والله جننتني هالسيارة ...........

مشكوور اخوي الفني ودي شهاده اعتز فيه منك من اخ فني مثلك

واخوي الوافي احنا ما سوينا غير الواجب وهنا الشباب كلهم مشاء الله ما يقصرون وأولهم اخوي الفني

تحية خاصه وشكر لك من شارك وتفاعل في دى الموضع وكل هدفنا انشاء الله الاستفاده للجميع

أبشرك اخوي منتصر السيارة ماشية تمام والحمدلله ...... بس والله مادري كيف أشكرك لأن كلمة شكراً لا تكفي بحقك ... لكن ما أقدرأقول إلا الله يجزاك بالخير و يجعلها في موازين أعمالك الصالحة أن شاء الله ........ وأتمنى لك وافر الصحة والعافية.

=================================================================================================

أخوي سطام / مشكور على ردك وأنا راح غيرة بأقرب فرصة ...........

=================================================================================================

أخوي الفني / أشكرك على ملاحظتك وأنا فعلا غيرت الخرطوم الواصل من راس الماكينة إلى القربة لأن به تنسيم بسيط ..........

******************************************* هذا ولكم شكري وتقديري *******************************************************

منتصر
جزاك الله خير على الشرح الوافي فعلا كلامك وملاحضتك في محلها
والمثل يقول اسال مجرب ولا تسال طبيب يعطيك العافيه على الشرح الوافي لاخوانا الوافي2004

ماخليت لي شي اضيفة غير الشكر لك
بس عندي ملاحضة صغيره من خلال كتاباتكم
وهي عن القربه الخزان الجانبي لماء الراديتر اذا كان مليان احتمال كبير يكون غطاء الراديتر يحتاج تبديل او الخرطوم الواصل الى العلبة يحتاج تبديل يمكن يكون فيه تنفيس او قطع
تلاقي السيارة عند ارتفاع حرارتها تدفع الماء للخزان الجانبي ولكن عن التوقف تبداء المفروض انها تبتدي في سحب الماء من الخزان الجانبي ولكن اي تهويه او شرخ يخلي الماكينة تسحب هواء ولا يوصل الماء مرة ثانية الى الخزان لذلك ترى الماء في الخزان الجانبي باستمرار
شكرا لكم جميعا

وشكر خاص لمنتصر

اخووووي روووح اي كهربائي


وقوله يطلع البلف قبل لاتروووح عليك روووس المكينه اخوووي

وانشاء الله بتشوف لاطلعها كيف تنزل الحراره




اخوك سطــــــــــــــــام

الحراره لحد كده تمام معقوله بس لزم تغير الترمستات افضل

وبنسبه الى بلف رقم 75 او 85 والله الا اخبره البلف مادري اذا كان له رقم او لا انت يمكن تقصد السنسرة الحساس حق المراوح ممكن تخلي المراوح بدل ما تشتغل مثلا على درجه حراره 85 او 90 تشتغل على درجة حراره 75 لكن انا فكرة اسوي نفس الا قلته بس ادري انه رايح تتعبني بشتاء واذا الاوبل وصلت حرارته الى 90 دى عادي طبيعي اهي ماكينته المنيوم ولزم تسخن

واذا تبي نصيحته او لو انا مكانك كنت اغير فلتر الجير والجنزير حق الماكينه الا المفروض يتبدل كل 70 الف بس بنسبه لسيارتك ما ادري عن نوع الجنزير هل اهو سير عادي او سير حديد اسئل المكيانيكي المختص اذا كان الجنزير حديد ما يحتاج يتغير واذا عندك معيار خارجي لزيت تقدر تكشف عن حاله الجير قصدي لون وريحة زيت الجير اما بنسبه للا وبل عندي مافيه معيار خارجي يعني اذا اخت سياره مثل البي ام او الاوبل الا ماله معيار خارجي افضل شىء تغيره لانك ما تدري عن حالة الزيت حلى لو الجير تعاشيقه تماام

ولا تنسي تحض ماي مقطر ومايه احمر ايسدلكو وماي عادي لا تركب كلش

واي خدمه ثانيه اخوي الوافي انا بلخدمة

أشكرك أخوي منتصر على هذه المعلومات القيمة وجزاك الله خيرا ...........

أبشرك صيخت الرديتر واصبحت الحرارة ثابتة على (( 93 )) عند سرعة 140 والمكيف شغال ولما أقف تثبت الحرارة على (( 92 ))

وش رايك أخوي منتصر بالحرارة كذا تمام.

بنسبة لبلف الحرارة أنا راح أبحث عنه اليوم وإذا مالقيته راح أوصي واحد يجيبه لي من الأردن


بس وش رايك ايهم احسن بلف حرارة 85 أم بلف حرارة 75 ؟

ملاحظة/

اخوي منتصر كيف أخلي المروحة تشتغل عند 70 ممكن تقولي لو سمحت ؟

هذا ولك شكري وتقديري

أخوي الوافي الترمستات اهي الا يسمونه البلف اذا ما كنت غلاطان الترمستات اهي الا تنظم عملية دخول الماي الى الماكينه يعني وظيفته من ترتفع درجه الحراره الى حد معين اهي تفتح اهي مثل الصمام يغلق ويفتح اذا كان الترمستات خربان معناه ما يدخل المويه الى الماكينه حتى يبرد عليه اذا ارتفعة درجه الحراره

وبنسبه انك تقول القربه مليانه مويه دى معناه دورة التبريد عندك غير سليمه والمقصود بعملية التصيخ اهي تنطيف فتحات الرديتر الداخليه لانه دي الفتحات تتسكر اذا اهمل تنطيف الرديتر واي فتحته تتسكر تعكر دورة التبريد خصوصا اذا سرعه بسياره تشوف الحراره ترتفع بس اذا كنت بنتظام تسوي تنطيف للرديتر ما يتحتاج تسوي تسييخ لانك اذا استمرية بشكل دوري على تنظيف الرديتر بيكون الرديتر عندك نطيف وخالي من الشوائب بس اهمال الرديتر وعدم تنظيفه يسكر على المسام حق الرديتر وييخلي دورة التبريد ما تمشي سليمه لانه وجود الصدا والاملاح الا تعكر عمليه دخول وخروج الماي في دورة التبريد على شان كده انت من تسرع بسياره ترتفع درجه الحراره ومن توقف تنخفط الحراره دليل على وجود عوائق تمنع مرور الماي بشكل كامل انا عندي الاوبل اذا امشي فيه 180 درجه الحراره تنزل من 90 الى 85 واقل بعد والسبب دورة التبريد سليمه معاي وكل ما سرعه دورة التبريد يتحرك الماي فيه بشكل اسرع واي شوائب لو بسيطه تخلي الحراره ترتفع اهم شىء يكون عندك الراديتر سليم ونطيف والترمستات الا المفروض تغيرها ضروري


اما قصدي بمروحه الكلش اهي الا مثلا مثل الكابرس موديل 87 او 90 الا تجي فيه مروحه وحده بس وتشتغل مع الماكينه على طول ام مروحه الكهرباء تشتغل عندي اذا ارتفعه درجه الحراره الى 85 وتقدر تخلي المروحه تشتغل لو تبي عند 70 بس اهي طبيعيه خله افضل لانه وقت الشتاء ما بتفيدك وبضرك لانه الماكينه لزم تحتاج الى درجه حراره معينه

وسيارتك الراس ما فيه شىء سليم انشاء الله وبنسبه للاوبل صراحه حتى لو كان راس الماكينه فيه مشكله ما بتعرفه الا لين ينفك الراس بس اهم شىء صرفية الزيت عندك طبيعيه وما ينقص ولونه صاافي ولا فيه ريحة احتراق

والعادم تشوف ريحته طبيعيه او لا فيه دخان اسود او عادي

واتمنا اخوي الوافي اني قدرة افيدك وخدها قاعده مني اي سياره تجي من الماني لزم تغير فيه الترمستات الحراره والعوادم لانه فرق درجه الجو والمقصود ببلف الحراره اهي نفسه الترمستات لزم تغيرها وانشاء الله السياره تمشي معاك طبيعيه وعندي لك نصيحه لا تنسى سير الجنزير تغيره لانه دى السير خطير من يخرب يروح عليك الماكينه كل 70 الف تغيره

واذا بقية اي خدمه انا حاضر

مشكور خوي منتصر على الرد الجميل...........بنسبة للسيارة هي وارد الماني ومستخدمه لي أسبوع من شريتها وما مشيت عليها أكثر
من 120 كم / كحد اقصى ......... والصراحة أكثر من واحد قالوا صيخ الرديتر لكن أنا ان شاء الله بكرة الصباح راح أصيخ الرديتر.

بس ما ادري وش قصة بلف الحرارة اللي يقولون غيره من 92 إلى 70/75 ؟ هل له تأثير على الحرارة أم لا ؟

وبصراحة أول مرة أسمع بالترمستات لكن أنا راح اشيك عليها بكرة.

والمراوح اللي فيها 3 مراوح وكلها شغاله بس ماأدري وش تقصد بالكلش ؟

وانت ذكرت الماء اللي بالقربه > صراحة دايم اشوفة مليان ماأدري وش السبب ؟

ملاحظة/

عندما امشي بالسيارة والمكيف شغال والسرعة 120 الحرارة توصل إلى 100 وعندما أكون ماشي 80 تنزل الحرارة إلى 95

وعندما أوقف السيارة تنزل الحرارة إلى 92 .


لكن أخوي منتصر كيف أعرف أذا كان راس الماكينة هو السبب غير أرتفاع درجة الحرارة؟

واشكرك جزيل الشكر...............أخوك الوافي 2004