السلام عليكم و رحمة الله و بركاته
بعد لف و دوران لأكثر من شهر لقيت المازدا 3
سيارة تجمع المواصفات و سعر كويس
جنط 16 جناح فتحة سقف CD ريموت قير اوتو تبترونك ب 55500 ريال
رحت للوكالة يوم الاحد الماضي قلتلهم ابغى مازدا 3 فل ابشن
قالي ما باقي غير لون اصفر ........... أعطيته تلفوني و قلتله كلمني اذا اجاك شي
رد علي صباح يوم الثلاثاء و قالي كان في واحد حاجز لون اسود بس انسحب تبيها ولا لأ؟
على طول رحت و الشيك بيدي و دفعت ..... و يوم الاربعاء الظهر استلمتها خالصة مخلصة
والله يا جماعة الخير السيارة روعة بالنسبة لسيارة يابانية
تحس بثقل لما تسوقها يعني مو خفيفة و الصراحة اعجبت كل من ذمها من اصدقائي
على العموم يا شباب الي يعرف كيف أقدر اركب انوار الضباب من غير ما اركب الصدام البايخ و من وين و كم يكلف؟
حبيت اشاركم فرحتي مع اخوتي في منتدى السيارات اليابانية
تحياتي
