السلام عليكم
شكرا شباب ما قصرتوا
الاستاذ أحمد مطر
رحت للمعرض و انحرق قلبي :)
كلامك سليم 100% أول ما وقفت عند المعرض لقيت وحده عند الباب و نفس اللون الذي كنت أتمناه بس قير عادي
و سألته عن السعر قالي 46 بس ما في أوتو أبدا
والله انقهرت من جد
و لفيت تقريبا أغلب المعارض هناك و كلهم نفس الكلام والأسعار
واحد منهم قالي لو تروح معارض الشفا بتلقى أكيد ..... إن شاء الله يكون كلامه صح
ماأدري إذا في أحد هنا عنده فكره عن الموضوع أو إذا في معرض معين هناك تنصحوني فيه
ولقيت ثنتين مستعملين
وحده بـ 48 و وحده ب 44
بس أحسها غاليه على إنها مستعمله
ومافرقت كثير عن سعر الجديده
و برضو أغرتني فكرت السوناتا بسبب سعرها (50) وشكلها حليو بس في نظري الالتيما أحلى
فإن شاء الله لو لقيت 2005 أوتو جديد التيما تنحل ازمتي بس لو ما لقيت ممكن أفكر في السوناتا
أخوي المشكلة إن الناس ما تزال ماخذه فكره غلط عن نيسان بأنها ما تتحمل الكرف وتتفك مع كم سنة ..
أنا أقولك هذا الكلام صحيح بس متى ؟ هذا الكلام كان أيام أزمة نيسان في منتصف التسعينات ,, ولكن بعد اشتراك شركة نيسان مع شركة رينو الفرنسية تحولت شركة نيسان بشكل جذري وبهذا طبعاً بفضل الله أولاً , ثم بفضل جهود الداهية كارلس غصن اللي حول خسائر نيسان إلى أرباح في غضون سنوات قليلة ..
ونيسان حالياً بدأت تستعيد هيبتها السابقة ولا تنسى إنها طرحت أكثر من سيارة في خلال السنتين الماضيتين مثل الألتيما والأرامادا والمورانو كسيارات جديدة على السوق هذا غير السيارات الموجودة حالياً وغير سيارات الانفينتي القادمة بقوة ..
أنا أملك نيسان ماكسيما موديل 2003 الصراحة السيارة جداً رائعة والآن لها أكثر من 3 سنوات ونص وما شاء الله ما فيها أي مشكلة ولا أصوات ولا شيء من اللي تقول عنها لأني محافظ على السيارة لكن اللي يفحط ويلعب بالسيارة أكيد إنها راح تتفك معه من أول سنة ..
ولد عمي يملك ألتيما من قرابة السنة ونص ولله الحمد السيارة ماشية معه تمام وما عمره اشتكى منها ..
ملخص الكلام أنصحك بالألتيما وبقوة وابعد عن الأمريكي بشكل عام لأن ما يجي منه إلا المشاكل والتعب وخاصة إنك راح تشتري الفورد مستعمل يعني الله يعينك على مشاكلها ...
أخيراً أعتذر على الإطالة ولكن حبيت أحطك بالصورة من ناحية شركة نيسان والله يوفقك لكل خير ..
ولله كلامك يطمن و يحمس
و لو مثل ما تقول ولد عمك عنده وحده من سنه و نص و الى الان تمام فأكيد أنها إن شاء الله قويه
هي المشكله إن كل ما جت سيرة الألتيما الناس تقول إنها تتفكك بس ما أدري إذا هم يقولوها عن سمعه أو عن تجربه
أخوي لا تطعس فيها وأنا اضمن لك أنها ما راح تتفكك
ولله أنا إستخدامي خفيف و ماني حق تفحيط ولا تطعيس :) ولا من هلخرابيط
لاكن
على فكرة اخوي فواز يمكن ما عندك فكرة عن شوارع الرياض
ما شاء الله تراها تكسر السيارة ولا تكسير الطعوس
هذا الكلام صحيح :)
وأنا مشكلتي ما أحب أهدي عند المطبات :) أخذها زي الأسد بس هذا لأن سيارتي قديييمه و ماينزعل عليها
بس أكيد بحترم نفسي لو السياره جديده
