محتار اخذها بنظام الملاحه ولا بدون اللكزس ES350

خذها بنظام الملاحة

الاخوة الكرام
عذب الاحساس
ساطع
seven
نصراوي للابد
sweetdivel
salah
اعجز عن شكركم
اقدر لكم كل مداخلة ومعلومه
تحياتي لكم

بصراحه إذا تقدر تطلع بالشاشة لا تتردد .

وأقترح الون الكحلي داخل بيج ..

رائع بكل المقايس .

أنا عندي واحده نفس الوووون

طبعا نظام ملاحه

ما يبيلها كلام!

تخيل أشتري لكزس بدون شاشة ملاحة الحين تصوم ثم تفطر على بصلة ياولد تراها تفرق في الجنوط والكاميرا والدي فدي وأشياء كثير توكل وخذ شاشة وانصحك باللون الرمادي المايل للون الأسود.

بسم الله الرحمن الرحيم


اخوي صاحب الموضوع
مبلغ الـ 14 الف مهوب سهل أبداً :rolleyes:


لكن اللي حبيت أوضحه إنك ماراح تدفع المبلغ هذا فقط للحصول على الشاشه اللي فيها نظام الملاحة فقط ... يجي معها مواصفات أكثر:
عن طريق الشاشة هذي تقدر تتحكم بالتكييف ... التلفون ... التحكم بـ 6 سيديات ... اي معلومات للصيانة تظهر لك في الشاشة هذي .... والأخير نظام الملاحة اللي برأيي انا انه نوعا ما مهم


وأزيد على كذا وجود الكاميرا الخلفية .... المسجل من نوع مارك لفنسون 14 سماعة سيدي -كاسيت (العادي بدون كاست وما يجي 14 سماعة)
الجلد المستخدم في السيارة يختلف عن النوع العادي ... وآخر شي الجنوط


وختاماً الله يعطيك من خيرها ويكفيك شرها (مقدماً)
وأعتذرعلى رفع الموضوع.
تعديل: نسيت أذكر ان فيها مشغل dvd

أخي العزيز المغترب

لا شك أن من يريد شراء سيارة يطمح دائما أن تكون الأفضل وهذا بالطبع على حساب السعر

وبكل تأكيد هذا النظام يعتبر مواكبة لتطور العصر

ولكن لا بد وأن تحدد مدى احتياجك لهذا النظام وهل الأمر مجدي لدفع هذا المبلغ فيه

وفي النهاية فإن هذا الموضوع يعود إليك أنت وحدك بالدرجة الأولى فانت الذي جمع المال وأنت الذي سيدفعه

وهناك أمر آخر أنا عن نفسي لا أعرفه وهو هل شاشة الملاحة باستطاعتها تحمل درجات الحرارة العالية في الصيف ولا تتأثر منها أم أن هذه مشكلة يواجها من لديه مثل هذه الشاشة ؟

سؤال أتمنى أن يجيبنا عليه أحد الأخوة الأعضاء الذي جرب هذا النظام ولفترة طويلة

فكر ملياً واستخير الله

متمنياً لك كل توفيق ومبروك مقدماً

اذا كنت من اصحاب الدخل المقرود خذ بدون شاشة ملاحة وطق بجنب اللكزس اكسنت واستعمله للمشاوير الخفيفة

او اذا كان غير كذا توكل على الله وخذلك بشاشة ملاحة

بعدين لا تفكر في اللون على اساس انه جديد او غير ذلك لانه فيه الوان اساسية لها هيبتها ونظرة الناس لها ثابته عكس الالوان الجديدة مدة محددة والناس تطفش منها

فانصحك بالالوان الرئيسية وافضل الابيض اللؤلؤي

تحياتي

الله يجزاك بالخير ياخوي
وجهة نظر جميلة جدا |1|

هلا اخوي المغترب ....

من وجهة نظري الملاحه افضل

والسيارة ماتفرق بس بالملاحه .. في مزايا عديده مثل الجنوط والكاميرا والبلوتوث والدي في دي

السيارة تستاهل والله وان كنت ارى ان توزيع الالوان الداخلي في الطبلون لك عليه شوي طبعا لو كله بيج كان افضل
وجهة نظري

لون السيارة الاسود عليها روعه لكن عليك ان تضع بالحسبان اللون الاسود لون فقط لمدة قصيرة ..يعني اللمعه مراح تطول عليه ... وتبين عليه المشوخ والغبار

افضل لون بصراحه هو الابيض لك وللزمن وشكل جذاب وماتبين عليه المشوخ ...

توكل على الله وخذ اللون الي تبي واختر الفل ...

وطبعا لا اوصيك .... السيارة اختــــــــــــــــرها بنفسك

وقلهم انك انت الي تبي تختارها من المستودع ولا يجلس يقولك مافيه الا هذي ... يمكن يعطيك من المعروض .... هذا اذا كانت متوفرة

واذا طلعت السيارة عطنا خبر بس ومراح الاخوان يقصرون معك بالنصايح :)

ومبروك مقدما والله يطعمك من خيرها ويكفيك شرها

اخوي هل اذا اخترت الموتر اللي مع شاشة يجي معه دسك الملاحة مجاناً؟ او لازم تشترية؟

حسب المنطقة اللي ساكن فيها اذا تدعم نظام الملاحة أو لا يعني مثل المدن الكبيرة. اذا لا! فوفر المبلغ أحسن. مبروك مقدما.

اذا تقدر تشتريها بنظام ملاحه خذها وانت نايم

ومبروك مقدما

والله يعطيك خيرها ويكفيك شرها


تحياتي

هذا اللون شفته عند عبداللطيف جميل
شرايكم فيه ؟

|10| |10| |10| |10|

اخوي المغترب اذا ما تبي تشتري السياره بشاشه

احسن لك لا تشتري السياره

لأنو انت بتاخذ لكزس مو اي سياره وانا راح اشتريها ان شاء الله بعد اسبوعين

والشاشه فيها فوائد كثيره اقلها الكاميرا الخلفيه تساعدك على توقيف السياره بكل سهوله ناهيك عن المواصفات اللي في الشاشه

وبالنسبه للون انا اخترت اربع الوان وان شاء الله خلال الاسبوعين راح اختار وحده منها وراح اقولك عليها مع العلم اني شفتها في المعارض والشركت على الطبيعه


1- الاسود بس يحتاج عنايه وغسيل كل يوم ويكون داخل كراج
2- الرمادي الداكن اللي رايح على الأسود وهذا جميل
3- العودي بس يحتاج كمان لغسيل يومي لأنو يبان عليه الغبار وما يحتاج للكراج
4- وهذا اللي 90 في الميه راح اخذه وهو اللون الابيض اللؤلؤي اللي لما يجي عليه الشمس يطلع اللون ازرق بحري
وجدا جميل على الطبيعه

وأخيرا اتمنى اني اكون قد افدتك وان شاء الله ربنا يعطيك خيرها ويكفيك شرها