مشــــاكل الاكورد

[سيارة]

السلام عليكم ورحمة الله وبركاته

كيف حالكم يا شباب

ودنا نتكلم مع بعض عن مشكلة الاكورد2003 الي ما راح تنحل

طبعاً المشكلة هـــي الفحمــات

اتعبتني فحماتها بالمرة والي اتعبني زيادة وكيلها الزفت ابـــو ناهش

طبعاً عندي عيوب غير الفحمات مثل :

صوت صفيرة خفيف لما امشى بالسيارة من سرعة 80 _110 وبعدها يختفي الصوت.
وغير كذا صوت ديكور الابواب وخاصة باب السائق ازعجني ازعاج لما امشي فى شارع هادي وارقى مطبة خفيفة يطقطق الديكور بخفيف

والخافي اعظم


يالله يا شباب عطونا الي عندكم

تحياتي لكم ,,,

[M.S.2]

اخوي كم مشت سيارتك ..
بس انا مااعاني من مشكلة الديكور ابدا ..
اما الفرامل في كل السيارات اصوات لازم اصلاا يطلع يمكن يدخل تراب خفيف او مويه تتطلع هذي الاصوات ..
تحياتي
عاشق مكس

[**الأكوردي**]

والله غريبة يا أخي سيارة
كل اللي ذكرته لا يوجد في سيارتئ ولله الحمد

ودي أسألك هل أنت من هواة السرعة والمطارحات ؟ إذا الجواب نعم فإحتمال أن الفحمات استهلكت بسبب استخدام الفرامل بقوة أو استخدامك لل ABS بشكل متكرر

المشكلة الثانية أغرب من الأولى بالنسبة لصوت الديكور أنصحك انك توديها فورا للوكالة ولا تستلمها إلا بعد ما يسوها وإذا لزم الأمر اذهب إلى مدير الصيانة وتأكد أن الحق معك . فعلا شي يقهر الواحد

M.S.2 مبروك السيارة ... لا علاقة بالمشكلات التي ذكرت بمشي السيارة طالما أن الصيانة في الوكالة تكون بشكل دوري وهم يعلمون متى يغيروا الفحمات

ابونايف9999
مع التحية

[مستشار التفحيط]

مشكوووور يا الغالي
تحياتي لك
اخوك
مستشار التفحيط

[الجنرال]

السلام عليكم

انا اعرف كذا واحد عندهم اكورد 2003 و 2004 و الكل مرتاح منها على الاخر

[Rami]

أخوي سيارة عندي سؤالين لك و انشاالله بتنحل مشكلتك ؟
1- هل سيارتك جنوط ولا طوس؟
2- هل مركب تظليل على سيارتك ؟

يا ريت تجاوبني علشان أفيدك ... تحياتي !

[خــالـــد]

كاتب الرسالة الأصلية سيارة
السلام عليكم ورحمة الله وبركاته

كيف حالكم يا شباب

ودنا نتكلم مع بعض عن مشكلة الاكورد2003 الي ما راح تنحل

طبعاً المشكلة هـــي الفحمــات

اتعبتني فحماتها بالمرة والي اتعبني زيادة وكيلها الزفت ابـــو ناهش

طبعاً عندي عيوب غير الفحمات مثل :

صوت صفيرة خفيف لما امشى بالسيارة من سرعة 80 _110 وبعدها يختفي الصوت.
وغير كذا صوت ديكور الابواب وخاصة باب السائق ازعجني ازعاج لما امشي فى شارع هادي وارقى مطبة خفيفة يطقطق الديكور بخفيف

والخافي اعظم


يالله يا شباب عطونا الي عندكم

تحياتي لكم ,,,

وانا أشهد الخافي أعظم حرام واحد يضيع فلوسه في الأكورد وبالأخير يقل مادحوها ويكثر ذاموها الله يكون بعونك 000

إقروا توقيعي وبس

خـــالـــد

[خالع وسكن والـع]

^
^
^
ترى المنتدى الامريكي تحت..

وصدقوني والله ان مشاكل الاكورد اللي تقولون عنها عادية جدا جدا..لكن المسالة ان العالم تدقق وتخاف على السيارة من اقرب صوت..طبعا هالمشاكل بالنسبة للومينا ولا شي لان راعيها يبتل يسمع اصوات الين تطيح المكينة ولاينكسر القير ولا هالمشاكل..


اجل بالله واحد يقارن مشاكل الاكورد باللومينا...يالله لك الحمد...




تحيااتي...