة ان الي يتكلمون عن سعر الرويال ومعروف ان الاغلب من طبقة الشباب ياخذون
يا اس اس او ال تي زد او ال اس ؟؟
الرويال صحيح ان فيه شباب ياخذونه بس الاغلب الشيبان اي ( رجال كبار في السن )
المهم انا اشوف ان الشركه جي ام دارسة الموضوع والاسعار تماما وعارفه كيف تدير امورها نجي لرويال
سعره حول 150 طبعا المنافس له es350 سعر ايضا 150 الف وطبعا فيه منافسين كثير بس انا اتكلم عن السياره الي شفتها اكثر شي في الردود
المهم لو الكابرس معروف عن الرجال كبار السن والرويال اشوف انه سياره مناسبه جدا فخمه كثير من الخارج ومن الداخل ومواصفاتها جيده وهذه الفئه
تقدر الدفع الخلفي والرحابه للعائله وايضا فيه فئه من شباب وانا اعرف كم واحد ماهو مقتنع ان es من فئة لكزس ويشبهونا بسيارات اخرى
بنسبه لي es سياره شبابيه وماعليها كلام صحيح انها تفتقر للقوه ودفع امامي وايضا الطبلون اشوف ان التخشيبه فيه قليله لكن الشباب كثير منهم
مايهتم بهذي الامور فالموتر مواصفاته ايضا جيده وفيه مايمزه الكثير
اما كرايسلر اشوف انها شكل فقط مع احترامي لاصحابها
بنسبه لكابرس اس اس اعتقد ايضا ان منافسين له كثير مثل الدوج او لكزس is بنسبه لدوج من الخارج تصميم جميل ويحمل مكينة قويه لكن مواصفات
لاعلم عنه شي .. بنسبه لكزس is سعره حوالي 138 الف شفتها مره واحد فقط داخل صالة العرض ...؟
انا لو من الشركه حطيتها كوبيه يمكن الشباب تتقبلها اكثر يعني المرتبه الثانية مدري من بيجلس فيها وبنسبه للمكينة ما اقول الى الله يهدي ابو جميل
يعني اشوف ان شعار لكزس قد يخدم هذه السياره كثيرا ... ولو ان الشفر في الشارع له هيبته وكثير من الناس يفضل الكابرس لقوة مكينته
لدرجه انهم يتقهون عند الشكمان وواحد منهم يدعس بالعربي ينطربون
وعلى وقول الغالي
xx_V8_xx
على العموم الهولدن لها عشاقها يالغالي . سيارات تنحب من اول دعسه <<< ماراح يفهمني الا الي سبق واقتناها
اما كابرس ال تي زد اشوف ان المنافس الوحيد هو افالون اشوف ان هذه الفئه هي اكثر انتشار بين الشباب ولو ان الكابرس ال تي زد في الشوارع
متداول اكثر من الافالون بحكم حاليا سعر ولكن 2007 اسعارهم جميعا حول 120 الى 125 ( ياليت احد يصحيح لي لو اخطيت في سعر الافالون الفل
كامل ) والافالون سياره للامانه كامله ومايعيبها شي وراح تكون منافسه قويه وسيكون الحكم الميدان ولو اني متأكد ان الكابرس ماراح يتخلى عن
السيطره
بنسبه لكابرس ال اس اشوف ان راح يكون له منافسين كثير بحكم السعر صحيح انه يتفوق من ناحية الشكل والفخامه الداخليه ويمكن المواصفات
على الكامري والاكورد والفكتوريا وغيرها بس مهما يكن لكل سياره معجبين ....
نهاية اشوف الاسعار جدا مناسبه والي يقول غالي اتمنى ان يقول لي السبب بس بشرط مو يقول حرام ادفع 150 الف في كابرس
ياشباب الكزس اول مانزلت كان عبدالطيف جميل يوزعها مجانا تقريبا على رجال الاعمال وشوفو كيف وصلت 430
يعني ماهو محرم ان الشركه تطور نفسها والكل سمع ان جي ام استثمرت مبالغ كبيره في تطوير منتجاتها عام 2007 -2008
والي يقول غير عملية ياشباب هذه المقولة اصبحت مثل مقولة بطولات الهلال بالتحكيم << مشكلته متصعب هلالي
يعني بالعربي خلاص كلمة مجرد مايسمعها الواحد مايعطيها بال وماهو معقول سياره تحقق مبيعات وارباح لشركه اكثر من جيده
من عام 2002 ويكون فيه خرابات وغير عملية الناس لهذه الدرجه ماتفهم ؟
وياشباب يشهد الله ان جميع السيارات المذكوره والله اني احترمها وما اعيب فيها شي وتعبر عن وجهة نظر قد تكون خاطئه
وانا حبيت فقط اقوم بهذه النظريه لشباب الي يقول الموتر غالي وياشباب فيه سيارات زادت كل فئه حول 8000 الاف ريال ومافيه من المواصفات شي
يذكر ... يعني ماهو معقول تبون مواصفات وشكل جديد وقوه محرك بنفس السعر فكل تبحث عن الربح
يعني مثل ال تي زد سعر الفل 2004 اول مانزل 110 ثم نزل 105 كما لنقول انه 105 يعني ماهو معقول تبونه 110 يعني مكينة جديده ناقل حركه
جديد شكل جديد رائع ومواصفات قويه الموتر من الداخل مرتب جدا وجميل اقل شي الزياده من 15 الى 20 الف ريال
واتمنى ان تكون الردود والنقاش بعيده عن التجريح والتعصب وانا حبيت اقارن كل نوع حسب السعر وطبع كل نوع كنت اتكلم عنه بأنه فل
وليس اقل درجه
تحياتي للجميع