ماهو صندوق الطالب ؟؟؟؟؟؟؟؟؟؟؟؟

ما خفي كان اعظم :) الله يعين يا رب

يااا رجال وسع صدرك !!!


اذا على كذا هين


ما خفي كان اعظم

هم لو يقولون تبرع 10 ريال اوكي بس زرف عيني عينك ..

قبل كم يوم كان عندي بحث ...

تهورت ورحت لمكتبت الامير سلمان اللي في الجامعه دخلت جلست ادور حول نفسي ابي اعرف وش اسوي المهم سهلها رب العالمين وعرفت وين اروح واسأل قالوا لي اروح لدور معين وعطاني ورقته فيها رقم الكتاب اللي ابي .. المهم طلعت على اساس ان الرقم اللي معي هو رقم الرف ورقم الكتاب رحت ادور لقيت ان الورقه اللي معي هي رقم الكتاب طيب اي رف ؟؟؟؟


جلست احوس لين ضاق صدري وطلعت ..

جيت اليوم الثاني ولقيت الكتاب رحت ابي استعيره ... قالوا لي ضف وجهك غيرك كان اشطر تستعسره ميييييييين يابو تستعير انت تبيه رح صوره .. ياناس كتاب 600 صفحه اصوره ؟؟؟؟؟؟؟؟؟؟؟؟؟؟؟

المهم قلت اوكي ورحت متحمس لميكنة التصوير قالي يابو الشباب تعال وين رايح .؟؟؟ قلت له ابي اصور قال روح اول للدور مدري كم واشتر بطاقة تصوير بعدين تعال .....

والبطاقه بـ25 ريال وفيها 200 صوره يعني 8 اوراق بريال وبرا الـ10 اوراق بريال ..........

طيب وين صندوق الطالب بإعادة ترتيب المكتبه في تصوير الاوراق في ... في .. في ..........


الله يعين

والله شيء يحز في النفس والله

انا ابيهم يعطوني المكافئه كاملة

وتفضلا مني اعطيهم 10 ريال

بس مو بالشكل هذا !!!

هلا والله لوريل ... مشكووور على التوضيح بالعكس انت الى الان في صلب الموضوع ولا طلعت منه انت اختصرت علي مجهود في شرح كلامي ... مشكور واخوي وماقصرت

الموضوع بإختصار انا من النوع اللي ممكن اعطي 1000 هديه لعامل نظافه بس محد يلعب علي بريال واحد فهمت الموضوع الحين ؟؟؟
----------------
أذكر أحد القصص التي ذكرها لي والدي - الله يحفظه - أن أحد المبرمجين قام بعمل برنامج لبنك ما وعمل حاجة في برنامجه بحيث أنه في كل عملية تحويل أو ما شابه ذلك يتم سحب ليس ريالاً واحداً وإنما هللة واحدة من الشخص الذي قام بعملية التحويل ويتم إيداعها في حساب ذلك المبرمج .. وبعد تلك التحاويل إستطاع أن يجمّع مبلغ وقدره .

حتى لو كان هذا الشيء صغيراً فلا تحقرّنه .
ما أدري هل خرجت عن صلب الموضوع ؟!

شف يا اخ حسن ....

انا اللي ابوصله لك ان الموضوع عن سرقة 10 ريال من كل طالب جامعي لاتقولي جامعات اهليه وجامعات تاخذ ماتعطي وعشان اريحك انا كاتب الموضوع بداية حياتي الجامعيه كانت في كلية الامير سلطان الاهليه وكنت ادفع عشان ادرس ...

الموضوع بإختصار انا من النوع اللي ممكن اعطي 1000 هديه لعامل نظافه بس محد يلعب علي بريال واحد فهمت الموضوع الحين ؟؟؟

الموضوع يتكلم عن العشرة ريال.. ما يتكلم عن تأخير المكافآت..

فعلا الله يعين الطلاب من هالتاخير..

صحيح انا ما جربت التأخير أكثر من أسبوع.. ولاسباب مقنعة..

بحكم اني منتسب لجامعة الملك فهد ((البترول))..


واللي اعرفه انه جامعات دول الخليج اغلبها أهلية.. يعني تدفع عشان تدرس فيها..

واحنا الحمد لله..... جامعاتنا حكومية.... مع العلم أنه فيه أهلية..

والله يوفق الجميع ان شاء الله... وين ما كااااااااان..

|3|

الموضوع مو في القيمه حقت العشره ريال الموضوع عن الاستغفال واللعب اللي صاير عيني عينك ... بعدين على قوتك المطعم اللي بريال ولا ريالين هذا انا في يوم تهورت ورحت له بشوف وش سالفته لقيته الله يكرم النعمه ريحة المطبخ تحوم الكبد يعني من اخر البهو تحس ان هالمطبخ فيه اكوام من الوصاخه يعني اذلال والله اذلال هالمطعم ياشيخ لو يوزعون فيه ما اكلت فيه الله يكرم النعمه ومثل ما قلت لك المسأله مو في قيمة 10 ريال انت لو تاخذ ريال من كل طالب يوميا كم راح تطلع بالشهر ؟؟ من هالريال بس يخوي مو من حقك هذي موضوعه زي القطه عشان راحة الطلاب لاكن مافيه اي نوع من الراحه ...

اخ حسن اخوي انا عارف ان فيه ناس كثير حاسدينا على المكافأه لكن مو معناته يذلونا لين ينزلونها ؟؟؟ يخوي مثل ما قلتوا فيه ناس مو محتاجين بس لا تنسون اللناس المحتاجينها ...

وإذا تبغى عشرة ريال دق علي ؟؟
---------------
أنا أبغى عشرة ريال :) ، أمزح معاك :) .

يا شباب الحين كل هذا طمع في العشرة ريال..

لو الدعوة على تأخر المكافأت، نقول معليش..

لكن على عشرة ريال!!!

عموما، أنا راح أقولكم إش صندوق الطلاب ..

هذا صندوق تعاوني يقوم بالطالب ومن الطالب (يعني منكم وإليكم).

هذا الصندوق يدعم عدة أشياء يستفيد منها الطالب ولا يدرري عن نفسة ..

يعني تجي الصباح تفطر فول-شكشوكة وتصقعها بزبادي على شوية زيتون وجبنة وكوب شاي..؟؟؟ هذي ببلاش؟!!!

وفي المقابل تدفع ريال واحد فقط على الفطور ..

وكذلك الغداء تكبسلي المعده رز ودجاج وإيدام وسلطة حارة ولبن وحلى(مش حالك)؟؟ هذا برضوا ببلاش ؟؟!!

مع هذا تدفع ريالين للغداء ..

وهذي ميزة فقط للطلاب، والدليل إنك لازم توريهم البطاقة، إذا جيت المطعم..

عندك كمان، عضوية المكتبة، وإستعارة الكتب!! وعندك المعارض اللي تسويها الجامعة .. ورسالة الجامعة (صحيح إنهم الاسبوع اللي راح طبعوها أبيض وأسود)..

يعني يأخي أعتبرها صدقة جارية..

وإذا تبغى عشرة ريال دق علي ؟؟

هو صندوق مخصص لأخذ 10 ريال من مكافئة الطالب ، وعلى الطالب أن يتعود على ذلك :) .
المشكلة أنهم في السنة بيحصلوا على 120 ريال من الطالب الواحد .. وشوف كم عدد طلاب الجامعة وأضربه في 120 .. وشوف كم بيحصّلوا في السنة .
60000 * 120 = 7 مليون و 200 ألف في السنة .

وهو صحيح أن العشرة تقول عنها قليلة ولكن لا تنس أنها تأكلك من بروست البيك :) .

لا يا شباب غير كذا أنك تدفع قيمه البطاقه الجامعيه من نفس المكافئه
مخربها سبق وذكرت أنا أنك لو أخذت من الجامعه راح يخصمونها من المكافئه
وأفضل أنك أعدت ذكرها لكن المشكله أيضا ياشباب تخيلو أنه في
طالب باقي له مستوى أو مستويين ويتخرج ومحتاج مبلغ (( لاقدر الله ))
كيف يتعاملون معاه غير كذا أنهم فعلا ينشفون ريقك لين يعطونك
المبلغ اللي أنت محتاجه وغير كذا يا أخ حسن أنت وأنا وكثيرين
ممكن يتنازل عن 990 أو 840 لأنه ماهو بحاجتها لكن مع هذا تبقى
من حقك هذا المكافئه والدوله صارفتها عشانك مو عشان هالطراطير
والمكافئه هذه تعين الطالب اللي جايين من خارج المدينه ومن القرى
غير كذا مين اللي بيحسدك على 990 أو 840 ياعمي أطلع شوف
الجامعات اللي برى شلون (( سكن محترم يليق بجامعه + يصرفولك
مكافئه على حسب كل مستوى ومجموع المواد وغيرها )) والله
يكفي أنك تدخل الجامعه وأنت لك نفس تدرس مو تدخل الجامعه
وتشوف أشكال دكاتره دين أم أخلاقهم طالعه ويتكلم من خشمه
ومافيه يشرح وماهمه الطالب (( لأن ماعنده ذمه ومايخاف الله ))
يا شيخ ربك يعين وينصرنا على الظالمين سلاااااااااااااااااام

ههههههههههههههههههه..

يا جماعة الخير..

خلوا بالكم طوييييييييييييييل..

الحكومة الله يعزها,,, تصرف هالمكافئة لنا..

يعني..

انظروا لها من زاااااوية أخرى...

اعتبروا انه المكافأة 990 . او 840.. او تكنو اللي تكون.. بدون العشرة هذي..

وخل العشرة ((تولي)).. وريح بالك وضميرك..

وترى حنا محسودين... من جيرانا على المكافئة هذي..

==> مش الحسد الحسد.. لا.. يعني تقدر تقول... غبطة... |1|

|3|

كيفوا ووفيتوا الله يطول بأعماركم ...

بس لي تعقيب على الاعانات ياناس هم صحيح يعطونك اعانه وبعد طلعة الروح لكن لا تنسون انهم ياخذونها من المكافأه يعني يخصمونها يعني ترجع لهم الاعانه بالتقصيد من المكافأه طيب وين صندوق الطالي انا اول ما دخلت الجامعه وسمعت عن صندوق الطالب على اساس انه يساعد الطلاب توقعت ان المساعده خلاص ما ترجع يعني يساعدونك بمبلغ معين وخلاص ينسونه لين سمعت من واحد من الشباب انه راح وتعب وتمرمط وقالوا له ان المبلغ راح يخصم المكافأه كل شهر لين يرجع يعني بالعربي لا تحسبون الاعانات من حوادث او زواج او اي شي يسمى اعانه له دخل بصندوق الطالب الظاهر ان هالصندوق محطوط لخدمة الطلاب من ناحية الخدمات طيب وين الخدمات ؟؟

المسؤلين عن صندوق طالب في جامعه الملك سعود هم اكبر حراميه بالعالم ..

يعني بالعقل ..

ياخذون 10 ريال من كل طالب ..

ووصل عدد الطلاب الحين بالجامعه لحوالي 60 الف طالب ..

يعني 10 * 60000 = 600 الف ريال شهريا ... !!

ومن يوم ما دخلت الجامعه ولا تغير فيها شي ..

لا مواقف مظلله ومرتبه مثل الناس خصوصا مواقف كليه العلوم وكليه الاداب ..

ولا امن مدرب وفاهم ينظم الناس ويرتبهم ..

بالعكس .. زاد عدد الطلاب وزادت معهم الحوسه والزحمه ..!
.
.
.

لا احد يقولي انها تروح مساعدات واعانات للطلاب ..

هم اصلا ما يعطون مساعده للطلاب .. الا لما يطلعون ارواحهم من كثر شروطهم وتعقيداتهم ..

.
.
.

والمكافئات .. هذي يبيلها موضوع بلحالها ..

اصلا الدوله تصرف ميزانيه الجامعه .. دفعه وحده ...

يعني المفروض تنزل مع كل نهايه شهر مثلنا مثل الموظفين ..

لكن الحراميه بالاتفاق مع البنك الامريكي ..

يأخرونها كم شهر .. ويتاجرون فيها بالاسهم ..

ويطلعون من مكافئاتنا ذهب ..

.
.

ويكفي الي قاله احد المسؤلين في الجامعه ..

يوم راح له واحد من الشباب يشتكيه من ان المكافئة ما نزلت له .. مع ان كل اموره سليمه ..

قال له بكل برود ..:

اصلا انت وش تبي بالمكافئه ؟؟؟ !!!

ياحبيبي أنتم فاهمين X (( يعني خطأ )) أنت كذا كذا مفشوخ خلقه لأنه المكافئة ماتنزل الى متأخره وبالعقل الدوله والحمد لله مخصص ميزانيه خاصه للطلاب لكن المشكله في اللي يوصلون هذه المكافئة للطلاب فهم يأخذون المكافئة ولو حقت شهر واحد تكفي أن كل واحد فيهم يطلع سياره جديده تخيل جامعه فيها 10000 طالب وهذا مررره قليل أقل جامعه أتوقع فيها 20 ألف طيب 10 ألاف في نفرض 800 ريال = 8000000 مليون !!!! طيب أستثمرها حق أسبوعين بس في أسهم تطلع لك أقل شئ 100 ألف وهذا السوق طايح وحالته حاله يعني ياشباب في تلاعب في مكافئة الجامعه وترى الدوله متأثره من 15 % مع أن سعر البرميل وصل 60 دولار وتراجع
لدرجه أن الدوله سددت نصف ديونها (( يالله أنا خرجت من وين ودخلت وين )) المهم صندوق الطالب هذا يساعدك في الضروف الطارئه أو عند الحاجه الماسه وأعتقد لمره واحده فقط تخيل تخيل أنك صدمت بسيارتك (( لا قدر على مسلم )) وماعندك تأمين وأنت عزوبي وقيمه أصلاح السياهر اللي تسببت في ضرر لها 5 ألاف ريال وماعندك غير 2500 يأتي دور صندوق الطالب بحيث أنك تجيب أثبات أنك تسببت في حادث ومطالب بقيمه فلانيه كذا كذا وتروح لقسم المكافئة أو المكان المختص في بصندوق الطالب في الجامعه وتعطيهم الورقه وهم يعطونك المبلغ اللي أنت محتاجه بس أنه تجي هنا المكشله (( خلال المده الباقيه اللي تدرسها في الجامعه راح يقتس من مكافئتك أكثر من 10 ريال اللي بالأساس ألين ما تسدد اللي سحبته )) المشكله الثانيه أنا ليش أزيد أسدد من المكافئه اللي سحبته مع أن اللي يسحبونه من الطلاب في السنه كافي لبناء جامعه أخرى يعني مدري والله كيف هرجتهم (( صبرا جميل )) ارجوا أني وفيت وكفيت سلااااااااااااااااام

مشكورين على المرور ..


اخواني ابي افهمكم ان الاعانات حقة المتزوجين والسلفيات ترجع لانها تخصم من المكافأه ولا كل واحد بيعينونه على الزواج لان لازم من شروط من كعدل ولم ترم باقي لك على التخرج يعني مو كل من بيتزوج بيعطونه اعانه ولو افترضنا ان الاعانه بيعطونها للي بيتزوج ولاراح يخصمونها من المكافأه كم واحد بيتزوج في الترم ؟؟؟؟


هو مثل ما قلتوا طريقه مهذبه لنهب 10 ريال من كل طالب تحت مسمى صندوق الطالب .... لاني مب شايف اي شي من هالصندوق كل شي في الجامعه تدفع عليه حتى يوم افتحوا المواقف المظلله قبل فتره افتحوها بـ450 ريال في الترم الواحد يعني مثل ماقلت مابي موقف مظلل بس ابيهم يرتبون المواقف شوي .. يعني كم بيكلفهم لو وسعوها ووسعوا المداخل والمخارج ؟؟؟
انا الحين مو قادر ارتب افكاري ولي عوده