هل تعطلت سيارتك وصلحتها بنفسك أو بأقل الخساير (شاركنا بتجربتك )

سيارتي ماليبو2011 / 4 سلندر
1- تم تركبت فحمات كامري 2003 امامي 170 ريال+ 80ريال خرط وتركيب
2- تم تركيب قزوز ماليبو 2013 من التشليح 300 ريال والتركيب مع تفريغ دبه واحده اللي مع الفلتر 300ريال.
يعني القزوز تركب على بعض من موديل 2011الى 2013 لل4 سلندر.
وفحمات الكامري 2003 تركب على الماليبو 2011 نفس الاصلي وبدون اي اشكالات.
دمتم بخير

:emot132::emot132::emot132::emot132::emot132:

خرب واحد من الكويلات في سيارتي
وحبيت اتعلم فيه بدلت القطعه السوداء
الي في السسته حقة الكويل
بقطعه استخرجتها من داخل
بطارية كشاف الكبيره وتمت العمليه
بنجاح(مع ان الكويل قيمته لاتتجاوز 70 ريال بس انا احب التوليف اكثر من الجديد)

ياخوان عندي مشكله في السوبربان موديل ٢٠٠٧فجاه قام يدخن دخان ابيض كريه الرائحة ويتفتف وولعة لمبة المكينة فحصته كمبيوتر يقول البستم رقم ٦مايعمل وش الحل

المشكلة كانت في شيفروليه افيو ٢٠٠٨ قير عادي
وصف المشكلة اني لمن ادعس دواسة الكلتش واشيل رجلي عن الدواسة ماترجع
الحل كان بتغيير فحمة الكلتش

موضوع جدا جميل

شكراً جزيلاً

أنا كان عندي شيفروليه بارينا وكانت تهرب زيت الدودة وسعر الدودة حقت البارينا غالية ناااار
انحلت المشكلة بتغيير صوفة
ولعلمك ما لقيت صوفة الميكانيكي قص صوفة على المقاس وركبها وراح التهريب وبقيت عندي مدة طويلة قبل ما ابيعها

السلام عليكم ورحمة الله وبركاته

عندي كابرس 1994 طلع فيها ريحة بنزين قوية, فتحت الكبوت ولقيت هوز البنزين الواصل من للمحرك فيه تهريب قوي متشقق بفعل الزمن والحرارة ومكان التشقق تماماً قريب من مكان يدخل في المحرك على بعد 10سم
سألت عن المشكلة قالولي شغلتها تكلف الهوز كامل من الخزان للمحرك وفيها شغل وتكلفة
اخوكم في الله قطع الهوز باستعمال الزرادية قبل وبعد التشقق وجبت هوز مطاطي (ما اذكر مقاسه بالضبط) ومرابط وعملت وصلة من اختراعي
والحمد لله ماشي عليها من حوالي سنتين غيرت خلالها الوصلة مرة وحدة لأن الاولى نشفت وتشققت وركبت قطعة هوز مخصوص للزيت ويتحمل ضغط وحرارة

السلام عليكم
عندي مشكله بكرسيدا موديل 1988 سيدان
المشكله عندما اعشق الاول وتقوم السياره تصيير تتخبط او تنتع على عدة ضربات من اسفل
افيدونا جزاكم الله خيرا

السلام عليكم ورحمة الله وبركاته
كيف الحال يا اخوانى

مشكلتى كانت بسيارة لومينا 2004 ال اس
المشكلة تفتفة لما اوصل لسرعة 80 الى 100 وبعض الاحيان تبدأ من سرعة 60 وعزم السيارة ضعيف مرة
عمل الورشة : 1- تشييك كهربة البواجى الخارجية اللى بجانب فلتر الهوا
2 - تشييك كمبيوتر النتيجة : ال TPS خربان ( او حساس الهوا ) + طلب طرمبة بنزين لتغييرها كمان
**** تم تغيير القطع باخرى من التشليح لأن سعر الاصلى غالى
نتيجة التغيير : تحسن فى السيارة لمدة 3 ايام وبعدها رجعت التفتفة زى الاول
رجعت للورشة ما عرفلها حل وكلام عن قطع وتكاليف حسيت انها مالها داعى
عملى الشخصى :
1-تغيير فلتر الهوا
2- فك دايرة الهوا كاملة وتنظيف حساس الماف ( حساس الهوا بدون لمسه طبعا حذارى من لمس قطع حساس الهوا )
3- فك الثروتل ( بوابة الماكينة ) وتنظيفه تماما تماما
المادة المستخدمة فى التنظيف Acdelco
النتيجة : اختفاء التفتفة تماما وعزم السيارة تحسن والان داخل على شهر بدون مشاكل والحمد لله
ولزيادة التحسن فكين بواجى المكينة والكويلات ونظفتها بفرشاة سلك صغير وصنفرة حديد ناعمة من ساكو
نصيحة اعمل كل ده بنفسك مش هياخد منك اكتر من ساعة شغل بس اهم اللى تفكه اعرف فكيته ازاى بالنسبالى صةرت فيديو بالجوال لاى شئ بفكه تحسبا للنسيان
قطعة فك البواجى عندى مقاس 16 الطويلة بالجلدة داخليى عشان تمسك البوجيه
وكمان غيرت فلتر البنزين
وكل ده كلفنى 150 ريال فقط لا غير

السلام عليكم ورحمة الله وبركاته
ماليبو 4 سلندر 2011
كنت ماشي وبعد التبديلله الثانية القير رفض التبديل وحول على فاضي يعني " n " وقفت اعطيه ريوس يرجع بس الى الامام d او على العادي اعطيه 1 و2 لا يتحرك الموتر ولايقبل التعشيق .
المهم سطحة وعلى الصناعية في الخليج وفني قير مجرد التحدث قال لازم توضيب قير .
قلت اكيد اذا انا اهملت في تغيير الزيت ومراعات الكيلوات المحددة لصيانة القير .
التكلفة 6000 ستة الاف ريال سعودي
ماشي على القير بدون استبدال الزيت اكثر من 140000 الف بعد التغيير الاول
والتغيير الاول كان على 105000 الف .
يعني السيارة ماشية الى حد تخبيط قير السيارة تقريبا 247000 الف ولم اغير الزيت سوى مرة واحدة فقط هي ماسبق ذكرة .
انصح الاخوة بمراعاة الصيانة وعدم الاهمال وعن تجربة السيارة وكالة معي ولم الاحظ اي شي ولم تطلب اي شي سوى ماذكرت .
ولكن اهملت بزيادة وعدم مبالاة .
هذا للفائدة
ارجع واقول السبب مني انا والله على ما اقول شهيد
بارك الله لي ولكم
وكل عام وانتم بخير
ومن تاخر عن الصيانة يجب ان يحتاط قبل التغيير لاني سمعت ناس تقول بعد التغيير يخبط قيرة اقرا وخذ مايفيدك واستشر قبل ان تقع ...
واتمنى لكم التوفيق وان لاترو مكروة .
للفائدة فقط وليس دعاية او ماشابة .
دمتم بود

تشكر على الموضوع عزيزي

أنا كانت عندي هوندا اكورد موديل 2002 على يدي وكالة الى عام 2012 طلعت عندي مشكلة أحيانا الحرارة ترتفع واطفي السيارة واشيك على الرديتر والاهواز ما في تهريب والرديتر اعمله تصييخ وتنظيف كل فترة واذا خليتها تبرد وشغلتها ترجع الحرارة طبيعية السيارة اخذتها عن محلات الرديترات كلهم يقولون الرديتر حق الهوندا نحيف ما يتحمل الحرارة ركب راديتر سعودي حجمه اكبر يا عمي السيارة معي 10 سنوات وسافرت فيها كثير يعني ما طلع هل عيب الى الحين .. أخذت السيارة عند ورشة في خضرية متخصصة بهوندا المشرف عليهم هندي يوم قلت له السالفة قالي هذا نفر كذاب روح جيب طرمبة مويه وتعال ورحت شريتها سعرها 200 ريال وركبها لي 100 ريال

___________________________________________________________________

المشكلة الثانية كنت مركب ريموت تجاري بعد 3 سنوات بدت تظهر مشاكل التماس كهرباء واحيانا السيارة ما تشتغل واذا اشتغلت ترجع طبيعي شهر وشهرين وترجع المشاكل من ورشة الى ورشة لين ما وديتها عند واحد هندي قالي الموديل هذا ما يجي فيه ريموت هذا ريموت تجاري صح قلت له نعم ويفك الباب حق السيارة وكان فيه سلك ابيض موصول من تحت الديكورات وجزء منه محروق قالي هذا الي مسبب لك مشاكل كلها يوم فصلته راحت مشاكل .

انا لدي هوندآ سيفيك من أول مآ اخذتها
وطبعا انا شاريهآ مستخدمة ..
من أول ما شريتها وكان عندي حق التحكم في درجة حرارة المكيف
مهما تفر فيه توديه للحار للبارد ما يشتغل .. كأنه مو موجود
من تشغل المكيف بآرد .. ع أبرد شي محطوط ما يتغير

رحت لـ كهربائي قلت له يكشف وش المشكلة .. من وين بالضبط يعني
كل وآحد قآلي كلآم وكلهم ما اقنعوني ..
لحد ما وصلت لـ كهربائي .. وقلت له يكشف عليها
بعد الحوسة .. شاف ان الموضوع من دينمو موصولة بتحكم درجة حرارة المكيف
كانت ما تشتغل وتحتاج لتغيير .. وتقريبا هذا شكلها



تلاقيها في مكآن السائق تحت .. ع اليمين ..

قلت له بشتري القطعة وبجيك ..
بعد زيارة لجميع محلآت قطع الغيار .. طلع اساسا ماحد يعرف انها موجودة !
قلت مالي الا الوكالة .. وتوجهت للوكالة ومعي القطعة
في البدآية ما فهمو اللي اقصده بعدها قالي جيب القطعة
لم جبتها له .. عرفهآ .. وقالي مو موجودة وتجي طلبية بعد ثلاث شهور
قلت له بكم ؟! قالي بـ 375 ريآل سعودي ..
قلت له بشوف وبرد لك خبر ورحت لـ محلات القطع قلت ابيك تطلب لي هالقطعة
قالي برد لك خبر بكرة .. وقالي بجيبها لك بـ 220 ريآل سعودي ..

لم بحثت عنها في الانترنت .. لقيتها في موقع لقطع غيار هوندا بـ 100 ريال سعودي
مع الشحن للسعودية طلعت علي بـ 180 ريال سعودي ..

لم وصلت سليمة ولله الحمد .. توجهت للخضرية
رحت لمحلات كهربائي بكم تركب .. تراوحت الاسعار من 50 ريال إلى 80 ريآل
مع ان التركيب سهل جدا ! لكن كلهم أوهموني بكلمة " تحتاج إلى برمجة " !

رجعت للبيت وقلت بجرب وبركبها انا .. لو ما ضبطت رجعت لهم
وخليتهم يسوون البرمجة حقتهم .. بيكون بسعر اقل أقلها !

رجعت وركبتهآ .. والقطعة تبرمجت بنفسها اول ما ركبتها وشغلت السيارة !
والتركيب أخذ مني 10 دقايق وسهل جداً .. وإلى يومك شغالة من شهرين تقريبا ..

السلام عليكم ورحمة الله وبركاته،


اشكر ادارة المنتدى على هذا الموضوع الرائع


تجربتي كانت مع اوبل فيكترا 1992
حيث واجهتني مشكلة (تقطيعة) اثناء الالتفاف لليمين او الشمال لم اجد لها حل بالرغم من فحصها عند الاخصائيين (كهربائي + ميكانيك) وكان لدي اصرار كبير على حل المشكلة.

وبعد التتبع لخطوط البنزين الخارجية لغاية الخط الداخلي بالتنك، وجدت ان البربيش الموصول بالعوامة بداخل التنك مضروب وبحاجة الى غيار، وقد قمت بتغييره وعادت السيارة كما كانت بلا تقطيع.

انصحك غسلها بستم و نظف المحرك بعد يومين شوف التهريبات من وين جايه عادة اكثر مابروح بالليات (الهوزات) أو طرمبة زيت الدركسون نفسها هذي اللي فيها بكرة او يسموها(العلبة العلوية)