الكابرس الLTZ سمعت عن الخرابات صحيح الكلام ولا لا

انا ماقلت شيء ولا اقصد القوى في البريك

يا اخ lkl انا اقصد الومينات والكوابرس لين دعسو بريك يطلع صوت:confused:

الكابرس واللومينا بنات عم ومافيها خرابات تذكر طبعا مافي سيارة خاليه من خطء ولو كان بسيط

اما بالنسبة للاخ هاوي اكورد انا اشوف الاكورد واللومينات في الهوا سوا بالنسبة للبريكات يعني اللهم الاكورد مسكت البريك اقوى

فماله داعي تسوي دعاية

تحياتي

مو الكابرس بس السيارات الامريكيه بشكل عاااااام خراباتها كثير واهم خرابتها الي تطلع عليك الفرامل يطلعون صوت وصوصه

وفي المطبات الا الا يسمعك الاصوات الي يطلع منها

بس قوووى وعزم |1|

بس المشكله الخرابات

واذا عندك فلوس اخذ امريكي علشان تحط فيها
واذا ماعندك اكورد تكفييك

8
8

الف مبروك لك يالغالي

اخوي انا عندي 2002 LTZ وماشاء الله مثل العسل ومافيه خرابات الا قليل وهذا شيء جدا طبيعي

والحين اخذت كابريس 2004 LTZ وماشاء الله اجراااااااااااااااااااااااااااااام منظر واستعمال وخط لاني ماسك خط الدمام كل اسبوع وخط الدمام الي يودي الكويت معروووف انه كله تحويلات وحفر وبلاوي والموتر مافيه شيء والحمد لله

أنا عندنا كابرس LTZ موديل 2002 ووديناه الفحص الوكالة طلع ورقتين خرابات قصدي 3 أوراق خرابات في الكابرس!!!
وأسأل وش هذا وش هذا وذاك
يعني عد الخرابات ما تخلص
طيب قلنا كم يكلف قال 10000 بس
قلنا وشو عشرة ألف ريال!!!!!!!!!!!!!! تستهبل
طلعنا السيارة من الوكالة ولا صلحنا إلا الأشياء المهمة فقط والباقي خليناه أكثر ما أذكر أن خراباته حساس مكينة وحساس شكمان ...ألخ
بس صراحة السيارة جاها نصيبها من الكرف الغير طبيعة بشكل لا يتصورة أحد
ولا قد دخلت الوكالة إلا فقط مرتين يعني
الكابرس يبيلة محافظة وتشيك عليه من الوكالة أول بأول وأحس أن الموديلات الجديدة أفضل بكثير من 2000 إلى 2002

انا شخصيا معي كابرس 2004 ال تي زد

الحمد لله لا خربات ولا شي وانا من النوع اللي استخدامه عنيف (حلوه )

مع اي مديور لازم ادعس لها تجي على البيبان

<---- متهيض
اخوي اللي يقول لومينا

فرق كبير بين الكابرس واللومينا من داخل الكابرس طبعا افخم

بصراحه اخوي كل اللي معهم لومينا من اعرف 3 من اصحابي وجلست معهم سنه سنتين

نادمين ونصحوني بكابرس

خذ لك كابرس لك ولزمن

على ما قال واحد من الشباب الاعضاء يكفي اسمه كااابرس يخوف من جد :)

يطولي عمرك يالغالي

انا معي كابرس 2004 LTZ

سياره لافي قمة الروعه وماشاء الله LTZ تبيها رسميه او للعائلة او شبابية تجي معك

ومن الداخل جدا رسمية

ومن ناحية الخرابات انا طالب جامعي وبعض الاحيان اطمر ارصفه ودايم ادعس به

وايام العيد والمطر انواع التطعيس << دفع خلفي ويهيض

وماشاء الله الموتر يقول ابي زود وانا الصراحه ما اعرف هل الي يقولون الكابرس خرابات مجربينه ؟

( بأستثناء موديل 2000)

لان عمي معه 2001 وماشي معه احلى من العسل

ومن ناحية المواصفات شف بيكمل سنتين بضبط وكل يوم اكتشف فيه حاجة جديده

والاخوان مايقصرون هنا

شوف الكابريس سيارة جديدة نسبيا على السوق ...وفي الموديلات الاولى(2000-2001) أتفق أنه كان فيه شوية خرابات ....اما في الجيل الحديث فتم حل جميع المشاكل والسيارة أصبحت لا يعلى عليها ...

وأنصحك وبقوة انك تاخذ موديل 2005 ....لأنه مكينة صراحة شي خيالي ( V8 330 حصان !!!! ) أو (V6 230 حصان ....وهي أيضا قوية جدا )


وبالنسبة لتجاربي...

لي 3 اصدقاء كلهم عندهم كوابرس (جروب P:)
1- SS 2002
2-LTZ 2004
3- LTZ 2005
وماشاءالله عليهم كلهم سياراتهم فله وما واجهتهم أي خرابات مع أنهم جميعهم اصحاب قومات يعني كارفينهم كرف...


وانا شخصيا عندي لومينا 2004 LS (بنت أخت الكابريس) وهم نفس الحالة والسيارة لا يعلى عليها

وإن شاءالله قريبا راح أنظم لأصحاب الكابريس وراح آخذ لي كابريس 2005 ..


كيف نعيش بلا كابريس

شباب في جده مافي معارض زي عندكم بالرياض سيارات على الزبرو ورخيصه

ياليت تفيدوني