لا يفوتك الزين ياولد ربيع يحبه قلبك

بسم الله الرحمن الرحيم
مسيكم - صبحكم بالخير ياغالين,,,, باختصار شديد
يوم الثلاثاء الموافق 13/1/1426 هـ الساعه 9 بالليل قررنا انا والشله الموقره :) اننا نروح للصمان
وتحديدا لروضة الحسنة اللي تبعد عن الرياض تقريبا فوق 350كم المهم بعد الاتفاق وتوزيع المهام واختيار السيارات .
وطبعا من ضمنها موتري (( كحيلان )) :) ,,,,اتفقنا على كل شي وبالاخير نط علينا واحد من الشباب
قال عندنا غدا يوم الخميس بغينا نتوطى في بطنه ولكن ولله الحمد مااضطرينا نسويها
لان اهله سمحوا له يروح :)
المهم اتفقنا نمشي يوم الاربعاء الساعه 3 العصر واللقاء في بيت واحد من الشباب في حي الصحافة.
يوم الاربعاء :
الجميع استاذن من دوامه اجتمعنا خلصنا امورنا وطلعنا من الرياض الساعه 5.30 بعد ماكنا مقررين
نمشي الساعه 3 العصر بالكثير (( سعوديين عادي )).
بعد ماقطعنا يجي 200 كم وقفنا هنا

تحركنا من هالمكان ومشينا حول 60 كم بعدين دخلنا بر وقطعنا 25كم وصادفنا هالمكان :

المهم اجتماع طارئ فورا قررنا الاتي :
1- نطق رواق الخيمة بس ,,,2- نتعشى 3- اذا اصبحنا نكمل طريقنا باتجاه روضة الحسنه .
يوم الخميس :
وبعد مااصبحنا اثرنا في وسط فرشه خضراء على مد النظر سبحان الله وكانت الساعه 11 الصباح :







المهم افطرنا وعينا خير وشلنا خيمتنا واغراضنا :



وفي اثناء اتجاهنا لروضة الحسنه كان الجو مشمس نوعا ما لكن الغيوم كان لها حضور :) :