مكتبة مقاطع فيديو وصور لهامرات مغرزة كلها H2

[الطيب]

اظن اني طولت عليكم كثير وزي ما يقولوا من طول الغيبات جاب الغنايم

والله كثر ما شفت همرات حسبتها سيارة رمل ورزة وحركات

لكني اكتشفت اناه حقت كشخة على الاسفلت بس

وترى انا ما اسقط احترامي لها لانها سيارة جميلة ومهيبة حتى لو مهي قوية

واتمنى اني اشتري واحدة زيها لانه ترى اقفال دفرنس وسوبر تشارجر تخليها ملكت الدفع الرباعي

وبسم الله نبدأ الموسوعة :

1. صور من العضو Sami_2007 في منتدانا نفسه همر مغرز في النفود

(ترا مش عارف كيف اطلع الصور يعني ياليت واحد يعلمني )

http://members.lycos.co.uk/ooossooo/h2-1.JPG

http://members.lycos.co.uk/ooossooo/h2-2.JPG

http://members.lycos.co.uk/ooossooo/h2-3.JPG

http://members.lycos.co.uk/ooossooo/h2-4.JPG

2. فيديو ربع يسحب همر


3. فيديو همر مغرز ووراه لاند كروزر


4. فيديو اكبر فضيحة للهمر


وباقي مقطع اخير عن جيب فيتارا يسحب همر بتشوفوه قريب باذن الله

وشكرا

[TARIQ.M]

حياك الله يالطيب وصدق من طول الغيبات جاب الغنايم
وبصراحه الهمر سمعته تشوهت كثير بين محبي البر وسياره الدفع الرباعي
والسبب هو ليس من السياره السبب من سائق السياره يعني لو تسلم السياره لواحد راعي بر وطلعات صدقني ماراح يغرز وبيعرف كيف يتعامل مع كل منقطه ينتقل إليه

ومشكور على المقاطع

× ينقل لمنتدى الدفع الرباعي

مع التحيه

[أبـوأسـد]

عاد ذي قوية جدا
فيتارا يسحب هامر!!!!!!!!!!!!!!!
والله المضحكة والسخرية لهذه السيارة
وش أبي بسيارة بهذا الشكل العملاق والهيبة والقوة وفي أخر شيء ما يمشي في البر!!!
مشكور أخوي الطيب ولا تحرمنا من جديدك

[Shadow]

هلا اخوي الطيب

انا اشوف الناس مصخوها مره مع الهمر لانهم طيحوا سمعته ..

ومع احترامي لهم هم من اعطى الهمر اكبر من حجمه

الهمر H2 سيارة مدنيه ووعر للصخور والطرق الوعره ماقالت الشركة انه سيارة رمل

هذا اول شي

ثاني شي السيارة تعتمد على السواق واكثر الشباب الي مغرزين مع احترامي لهم مايعرفون السواقه ابدا وهم السبب وليس الهمر ..

وانا العام شايف همر يطعس بالنفود لكن مع سواق حريف صح والله حفر النفود حفر وبالراحه ..

ثم فيه سيارات خاصه بالبر وتشوفها تغرز بشبر رمل .... مثل الشاص واللاند والباترول وياما شفنا ...ليش ماسبوها الناس

وتظل الهمر سيارة الوعر و التحمل والصلابه

شاء الناس أو أبوا ....والي مايطول العنب .... حامض عنه He says

مشكور اخوي الطيب ..

[أبـوأسـد]

أخوي Shadow أنا أتفق معك أذا كان الهمر يمشي في البر بس ممكن فيديو إذا تكرمت لكي تثبت لي قوته في الطعوس
صراحة أنا ما بعد شفت همر إلا في الشوارع فقط!
في البر ما شفت أبدا
بس الفيديو يغني الكثير عن التعريف عن قدرة السيارة
ولا سمعت واحد يقول أن الهمر يمشي في البر إلا واحد بس أثق فيه
لكن لك ما شفت راعي بر قالي : شفت الهامر أتش2 ما يعرف يرقا الطعوس ويغرز يعني ما تدري من تصدق
وأغلبية الي أسمع أن تغريزته ولا يقدر يطلع من مكانه أكثر من أن نسمع أنه يقطع الطعوس!

أخوي الطيب متى الفيديو حق الفيتارا الي ساحب همر!!!!!! خخخخخخخخ أرجو أنك ما تتأخر في تنزيلها

[Shadow]

هلا اخوي الاسد

مامعي فيديو ...

لكن شوف انت اذا عطيته سواق مراح يرده شي ... واهل البر يعرفون هالشي وانا شايفه بنفود السعيدانيه في منطقة القصيم قبل مفرق ام سدره على خط القصيم الرياض ... لكن قلتلك الهمر مافيه امل يرقى الطلعات لانه ثقيل وعزمه مو قوي زي H1 لكن في امكانه يمشي بالنفود اذا كان مع سواق ولا اعتقد انه يغرز ,,, الجمس وهوالجمس والله ناس لعبو فيه بالنفود كيف مايمشي الهمر ..يعني بالعقل ...

لكن مثل ماقلت ...ماحد قال لكم ان الهمر اصلا سيارة نفــــــــــــــــود ...يعني هذي المفروض نحط تحتها خطين ونركز عليها قبل مانطيح قيمة الهمر ....

الشركة قالت سيارة مدنيه وتنفع للوعر والصخور ..................قالوا نفود وصحراء ؟

[salehhd]

الموتر كبير وثقيل ومكينة على قدة

انا دخلت موقع مقارنة بين الهمر والسوبر بان السوبر واليوكن عدد الاحصنة اكثر

http://www.needforpower.com/VScar.html

بصراحة سيارة بهذا الحجم وهذا السعر شي اكيد الكل راح يتوقع منها الكثر مش سيارة ممكن
Ssang Yong / Rext6n

يجاريها وممكن يتغلب عليها في التطعس او الجبال

بصراحة h2 شوهة سمعة اسطورة امسها هامر في عالم الجيوب

هذي وجهة نظري

[LED's]

الهمر همر لاكن العيب في السواق

يارجال بام عيني شفت كوريلا ابو 80 وخشبه داخل في اماكن احنا غرزنا فيها بباثفايندر

فاا العبره في الخيااال مو في الخيل

سلام