شكر وتقدير:
الشكر موصول لك الحبايب إلي ردوا علي وأثلجوا صدري بردودهم
عتاب :
الذين لم يعجبعم اللون أو التصوير أو الموضوع بأكمله
يحتفض برده ولا يظهره لأن فيه جرح للمشاعر .. أوكي
السيارة ليست بالضروره أنها تكون عجبت المصور أو من هذا القبيل
ولكن أنا شفت شي فقلت من الحب إني أوريه للأعضاء إلي في المنتدى
فليس بالضروره إنو عاجبني الـ GMC
الرد على إستفسارات البعض :
أخوي LOODI
حاول تدخل في وقت يكون المنتدى فاضي عشان الانترنت يكون سريع
وبتالي الصور تطلع معاك بسرعة لأنها كبيره نوعاً ما ، لو ما انفتحت الصور سو تحديث للصفحه
الغـامــ07ــدي : الدعوه فيها أميــر ..<< حط رجلك
والله أنا شكيت لأن القزاز كان مضلل كامل وفيه استكر عدم تعرض تجده في أول صوره
على القزاز الأمامي جهة السواق ، وتسلم على ردك
|326| اخوي ... يعني قصدك ننافق ومانقول راينا ؟؟
أنا واحد صريح ولا أحب انافق وكم مره تعرضت لمشكله بسبة أني قلت الصج ...
يعني واحد يحط سياره مش حلوه أو حتى شكلها خرابه وتلقى كل الاعضاء ينافقون ويقولون والله حلوه والله عجيبه ومدري ويش من ذا الكلام الحلو وتلقى أغلبيتهم يكذبون ... معليش أنا معاك انه مانجرح ونذم في صاحب السياره أو صاحب الموضوع بس على الاقل خلولونا نرد بصراحه وأنا دايما لما ألقى شيء ما يعجبني أرد بصراحه واتفاجأ انه في اليوم الثاني مسحوا ردي ؟؟ ليه يعني ... أنا ما سبيت ولا غلطت على أحد ... كل هذا علشان اني قلت رايي بصراحه
والشيء هذا مش في المنتدى هذا بالذات لا .... أنا ملاحظ هالشيء في تقريبا كل المنتديات العربيه
أخوي روح شوف المنتديات الانجليزيه والله يقولون اللي في خاطرهم ولا يفتكرون
بعطيك مثال حي ... يمكن انك تذكر موضوع (( SLR بالشحن الجوي )) ..
هذا موضوعي وانا ... والصراحه تعبت لما جبت الصور ولو اني مصيود كان صارت لي سالفه طويله مع الشرطه ... المهم انا نزلت الموضوع ونزلت الصور والشباب الله يخليهم عجبتهم الصور بس للأسف , تفاجأت ثاني يوم انه محذوف من ؟؟ ليش ؟؟ الله أعلم أبي أعرف انا حاط صور حرام ولا حاجه ؟؟ كلها إلا صور سياره وعلى فكره انا يوم نزلت الموضوع في نفس اللحظه نزلته في منتدى انجليزي والموضوع له أكثر من 5 أيام ولا امسحوه ولا حاجه وهذي وصلت الموضوع
http://www.rs25.com/forums/showthread.php?t=20217
شوف أول رد ... أدري انه يستعبط بس مع ذلك ماقلت له شيء .. هذا رايه وكيفه
وفيه شخص ثاني بعد كان يستعبط بس كان مزح
وأيضا نزلت الصور في منتدى قطر سبيد ومع ذلك ماقالوا شيء والسياره مصوره في قطر
من الاخر كل اللي أبي أقوله انه لحد يزعل إذا احد قال رايه وماعجب الطرف الثاني ...المفروض نكون صادقين مع بعضنا مو نكذب على بعض وكلكم كبار وتعرفون ان الكذب عيب
