كم مره ركبت دوريه وليش ؟؟

تكفون يا زقرت ولد عمي طق موتر اسمه كابريس اس اس ، و أنا أبي أطق موتر أفضل منه بسسسسرررررررعة

الحمد الله ولا مره
وانت ما تركب الا انك مسوي حادث الله يجيرنا
نصيحة مني للجميع انتبهو على انفسكم و هالله بالسرعه


مع التحية اخوك عاشق المحبة...

ابشركم طلعت السياره بواسطه و الحمد لله لم تتعرض للأذى و لم بسرق منها شي كما تعودنا منهم
لاكن شيكت على مخالفاتي و لقيتها مسجله على بقيمة 1200 ريال؟؟؟؟؟؟؟؟؟؟
فهل هذا يعقل و انا خايف ارفع شكوى او اعترض و انسجن مؤبد

لا يفووووووتكم أنا مرة عكست الشارع وعيني عينك مسرع فيها بعد..جاء عسكري ورمى نفسى (يبغاني أوقف)

نزلني انا وقرايبي وجاء يفتش بالسيارة يحسب إنه فيها مخدرات :eek:

طلع مافيه شي والحمد لله

المهم اللي السوداني اللي جنبي كان خايف ومن خباله اللي فيه قال للعسكري أبغا أرجع البيت لان بابا كلمني بالجوال <<معذور لانه ولد عز |4|

العسكري قله كل تبن

إلا والعسكري ينادي دورية دقايق ووصل الدورية..طلع الرجال حق الدورية قال من اللي يبي يرجع بيته..رفع يده وقال أنا أنا أنا

قاله تعال أركب السيارة..والله لو تشوفونه يبكي إنه مثل الطفل..والمشكلة الرجال مامعه إقامته

آخرتها العسكري ضحك وتركه بحاله .. وهرب وسابني لحالي :mad:

قالي بسوييلك قسيمة وعدى الوقت ولا قسيمة ولا مخالفة والحمد لله

عاد ماأبي أركب دورية

وشكرا

يا GEUSS وين سيارتك الحين

ثلاث مرات ........ ولله الحمد
1- تفحيط
2- دخول مع بوابة القاعدة الجوية بدو ن تصريح
3- قطع إشارة

والله يستر من الجاي

حسبي الله عليهم بس احمد ربك خلاك على الخط ولا وداك للقسم ......

انا ما ركبتها
لاكن سالفتي اكبر من كذا
كنت رايح دوامي وكانت الفتره مسائية من 2 الظهر الين 10 الليل
المهم
بعد ما تعديت الجسر المعلق كان على اليمين دوريه و مريت من جبيه عادي جدا
المهم بعد ما مسكت الدائري و متجه لحي السفارات و كنت بصراحه مسرع شوي و اشوف دوريه فوق الكوبير اللي جنب مزرعة الوليد و الدوريه شغل السيفتي و نزل عرفت انه عشاني
المهم اني هديت و مسكت اليمين <<<<<<< مسوي ذيب
ما دريت اللا و الدوريه اللي مريت من جنبه فوق الجسر المعلق اللا هو وراي يكبس و مشكل السفتي و يصارخ
وقفت و جا تهجم علي لدرجة انه بغى يضربني بس يخسي
المهم خذ مني مفتاح السياره و رحت احاول في العسكري الللي بالدوريه الثانية و ما حولك احد ما منه فايده
المهم انه العسكري الثاني الله لا يوفقه لا دنيا و لا اخره و وريه يوم اسود عشان يعرف ان الله حق..
اتصل على سطحه و جت السطحه و ركبوا سيارتي و وقف جنبي بالدوريه و عطاني المخالفه و مشى و تركني بخط هاي وي صحراوي(( طريق سفر))

بالله اش رايكم

ع العموم هل هناك طريقه اقدر فيها اشتكي على الشرطي هذا و هل راح يستمع لكلامي
اسم الشرطي كامل عندي
((( المشكله انه عبد و خكري و نحييييييييييف و جيت اتفاهم معاه و مسكت يده و حط يده على السلاح يقول انقلع لا تلمسني)))
الله ينتقم منه اشر انتقام

اللي يبي اسمه يدز لي مسج ع الخاص

موضوع حلو و يذكرنا بالأعضاء القدامى ....

مرة استهبلنا على بحث في شارع التحلية و حقد علينا , و خلانا نمشي شوي و نلقى ورانا دورية تكبس خخخخ

و يوم جا يركبنا الباص قعدت أسولف معهم شوي و يوم دروا إني فلة |4| و ما عندي سالفة |13| خلونا نروح <=== ترا ما أكذب عليكم:D


بس المشكلة رجعنا سيارتنا كعابي " مشي " :( |11|

وبس :cool:

ههههههههههههههه والله وناسه


بعدين اللي ماركب دورية هذا المفروض ينطرد من منتدى السيارات ...يعني واحد يسوق له كم سنه ماركب دورية خخخخخخ لاتصدقون امزح

انا اول شي ركبت كابرس صابونه اول ما امطرت كنت جالس افحط بددسن اول يوم يعطيني اياها ابوي << شف القهر
وجالس العسكري يناظرني يوم خلصت وقفت بشوف سيارة كانت مصدومة في برحة جاء و...طاخ ...طيخ ...الخ الخ
بس كان الوقت في رمضان وطلعني قبل الفطور والا كان فيها حجز السيارة وحجز علي و و ...تفحيط يعني بيحطوني في فندق 5 نجوم

الثانية ركبت لومينا كان تفتيش في شارع تفحيط و6 نفر في هايلكس يوم شافونا وقفونا وماركبو احد الا انا لانها كانت مليانه واخوياي ماركبوهم :(

ركبت جيب سفاري قديم كنا رايحين للبر ومعنا ددسن المهم العسكري اشر يقول وقف وحنا نحسبه يقول امش ولحقنا بعد مامشينا 5 دقايا يوم كبس علينا اسرعنا نبي نوخر عنه ..الطريق سيد واحد المهم سقط علينا وفرمل ...بغينا نصدمه ماندري وش السالفة المهم يقول اقول لكم وقفوا وتمشون ووركبني انا وخل خويي يجيب موترة

وركبت كراون فكتوريا (( الوصول الى هذه الصفحة غير مسموح به ))

وركبت الباص مرة


وبحاول اتذكر واعلمكم بعد لاني كاتب الرد على عجل وفعلا موضوع ممتاز اشكر كاتبة وكل المشاركين

والله قويييية ومشكوور على الموضوع
وبالنسبة لي كنت بركبها مرتين بسبب قطع إشارة بس الله يخليلنا الواسطة

السلام عليكم ورحمة الله وبركاته
انا سالفتي سالفه, كنت بطريق الامير سلمان وقت العصريه من يوم الجمعه رايح باتجاه مخرج 16 وقفت عند اشاره, صارت خضراء دعست وصلت 100 كلم على طلعه والا ذاك ابو هنود يسحب هالرجلين (اقدامه) وخشته في السايد الثاني وكان معي صالون 89 حجم1500 وأحذف يمين ولخه (اصقعه) بزاوية الموتر وطيره على الرصيف راسه على حافة الرصيف الجهه المقابله وأوقف وأنزل ابسعفه (احلى) والقى عشرين هندي ورا الموتر ياخذون رقم اللوحه قلت يابجم هذاي واقف عند خويكم. وديته لمستوصف همن الشميسي وصار فيه جلدة راس مقشوعه واربع كسور بالحوض, لو وصلها الشرع كان عطيته اربعين الف بس الحمدلله عطيته تذكره وسبعة الآف ريال خلته يتشقق. الزبده ركبت مع الدوريه وقعدت ادور معه حوالي الساعه عقبها رحت الحجز واقابل الضابط ومعي واحد من الجماعه صار يعرفه قال رح اتسدح بالمسجد حتى تخلص ورديتي بعدي ادخلك الحجز. قعدت حتى الظهر وطلعت بكفالة امارة الرياض. وبس :D

بالنسبة لي أنا ركبتها مرتين

الاولى بالحق الاشارة وكان عند الاشارة موية وانا طاير ابي الحقها قبل لاتحمر وانا ماخذ
اللفة من عندي الاشارة وجتك السيارة تحوص وتلوص واطبح في فور كران فكتوريا كانت واقفة
واطلعها الرصيف وكانت سيارتي كرسيدا سيدان 91 م ويالله على التوقيف


المرة الثانية صدمت لك واحد يمشي ماشفته الا عند الرفرف ورحت اوقف السيارة ورحت اشوف الرجال
حي ولا ميت لقيته يصيح قلت الحمد لله أهم شيء حي وقاعد انتظر

واكتشفت انه الناس الي حولي فيهم حقد وفرحانين وانا صادم مدري ليش يفرحون بمصيبة غيرهم
انا قاعد انتظر الدورية والناس تجمع علي حراس علي عشان ما اهرب كان مجرم خطير رحت للسيارة حقي
ابي اشوف ايش صار فيها وهم يقولون الرجال لا ينحاش امسكوه
المهم جت الدورية وقالت وين صاحب السيارة كل الناس بكلمة واحدة هذا هو هذا هو وماسكيني
وركبوني

طبعا يامخربها كلامك مليون بالمية صحيح لأنه وقتها بالتوقيف حطوني مع ناس مجرمين أشكالهم بس تخرع
والله الابتسامة ماتشوفها من احد تدخل تسلم عليهم ولا واحد يرد

معي واحد في التوقيف كان كل شوي يطلب الجوال وانا أعطيه مع ابتسامه خذ راحتك
كله عشان ما يكفخني وربي مع مجرمين

المهم طلعت بكفالة

والله لايجعلني اركبها مرة ثالثة

معليش طولت بس الموضوع حلو يا مخربها

اخوكم بندر

الصراحة انا بس مرة وحده

كنت ماشي في الشارع بسيارتي وفي واحد صدمني في اليل المهم جت الشرطة وقعدت تحقق الموضوع المهم الشرطة قالتلي انت اللي سويتها انا قلت لا قال اركب السيارة انا قلت لا وجا يلحقي
انا ركبت سيارتي وادعس على اخر شيء المهم هو شكله دق عليهم وكشفوني وساروا يلحقوني وانا داعس
المهم لفيت من لفة وبعدين تقلبت السيارة
اول شيء ودوني المستشفى وبعدين سجنوني 3 شهور





بالنسبة للموضوع رائع جدا

هلا وغلا بالشباب .. هلا بالشيوق .... هلا بأصحاب السوابق المحترمين :D

مشكورين على المروروالردود الحلوه وانتظر المزيد من الفظايح خخخخخ

والله وبانت الفضايح والحمد لله ماحد كاتب اسمة الحقيقي
بالنسبة لي انا ركبت الدورية مره وحدة لاني كنت مبلغ عن حادث والحلوين يدورون علينا
وايش اسوي يلفون حول البلك الي مسوين فيه الحادث:eek:
بس ايش اسوي ورحتلهم مشي وجبتهم:D
وبانسبة للقسم عد واخلط
تجديد استمارات وتسديد مخالفات .................... الخ الخ الخ الخ:D
والله يكفينا وايكم من المشاكل والشرووور الهم آمين
polo2003|3|

هالعسكري زاااااحف :D :D :D :D

عن نفسي الحمد لله ما ركبت ويا رب ما أركب .

انا بغيت اروووووح الحجز مرهـ

لأني كنت قاطع الاشارهـ ومظلل بعد >>> قوي عين

بس الاهل كانوا معي .. وفكني الله

ويسلمووووووو ع الموضوع