السلام عليكم .. ياشباب ناوي على البيجو 307 وعاوز آرائكم

أخ العزيز

إذا كنت 307 داخل مزاجك بالمرة لا تتردد ... أخذها وتوكل على الله .

والله يعطيك خيرها و يكفيك شرها مقدما.









تحياتي




عاشق الجولف

نصيحة لوجه الله تعالى ابعد عنها وخاصة القير الالي
وشكرا

والله ما اعرف عنه شي غير أنه بـ 1850 تقريبا ...والتركيب بـ250

ويركب على السطاب تمام يعني بدون ما تعمل تغييرات فيه

وطبعا موجود بالوكالة بالخبر

بسم الله
السلام عليكم شباب كيفكم وكيف الحر والرطوبه.
بدون زياده اشتر السياره
بالصراحه كنت متردد ولكن السياره تمام التمام ولله الحمد.
سياره ((طموحه))
وانشاء الله نقولك مبروك
...................................
اخوي القناص ابغى معلومات عن الزنون اللي تتكلم عنه
وتراني بسيهات فأرجو الاجابه
....................................
تحياتي للجميع
..............................................................

إذا تبي تبي ترتاح مع سيارة وما تصرف عليها كثير خذ لك كورولا بس يكون 1.8 ولاّ ما راح تستفيد لأن المكينة 1.3 أضعف من البيجو 1.6

ومكاين البيجو يعيبها القومة مرررة ضعيفة

وقماشات البيجو بـ 350

واليوم رحت الوكالة وأخذت منه "كور" وغطا المكينة اللي أسفل السيارة
وأتصدق أن قيمة الكور بـ75 وتركيبه بـ60 !!!!!! والكور أصلا ما يبيله خبرة ... التثبيته كله بمسامير كبس

والوكالة عندهم زينون 850 وتركيبه بـ250


بس الشي الزين في موديلات 2005 أنهم نزلوا طراز 307 بمواصفات أكثر من الطراز العادي وأحسن من الكوبيه

وأنشاء الله بصورها وبنزل لها موضوع

السلام عليكم ورحمة الله وبركاته

رسالتي هذه موجه الى اخي العزيز جورجيرو أرماني


اخوي بصراحه صدق العضو اللي قالك انت شكلك غاوي شقا

انت تنحاش من سياره حلوه وفخمه لكن قطعها غاليه

وتجي حق سياره في مشاكل كهربائيه وفيها مشاكل في القير ووكيلها ملعون وتقول ليش انت غاوي شقا الى غاوي ونص

بصراحه لو انك منك بعد تجربتي لساماكو ما افكر اقرب جنب بالبيد ولا الجميح لأن كل واحد اخس من الثاني

وبصراحه البيجو 307 والله سياره خاشه مزاجي والله يعلم اني كنت اقول اذا سيارتي المستقبليه ولكن يوم سمعت عن مشاكل الوكيل ومشاكلها الكهربائيه انقهرت ووالله حرام سياره بمثل هالجمال وهالمواصفات يأخذها هالوكيل الفاشل وتكون فيها هالمشاكل وخاصه في القير


اسمع اخوي بصراحه احس ان قلبي يحترق اذا عرفت انك تبي تشتريها
وب55000 تقدر عندك خيارات اخرى مثل الكورولا او السيفيك او المونديو او الصني او الفوكس

في النهاية اقولك اذا كنت بعت الباسات بسبة قطع الغيار فأنا اقولك انك راح تبكي في النهاية جنب البيجو 307 مثل ما بكوا اصحاب الأوبلات اوميقا بسبة الوكيل لأن الوكيل لحاله يكفي انه يشوه سياره مثل الصني بالسعوديه
شوف انتشارها وشوف انتشارها بقطر والأمارات وتعال بعدين قلي ليه


واتمنى ما تزعل من كلامي لكن هذي نصيحتي

والسلام ختام

ومشكور للأخ ان سينك على رده " معليش شفته بعد انا ما رديت, وكويس طمنتني انها تستحمل الكرف لأن مشاوير بيتنا الله يعيننا عليها ...

مشكور اخي Mohd على النصائح وماتقصر والله, وان شاء الله راح اشتري السيارة وماراح انساك من الدعاء ..

اجل غيروا لك الكفرات على الضماااااااااان؟ |72|
اي والله صدقت وخاصة في هالنقطه....

انا اقول لك احنا 4 اخويا مجربين البيجو وكلنا معانين نفس المعاناه....

وانت تقول جاركم ؟:)

الله يصلحك رح اسال جاركم وتعال كلمني بسرعة ...

تحياتي :)

S8 إتقي الله فيما تكتب .. ياخي تجربتك السيئة مع وكيلك ليست بالإلزام أن تكون نفسها مع غيرك.. بالأصح قد يكون الوكيل سيء ولكن ليست السيارة ! بل إن السيارة نجحت على أعلى المقايس وهذا ليس تحليلي وإنما تحليل مجلات السيارات العالمية وكانت تنافس مثيلاتها مثل Bm 530 وال Audi A6 .. !

جاري عنده وحده موديل 2001 ولحد الحين زي الفل, الحجة يا اخوي في طريقة الاستعمال وليس المنتج المستهلك ,بعد متابعة لمواضيعك وإعترافاتك الشخصية وتوقيعك الجميل يدل على سوء الاستعمال وإسمحلي لا تزعل ! ولا شو اللي يكسر ((((( طفاية السجاير ))))) اربع مرات ؟؟؟ وهذا غيض من فيض.. السيارة 607 أعيد واقول ما عليها كلاااام .. شخصية ولا أروع وتجسد جودة وفخامة الصناعة الفرنسية.

أما بخصوص 307 .. ياخي هذه نسخة مصغرة من 607 .. ما شاء الله مواصفات لا تجدها الا في الفئات الاولى من السيارات الفخمة وسأذكر بعضها :

1- ستة وسائد هواية اثنتان منها في الامام واثنتان في الخلف وإثنتان على شكل ستائر جانبية.
2- مساحات أتوماتيكية , أي انها تحتوي على سنسر يعمل على حسب تسارع سقوط المطر أو على حسب تسارع السيارة وعلى كيفك أنته تريده يكون على أي وضع.
3- الاضاءة الامامية تعمل أتوماتيكا عند الظلام وذلك لوجود سنسر في الامام يستشعر الظلام ( الانفاق,الليل, جو غائم )
4- جير تيبترونيك من بورش.
5- جميع القزازات تعمل بلمسة واحدة سواء للاعلى او للاسفل.
6- تسطيع إغلاق القزازات وفتحة السقف عن طرق الريموت كنترول.
7- ABS + EBD قياسي.
8- سيدي تشينجر ( مبدل إسطوانات cd ) خماسي + TAPE .
9- المراية اللي فوق الراس ( وش اسمها ) تمتص الضوء القوي الآتي من الخلف أوتوماتيكيا.
10- لديها نظام إشارات الخطر الاول في العالم والذي يعمل عند ضغط الفرامل بقوة وبتسارع سريع للوقوف.
11- كشافات ضباب امامية وخلفية.
12- 6 سماعات
13- مقاعد نصفها جلد ونصفها قماش وهي مريحة جدا في جونا الحار.
14- تكايات جانبية.
15- المرايا الجانبية تنحني جانبيا عند إغلاق السيارة.
16- مكيف أتوماتيك يعمل بنفسه حسب درجة الحرارة المخزنة من قبل السائق وذلك بالمقارنة مع الجو الخارجي.
17- عجلات 17 و 16 .
18- أوسع سيارة في فئتها على ذمة مجلة أوربية فهي تساوي تقريبا وسع الاودي A4 .
19- مريحة وممتعة في المسافات الطويلة خصوصا والثبات أحلى ما فيها.

نصائح قبل الشراء..

خذ 2.0 ولا تاخذ 1.6 لأن عزم الثانية ضعيف.

إشترط على رجل المبيعات أنك سترجع السيارة إذا تبين ان بها أي عيب بالأخص الرجفة الخفيفة في عجلة القيادة عند سرعة 120 طبعا لما يشوف انك متشرط وهو يبي يبيع بيجيبلك احسن ما عنده ...

وانا عندي وحدة موديل 2003 ماشية أربعين الف .. بدلت خلالها الاطارات الاربع على حساب الوكالة بسبب الرجفة, وبعض المشاكل البسيطة وكلها على الضمان

والله يعطيك خيرها ويكفك شرها ... بخصوص اللون أنصحك في الابيض أو الفضي الغامق ..

السلام عليكم جميعا.
الاخ جورجيو أرماني

انا عندي بيجو 307 موديل 2004 (مثل اللي في توقعي ) عندي مدة لا تزيد عن 3 شهور. وانا من النوع اللي ما يطلع كثير يعني ما مشيت بها واجد.

الاحظ اكثر الشباب ردو بس ما حد جاوب اسئلتك عن المواصفات.

البيجو فيها نوعين مكينه 1600 سي سي و 2000 سي سي
والكراسي ما تجي جلد كامل. في موديل الفل اوبشن ال 2000 سي سي يجي الجلد جانبي في الكرس وفي الوسط مخمل.
والفرق بين الفل اوبشن والموديل الثاني فتحه السقف. والجنوط تجي اكبر . ومثل ما قلت لك الكراسي. وايضا المرايات الجانبية تتسكر اوتوماتيك لما تفقل ابواب السيارة بالرموت.

العيوب مثل ما قالك الاخ عاشق الجولف.

مثل ما قلت لك بصفة ان سيارتي ما مشت كثير ما عندي خبرة في الصيانة والقطع الغيار.


اذا انت مقتنع بالسيارة اخذه ولا تتردد.

لكن السيارة تحتاج لعنايه.

الرأي النهائي لك


واي استفسارات احنا حاضرين. |370|


تحياتي|3|

أنتظرني .. لي رجوع للموضوع ورد منقش بالحجر بالنسبه للبيجو 307 والمونديو ..
..
ولكن الأن مشغول ببعض الأمور ..
..
تحياتي

شكلك راغب في البيجو مرة ...

اذا كانت السيارة عاجبتك توكل على الله واشترها ....

والله يعطيك خيرها ويكفيك شرها

ماادري بس الحاج حسين على ما اعتقد برضو وكيل للفورد.

بالنسبة لصيانة البيجو فالحق يقال فكل ما سالت واحد قالي صيانتهم زفت وهي أكبر عيوب السيارة, انا سالت ناس كثير وسالت واحد من الشباب عنده بيجو 206 الكشف ( والله مدري هي 206 والا كم ) مشتريها تقريبا من سنتين الا شوية ويقول الحمد لله ماعانى منها من مشاكل الا أقمشة الفرامل كل شوي يبغالها تغيير.

بالنسبة لنظام الإيجار المنتهي بالتمليك فحد الله بيني وما بينه لأنه حرام شرعا, مو ناقص أخذه حتى ربي يبتليني بالسيارة وتطلع لي مشاكل لا حصر لها بسبب إني خالفت شرع ربي .. أكيد ربي حيعاقبني,, خليني في السليم أحسن لي دنيا وآخرة.

اما المونديو أخوي S8 فمع الأسف سعرها كذا غالي علي, مو حلوة أخذ سيارة مجهزة تجهيز وسط ب 59 الف, اخذ لي مازدا 6 ارجل لي ( بس مع الأسف ولد خالتي عنده وصارت منتشرة ) .. قلت لكم ياشباب افهموني الميزانية 55 ألف .. زي كذة راح أفاضل بين الكورولا والسيفيك والبيجو 307, طيب ما أدري كيف المازدا 3 الجديدة ؟ ياريت أحد يعطيني تفاصيلب أكثر والله محتار >_<

اخي الحبيب ....
* وكيل الفورد هي توكيلات الجزيرة ...وليس الحاج حسين وكيل ميركوري
* غلاء اسعار سيارات بي ام دبليو لان السيارة غالية ومن يشتريها اكيد عنده فلوس لذلك اسعار قطع الغيار نار اضف الى ذلك انها الماني ..ومن الصعب مقارنه اسعار الهونداي بقطع البي ام لان وكيلها كلها هو الناغي ...اسعار قطع الهونداي جدا متوسطه .
* قطع غيار البيجو انا اعتبرها جدا رخيصة وتقريبا اقل من نيسان .
* العيب المصنعي في الباسات حق الزجاج تعدل من عام 2001 لكن هالمشكله مازالت الى الان تعاني منها بيجو ويجب تغيير المكينه كل سنه بالكثيييييييير لانها بلاستيك .
*سيارات بيجو سيارات ناعمة الى ابعد الحدود ومدلعه .
* سيارتي جلست في الشركة 20 يوم ...واول مادخلتها للصيانه قال لي المهندس ما تقدر تستلمها الا بعد 20 يوم لان عندهم ضغط وانا وافقت.
*اعرف ناس كثييييييييير عندهم بيجو وكلهم يشتكون منها ومن صيانه الوكيل .
*الــ307 مشاكلها تنحصر في (القير)(كمبيوتر القير) (ظفيرة الكهرباء)(عيب مصنعي في الابواب الخلفية لا تفتح بالشكل المطلوب)(عيب في احزمة الامان) .
*توقع اي وقت تخرب عليك السيارة ...تعطيك علامة تشيك او مشكله في المحرك او مشكله في الالكترونيات وخاصة اذا السيارة كانت واقفة لمدة اسبوع او اسبوعين دون حراك .
*انا انصح انك تاخذ السيارة بنظام الايجار ..فلو لا سمح الله السيارة تعبتك خرابات تقدر ترجعها للشركة وترتاااااااااح.
* انا لو اشتري الان بيجو مثلا سأشتريها بنظام التأجير لانها اول ما تبدا تخرب كثير وتتكرر مشاكلها على طوووووول ارجعها ولا لي ولا علي .
* المونديو سيارة جدا ممتازة ورااااااااااااسية وسعر الموديل الوسط منها بـــ59 الف تقريبا ..قير اوتو . ريموت ومكيف اوتو..وجنوط وكشافات.
*السيارة الان عند خويي من 10 اشهر تقريبا وهي مخصصة لمكتب تأجير ومع ذلك السيارة لم تدخل للشركة الا مرة واحدة فقط ..صيانه 20 الف فقط ويوم واحد فقط والسيارة جاهزة .
*نصيحة اخ ...فكر في المونديو حتى لو ستاندر بـــ49 الف ريال ولا تاخذ بيجو وانت حر ...لكن بعدين تذكر نصيحة اخوك S8 اذا ندمت وقتها .
* انا الان ندمان على بيجو وحابيعها ان شاء الله عما قريب جدا بس الان السيارة في الصيانه ..بس تخرج وتلميع ساطع واقرب معرض .
* سلااااااااااااام :)

أخ S8 معقول صيانة 20 يوم ؟ ماتجي هذه ولو سيارة فيها مشاكل الدنيا كلها ماتقعد 20 يوم, يمكن هم كان قصدهم يعطلوك والا شي او انهم خربوا سيارتك فمو عارفين يصلحوها وقاموا يأخروا فيها لين 20 يوم .. والله مشكلة من جد لو بدالك قسم بالله ما اسكت واروح اشتكي لوزارة التجارة ..والله ما ادري بس يمكن ال 607 مختلفة وتحتاج شغل أكثر, خذ مثلا على ذلك انا لمن كنت اودي الباسات لساماكو كنت احط السيارة واشوف جيب طوارق في مكانه لسة شغالين عليه او ما بداو أصلا لأنه ممكن يحتاج قطع غيار غير متوفرة حاليا او شي من كذا لكن الباسات يومين وسلام عليكم .. وكذة ايضا ينطبق على البيجو ... اخوي S8 ياريت لو تجيب لي معلومات عن ال 307 وعن ناس يمتلكوا السيارة فعلا ... شوف مثلا انا عندي مشكلة قالوا لي عليها ان كل قزاز الأبواب حق الفولكس واجن يطيح من حاله فجأة وبدون مسببات, الشنكر حق القزاز يطيح من حاله وتصليح ب 900 مدري ب 700 ريال .. كثير سمعت عن هذه المشكلة بس ولله الحمد والشكر ماصارت معي على الباسات لذلك مو بالضروري المشاكل الي عندك تظهر في ال307 ... بالنسبة للمونديو ابغى اعرف كم سعرها واش العروض الي عليها وايش هي مواصفاتها ... ياريت تسعفوني بسرعة لأني مستعجل شوية وألف شكر لكم ..

الأخ حارش مارش:
غالبية كثيرة قالت لي لا تاخذ الباسات والله تعبان والألماني فيه ووو إلخ, اقسم بالله الباسات سيارة من جد ممتازة وآخر حلاوة, قوة تحمل وانسيابية وفخامة,, عيبها الوحيد القطع الغالية والصيانة بس وحرامية ساماكو, غير كذا سيارة من جد تمام التمام, انا بعد ماسالت عن البيجو رأيت قطع غيارها ماتقارن بالباسات, شاشة كمبيوتر الباسات اذا تبغى تغيرها هذي لحالها ب 2600 ريال !!! ايش الكلام الفاضي هذا !! اقسم بالله اشتري لي تلفزيون شاشة 29 بوصة ماركة سوني بشاشة مسطحة وأفضل موديل بهذه الفلوس.

وإن كان على الهيونداي سوناتا, يارجل اتقي الله !! تبغاني احول من أوروبي لكوري ؟؟ ومن باسات لسوناتا طقة واحدة !! الهيونداي سوناتا أولا سيارة من جد ماتدخل المزاج, لا مواصفات ولا فخامة ولا حتى وان كنت انت جربتها لمدة " شهر " فانا ايش الي يضمن لي انها بتمشي معاي خمس سنوات قدام ؟؟ ثانيا انت شوف مين وكيل الهيونداي, الناااااااااغي, معروف انه أكبر لص في قطع الغيار شوف حقين ال Bmw كيف متعذبين منه, وان كان على الفورد مونديو, فانا سمعت انها جيدة, وياريت تعطيني بعض التفاصيل عنها مثل المواصفات والسعر لعل وعسى يكون فيها الخير, بس احب اقولك ان وكيل الفورد هو الحاج علي رضا, وعاد هذا في المرتبة الثانية بعد الناغي عل طول, كان عند الوالد مازدا Mpv العائلية هديك .. قسم بالله قطع غيار ناااااااار. سبق وقلت لكم ياشباب انا ما اخترت البيجو 307 إلا لأسباب وشروط معينة .. يعني بالله أخذ هوندا سيفيك والا كورولا والا كيا كلارس والا بيجو 307 ؟؟؟ عموما مشكور أخوي على نصيحتك وياريت تزودني بسعر ومواصفات المونديا ولو اني عارف انها غالية ...
وبالنسبة لتعامل الوكالة السيء فلا تخاف متعود من الساماكو يعني نو بروبلم.

ومشكور أخوي..
اخي عشاق القولف :

هلا بيك أخوي, ومشكور على ردك, بالنسبة للجير فكل الموديلات يا جير عادي أو تيبترونيك يعني مافي أوتوماتيك لحاله ؟؟ وبالنسبة للأنوار ممكن تقول لي ايش السبب في انحراقها وكم قيمة اصلاحها ؟