هل تعطلت سيارتك وصلحتها بنفسك أو بأقل الخساير (شاركنا بتجربتك )

السلام عليكم ... عندي سيارة كليو 2008 قير تيبترونيك عالمقود..المهم السيارة ماكان فيها شي فجأة صارت مشكلة بالقير ان القير مايبغى ينقل لنمرة اعلى او اقل ويبقى بهاذ الشكل حوالي 10 ثواني ويرجع طبيعي ومافيه نتعة ولا اي شي ...واحيانا تكون واقف ع اشارة ضوئية القير من حاله يصير بال N وما ينقل لل 1 او للD الا بعد 10 ثواني على الاقل المهم عجزت وانا ادور ورشة يصلحونه او الوكيل وكلهم اجمعو ان القير خلاص لازمه توضيب او ادور واحد من ااتشاليح والمصيبة ان التوضيب يكلف حوالي 16000 ستة عشر الف ريال !!!!!! والقير الجديد يكلف 22000 ريال المهم كرثت حياتي لاصلاح هذا القير مع اني كنت متاكد ان المشكلة كهربائية وليس ميكانيكية المهم بعد شهر من البحث بالورشات صدفة دخلت احدى الورشات وقال لي مر علي بعد اربع ساعات واشوفلك العطل وين قلت تمام وصدقوني انا ما اترك سيارتي عند الورشات لكن لاني تعبت حقيقة تركتها ورجعت وسالت الرجال وش المشكلة قاللي ولله ما اقدر افيدك القير منتهي وحاول باقرب فرصة تصلحه وماتمشي عليه ابدا ...قلت تمام المهم خرجت من الورشة وانا حزين السيارة سعرها 60000. ريال وتصليح القير يكلف 16000 والقير بالتشليح سعره حوالي 10000 ريال والقير الجديد 22000 ووصلت عالبيت وانا بالمصعد اقول كان السيارة من خرجت من الورشة لين وصلت البيت ما صار معاي مشكلة وانا اكلم نفسي ...فرديت نزلت وركبت السيارة وانا امشي بالسيارة والله السيارة عال العال تمام ماشالله لا تعليق ولا شي بقيت للساعة 1 بالليل وانا ادور بالسيارة عسى ان القير يعللق. ابد بدون فائدة ولليوم صار حوالي شهرين او اكثر والحمدلله السيارة تمام مية بالمية..شكله اخر ورشة عبث بشي واير بدون قصده والسيارة رجعت زينة الحمدلله وانا كل ما اصلي ادعيله بالتوفيق لراعي الورشة ههههتهه