تجربتي بعد 3 سنوات مع قير CVT

طبعا حرية شخصية لي بخصوص جي دي باور :27:

ولا أتوقع موقع consumerreports.org وضع لاشهار بعض الاسماء وأن كان فيه بعض الاشياء قد لا اخذها لكن فيه اشياء كثيرة منطقية جدا ومكتوبة بالاسباب وأعتقد تعرف جيداً مامعنى كلمة .org في روابط النت

ومعليش تتكلم من جدك بخصوص أتفه سيارة دفع أمامي مع قير CVT توصل مستوى سوبارو؟ علشان مسألة انه سواق؟!

أفا شكل التعصب أعماك أخوي السكوت أرحم! الحين وشلون تقارن أتفه سيارة من نيسان وبدفع أمامي! بأي سيارة من سوبارو؟ من متى نيسان عندها سيارة كروس أوفر عندها قدرات مميزة بالطرق الوعرة الخفيفة؟

نيسان أكستريل/روغ وباثفاندر هذي السياراتين عنها نظام Selectable AWD ومافيه شيء مميز بنظام الخاص بنيسان على قفل وسطي فقط مع نظام منحدرات!

سوبارو عندنا نظام Full time AWD وليس ويعتبر أفضل أنظمة الدفع الرباعي بفئته بين كل الماركات الغير فارهة! أضافة أن فيه نظام X-Mode وهو نفس عمل نظام تويوتا A-TRAC تماما أو نظام نيسان ABLS أضافة ان نظام X-Mode مدمج معه نظام النزول من المنحدرات وفيه نظام صعود المنحدرات منفصل عنه أساسي بمعظم الفئات حتى فئات السيدان! ولا سيارة كروس أوفر من تويوتا أو نيسان عندها هذا النظام في سيارتها

على طاري مقارنة دفع أمامي مع دفع رباعي

انت ذكرتني الي معه هايلكس غمارة دفرنس يقول أنه يقدر يروح كل الأماكن الي يقدر يروح لها اللاندكروزر! مثال بسيط بأفتخار كأنه يقارن الحمار (وأنت بالكرامة) بالخيل أنهم نفس بعض! فأتمنى عندك شوي منطق عزيزي

أعرف جيداً أن السواق له شغل كبير بالموضوع ومبدأك هذا صحيح بس لا تقارن بين سياراتين مافي مجال مقارنة بين بعض بالقدرات والأمكانيات! على اساس ان لما تعطي السيارتين مختلفتين الامكانيات بشكل كبير لشخصين متقاربين جدا من ناحية المهارة أنهم بيعطونك نفس النتائج!

وبخصوص أن سوبارو أغلى من قطع بورش أقولك كيف حالك طيب؟! معظم قطع سوبارو حول قطع هوندا عدى الأسطبات الامامية حقت سوبارو للاسف دلاخة الوكيل يبيعها طقم كامل بالزينون والي فيها تنظيف الزجاج وظفيرتها كاملة لكل جهة لوحدها مع كل شيء ولا يبيع الاسطبات منفصلة

أذا كنت جاد بكلامك أنه تقدر تقدم ماتقدمه سوبارو

فأعطني مثال حي من نيسان ودفع أمامي وقير CVT يمديه يسوي زي كذا

https://www.youtube.com/watch?v=cBaUCHiJxxs

نظام X-Mode موجود في جميع سيارات الكروس أوفر لدى سوبارو حاليا بلا أسثناءات وتم أضافته مؤخرا في سوبارو XV 2018 الي تنافس جوك/كيكس وللحين هذي ماعندها حتى دفع رباعي على ما اذكر

والصورة الباثفاندر الي فوق مهب صعبة جدا النزول على احد إلا لعديم الخبرة في الدفع الرباعي

أخشى أن سالفة قطع الغيار مع بورش أغلى وهذا الاقتباس


يوضحلي مدى تعصبك لنيسان عموما مو أول مرة اشوف مثل هذا النقاش عزيزي

أولا سوبارو هل عندنا بيك أب؟ هل نافارا تفوق على هايلكس في أختبارات السلامة Euro NCAP علشان تبحث عن الهايلكس وتترك النافارا؟
فخلك منطقي شوي ولا يعميك التعصب فالكل يعرف أن شركة ديميلر أعلنت الشراكة العالمية مع رينو-نيسان عام 2010 فاشكرك على الاقتراح البايخ :1::

ومعليش أنا مجرب ليجاسي وفورستر وWRX موديلات 2015 عن اي موديلات تتكلم عنها مثل قساوة الشاص تحديداً إلا أذا كنت تتكلم من فراغ؟!

اشكرك اخوي السكوت ارحم على هذا النقاش الي احس انه ماله فايدة مرجودة عدى رؤية مدى تعصبك في بعض النقاط :47:

اعترافك بجي بور اولا لا هذا شى راجع لك ولك الحرية الشخصية فيه

وكذلك موقعك جيد لكن ليس بمصدر ايضا لو اخذنها بجانب ان المواقع تسعى لأظهار اساميهم للشهرة


ليس بشى طبيعي فسر لي اكثر ( وبخصوص مستوى الرضى في consumer reports لنيسان منخفض جدا ومبيعاتها عالية شيء طبيعي!!! ) ليس شى طبيعي دام رضا سوبارو اعلى منها وتبيع اقل منها معنى الكلام اللي فهمته ان عادي سيارة سيئة تباع واجد والسيارة ممتازة لا تبيع بكثرة

لو اخذنا بجانبك كلامك هذا

( وأعتقد حصول سوبارو على المركز الرابع كأعلى سيارة يابانية حصلت على هذا التقييم الرضى ما أعتقد أنه صار عبث! يكفيني نظام الدفع الرباعي الفريد من نوعه وهندسة التصنيع فيها )

اجيب اتفه سيارة من نيسان سحب امامي وجير cvt تقدم مثل ماتقدمه سوبارو



وعندك شركة جيب وتويوتا ونيسان مهب سيارتين رالي وباقي سياراتهم دفع رباعي رشحتها انها افضل دفع رباعي

السنة هذه تويوتا قدمت رالي باليارس ودفع رباعي واخذت المركز الأول





60% من قدرات الدفع الرباعي تكون من السواق وليس من انظمة الدفع

صحيح واذكر جيدا انك وضعت تسعيرة لاسعار القطع الغيار وطلعت سوبارو اغلى من قطع غيار بورش


في النهاية مرسيدس اخذت منصة نيسان بالدفع الرباعي كان المفروض يتم استشارتك من قبل مرسيدس لاخذ منصة سوبارو


سوبارو سياراتها ممتازة لكن وش الفايدة اخذ سيارة قساوتها تعادل قساوة تويوتا شاص

اشكرك ابو اسد

1- موقع جي دي باور لا اعترف به

2- الثاني موقع اخبار, لا أقصد اني لا اريد تصديقه لكن اريد مصدر أفضل.

ولو نكتب باليوتويب أي شركة CVT مع كلمة مشكلة مع اسم الماركة بنحصل نتائج واجد.

وبخصوص مستوى الرضى في consumer reports لنيسان منخفض جدا ومبيعاتها عالية شيء طبيعي!!!

بسبب ان شفروليه تاهو أعلى سيارة مبيعاً في فئته رغم ان نفس الموقع أخذ تقييم أسوء سيارة من ناحية الاعتمادية بفئته! والسبب كله علشان مسألة الأقتصاد بالوقود عزيزي السكوت أرحم

وأعتقد حصول سوبارو على المركز الرابع كأعلى سيارة يابانية حصلت على هذا التقييم الرضى ما أعتقد أنه صار عبث! يكفيني نظام الدفع الرباعي الفريد من نوعه وهندسة التصنيع فيها

وعلى فكرة مافائدة ضمان أمريكي طويل الأمد الخاص بنيسان (رغم انخفاض الرضى للماركة) أذا نحن العرب لم نفستفد منه شيئاً أو بالاصح لم نستفد من وكلاء عندهم أهتمام بسمعة الماركة ورفع مستواها أو الرقي بالتعامل حتى؟!

مقصدي كله بالموضوع أني فقدت ثقتي وأهتمامي بأي سيارة من نيسان قيرها CVT

شراء البدائل الـ CVT أو الغير CVT أصرف لي وهذا وجهة نظري الشخصية

وشغلة مهمة اذا تبي تصدقها أو ماتصدقها لكن اسمعها :1::

اشتري من سوبارو ولا أشتري من نيسان! رغم معرفتي جيدا أن وضعها أسوء من السيء لكن اثق بقيورها وجودتها بشكل عام أكثر من قيور نيسان وجودتها

قول انه عشق لسوبارو أو ماشابه لكن قيور نيسان CVT تستريح مالي رغبة بتجربها :47:

اللي يبي يبحث عن ضمان نيسان 10 سنوات او 120 الف ميل
ايهم يأتي اولا ،،


http://www.nissanassist.com/ProgramDetails.php?menu=2

http://www.nissanassist.com/web/home/index.php?menu=1

اتمنى نيسان تطبقها باسواقنا هذا الضمان ، مع العلم حتى لو طبق هذا الضمان باسواقنا يجي من البعض يسميه مقلب او فاشل هذه نسبه الرضا ابو اسد

حتى لو كان القير تروس اي خراب يقولولك غير القير
صاحبي وضب قير اوريون (في ارخص محل لقاه وهو 7 الاف ريال !!) وبعد عشره شهور الثالث مايعشق استشارني ونصحته بان يغير
الحساسات فقط راح الورش قالوله توضيب وراح افضل مهندس قيور في جدة وقاله توضيب يبغى يبيع عليه قير لكزس es يمشي بضاعته!!! اصريت عليه قلت حساسات لان فتره عشرة
شهور مايمدي الكتلاشات تحترق ولاهو راعي مطارحات ودعس ولا مشى عليه كثير
وداها في ورشه وجرب الحساسات وغيرها ب1500 ريال واشتغلت
والوكالات اخس واخس عبداللطيف جميل ينزلون لك القير للكشف فقط ب3000 الاف ريال (كشف وليس اصلاح !!))

نبدا هنا ابو اسد كم مشكلة تعاني منها CVT


‏https://youtu.be/QHzpm4JxJ9o

وهذه اخرى

‏https://youtu.be/B_1Hv8PY8Ms

وكذلك

‏https://youtu.be/h-_Gtd2vhEM

وهذه هوندا

‏https://youtu.be/HvzxQ0f4frI

‏https://youtu.be/L5_IEGC9jls


نروح لرضا العملاء

http://www.jdpower.com/cars/articles/jd-power-studies/2017-us-customer-service-index-study-results

وهنا معدل الرضا والاعمار لشراء سيارات نيسان

http://www.autoremarketing.com/retail/how-nissan-infiniti-drive-cpo

موقعك جميل لكن يذكر مدى رضا العميل وليس المشاكل او العيوب المصنعية مع العلم موقعك ذكر بالجدول هل تشتري من الشركة مرة اخرة

مع ان في رد سابق لنيسان انهم يحاولون ارضا جميع العملاء ولاحظ هنا العملاء سواء رجال او نساء شباب او كبار بالسن واكيد بيكون الرضا مختلف واللي يكونون غير راضين بالسيارات نيسان اللي اعمارهم كبيرة بالسن وكذلك الشباب تبحث عن المحركات الاقوى منهم !!!

ونيسان الفترة الحالية غيرت بعض انظمة سياراتها مثل الالتيما كيف كانت وكيف اصبحت من سنة 2013 وعندك السنترا 2013 اشكلها غير رياضي بعكس موديل 2012 وانت نازل

حتى بقوة المحركات صارت نيسان تنزل سيارات محركات ضعيفة
والاغلبية غير راضي على الشى هذا من يوم طلعت نيسان باسم DAT والى هذا اليوم محركاتها قوية لكن محركاتها الضعيفة انا من الناس اللي غير راضين بالشى هذا من نيسان


هذا واحد من اخوياي المقربين من الناس اللي اشتروا افالون 2011 اول مانزلت للسوق وشرها من الشورى اللي هو تبع وكالة عبداللطيف جميل ملاصق لوكالة تويوتا البازعي بالنسيم هذه الصورة اول يوم استلام للسيارة في اواخر 2010 السيارة استمرت فقط 5 شهور وظهرت مشاكل طقطقة بالمحرك والجير والمحرك مايستقبل الا زيت ابو 10 الالاف ولا تطقطق المكينة
وهذه اخر سيارة يشتريها من تويوتا وطلقها ماعاد شرى منهم

هل برايك اني بمشي من كلامه واقول تويوتا مكاينها تطقطق مع العلم ان الاوريون و الافالون عندهم مشاكل بالجير الانكسار بس ماراح امشي بكلامه ولا كلام اللي سمعته لكن الولاء هو من يخفي الحقيقة يبو اسد ولا مشكلة جير لاندكروزر تصريفته تشحيم الدفرنس ب 10 ريال

‏

‏


ملخص الكلام ابو اسد

رغم موقعك يذكر احصائية رضا الناس للشركات ونيسان رضاها زفت تكرم لكن استغرب كثرة الشراء لنيسان بالسوق الامريكي وهذا يحتاج الى تفسير من موقعك !!!


لكن الرجل اللي ذكر اني اتفي الله ، لم استهتر بولدك الله يشفيه ويعافيه لكن كان ردي ان الشركة غير مسؤولة عن انكسار الجير فقط


وضمان جير CVT في نيسان لمعظم الاسواق وخاصة امريكا هو 10 سنوات

للمعلومة طقة اللي صارت بهوندا و سوبارو جين نيسان مايقطق مثلهم

كثر الكلام مامنه فايدة
قير CVT نظام فاشل في اي شركة تضعه سوا نيسان والا غيرها واي احد ممكن يتعرض انه يخرب في اي وقت ماهو متوقعه ولعلمك الزيت محافظ عليه اول بأول ومن الوكالة يتم التغيير

الكلام هنا انه اذا خرب القير ماله حل الا استبدال لو تطلع لسابع سماء ماله حل مثل غيره يتوضب او تستبدل قطعه

ولعلمك تم استبدال القير تبع سيارتي من التشليح وكلفني مبلغ وقدره واصحاب الورش نصحوني قالوا لاتأخذ سياره قيرها CVT الا اذا ودك كل شوي تستبدل القير اذا خرب وقالوا كثير مروا علينا مثل حالتك واستبدلوا القير من التشليح

نرجع ونقول نظام CVT فاشل بإمتياز من ناحية الصيانة والا الاستخدام مريح وممتاز لكن يجب ان يضعوا حل لصيانته والا تتحمل الشركات اللي تركب هذا القير انها تغيره في حال انه خرب وضمان مدى الحياة .

وبالنسبة للولد معاق الله يشافيه ومريض سرطان كان نايم بحضن امه وتحرك رأسه لاإراديا وضرب عصا القير

اتق الله ولاتجلس تتفلسف من راسك وانت ماتدري عن ظروف الناس

ليس لأني مغرم فقد في شركة سوبارو بدأت بعدم الاعجاب بقيور CVT الخاصة بنيسان

بحسب ما أرى في أستدعاءات متعددة لقيور CVT الخاص بنيسان أكثر من غيرها

قد تكون كمية المبيعات على كلامك هي السبب لكن هنا نسبة الرضاء للماركة نيسان ضعيفة جدا مقارنة بأي شركة أخرى حتى انها أكثر مبيعات من سوبارو لكن شوف الفرق الشاسع بين الماركتين ولا نروح بعيد شوف تويوتا وين ووين نيسان رغم أني أشوف أغلب سيارات تويوتا لا ترضي متطلباتي لكن نسبة الرضاء أعلى بكثير من نيسان! أكيد فيه شغلة بالموضوع

http://www.consumerreports.org/car-r...-satisfaction/


نشوف هنا ليس نيسان باثفاندر كانت ضمن قائمة 10 سيارات في consumer reports وهذا رابط أنها ضمن قائمة أسوء 20 سيارة في الاعتمادية وشوف السبب



http://www.newsday.com/classifieds/cars/consumer-reports-least-reliable-new-cars-include-the-fiat-500l-jeep-cherokee-and-nissan-pathfinder-1.11016600


واحد من زملائي شراء مكسيما موديل 2010 على وقتها والظاهر ماكمل مابين 6 أشهر إلى سنة وتخلص منها بسبب وداها للحمراني كم مرة لمشكلة في القير CVT ويقولون له طبيعي حتى واحد من حقين الورشة خلاه يجرب مكسيما أخرى ليقتنع انه طبيعي ليكتشف أن السيارة الأخرى مافيها نفس المشكلة؟! وزميلي نيساني حتى النخاع أمتلك نيسان كم مرة بعد سالفة المكسيما باعها وطلق نيسان بالثلاث!!!! الان الاخص صار تويوتاوي وكان صدمة بين أقربائي كلنا أنه كان متعصب جدا لنيسان وأصبح من محبي تويوتا ككل؟! كل هذا بسبب مقلب أكله مع القير CVT

انا قابلت كثير من ملاك سوبارو سواء بأجتماعاتهم وغيره ونادر جدا من أراه يذم السيارة كل الموضوع أنه يذمون وضع سوبارو فقط بعكس نيسان لازم تحصل من يذم نيسان والوكيل معاً! ارقام المبيعات صحيح فرق شاسع بين الاثنين لكن استدعاءات الكثيرة لنيسان بخصوص قير CVT تجعلني ببساطة أصرف النظر عنها وانظر إلى البدائل وأن كانت قلة مبيعات كيا أو سوبارو دليل على قلة الاستدعاءات والمشاكل فهذا لا يعني أغفال جانب أن نيسان لديها مشكلة حقيقية مع قيرها CVT


للمعلومية مالي نية بالمخاطرة بشراء سوبارو من الوكيل الحالي رغم أعجابي بسياراتها لأن مستوى الوكيل ضعيف جدا لكن تصدق على ضعف مستوى الوكيل إلا أنه قام بأصلاح قير CVT لأحد سيارات سوبارو ليجاسي موديل 2010 بينما العيسى لم يتكلف بعناء مع احد الاعضاء الي ذكر أن معه مكسيما 2010 وقال الأصلاح تبديل كامل للقير! هذي خلاص يخليني ماعاد أفكر في ألتيما ولا مكسيما ولا باثفاندر أو أكستريل أو كيكس البدائل أضمن بمراحل مع وضع نيسان المريب مع هذا القير! (رغم أني كنت حاط ببالي الالتيما كأقرب خيار سيدان بالنسبة لي لكن بعد كثرة الشكاوي بسبب القير تحديدا على دلاخة الوكيل وسؤال حتى بعض ملاك من نيسان قالولي انحش عنها؟!)

نيسان ماعندها الا 4 سيارات من اصل 60 سيارة ههههههه

مكيفهم بارد مهب صحراوي وكذلك طرمبة البنزين ماتطلع ريحه بالحر


جي بور تاخذ الجودة الاولية وتاخذ الجوده بعد ثلاث سنوات وتضيف على الشركة وعدد السيارات يعني مثلا كيا ريو ياخذون 100 سيارة كم نسبه الاعطال في 100 سيارة و بعدها سراتو وهكذا


بس كيا لو ناخذها بمعدل ثلاث مستويات ارخص سيارة و سيارة متوسطة واغلى سيارة ماوصلو للرقم اللي تبيعه نيسان


ريو بايعة في امريكا 28,700 سيارة فقط

كادينزا صناعة امريكية باعت 4738

كوريوس K900 باعت فقط 834


على كل 100 سيارة كم تتعطل سيارات كيا

مع العلم ان سورينتو و سول و سيدرونا ( كرنفال ) و اوبتما ارقامهم جيدة


وكان بامكاني ارد على اللي يسال عن الماكسيما استاندر وتوقعت رد ابو اسد مع العلم ادري انه معه نيسان لكنه مغرم بشركة سوبارو ويمدح CVT حقها انها اقل اعطال وهي ارقامها ارقام كيا بالمبيعات وحتى بسوقنا مالها الا فرع صيانة بطريق المطار القديم ومدري هو حاطه للتقبيل ولا فاتح


لا تهمني المبيعات لكن هذه حسبه جي بور


بس احتاج اثبات اللي يقول CVT تناسب سيارات صغيرة ومع العلم امتلكت احجام مختلفة من CVT

يؤ نسيت اصور لك عداد الالتيما اللي سافرت عليها من الرياض لسوريا سنة 2010



مع العلم اني بايع السيارة سنة 2013 وهي ماشيه 310 الف تقريبا


سيارتي الالتيما شريتها اخواخر 2012 ابو بدايه 2013 وجلست معي لين 2015 ومشيتها لين 107 الف كيلو

وهذه اخر صوره صورتها بعد تغير الزيت





مع العلم اني كنت اجلدها وهي توها ماكملت 1000 كيلو لين بعتها

‏

سبب بيع الالتيما كنت بشتري ماكسيما لكن الله ما اراد ذلك


الان احتاج منك اثبات ان CVT لا يناسب الا سيارات بحجم الكورولا واليارس

على مأعتقد أن الجدول أعلاه يعرض الجوده الأوليه في السنه الأولى للسياره

وليس الأعتماديه لسيارات الشركه نفسه

اشوف كيا في المقدمه من ناحية اقل الاعطال وبعدها جينسيس حسب jdpower
وين اللي يقولون الكوري مشاكل ....؟؟؟
بصفة عامة نيسان عندها الباترول والوانيت والزد والجتي ار تستاهل الشراء اما الباقي مجرد مقلب

مع اني ذكرتها في رد سابق اعيد اكررها
نملك 3 سيارات cvt اقدمها التيما 2008 لها عشر سنوات وممشى تقريبا 300 الف وقيرها ماشاء الله كانها جديدة والتيما 2014 وباثفندر 2015
اصور لك صور وفديو علشان تقنعون ؟؟؟
السر بسيط غير الزيت اول باول حتى لو كان تروس بيخبط القير لو اهملت الزيت
كل 90 الف ماهو مثل التروس كل 40 او 60 الف !!
والزيت خاص بالقير ليس بزيوت البناشر لكن متوفر في جميع محلات قطع غيار نيسان
وعلى فكرة حاليا النيسان اجود الياباني من jdpower اقل نسبة اعطال حتى من اللكزس رغم انه كل الدفع الامامي من نيسان قيوره cvt

البعض للأسف يتفنن بالتنظير الفارغ لا اكثر !

والمضحك الأستشهاد بصور السيارة على الأعتمادية ههههههههههههههه لو درت الــ JD POWER كان قفلت فروعها واعتزلت

وكأن التمشي والتفسح بالقرب من الأردن والحدود سيطلق موجات خطيرة تضر بالجير وتجعله يخبط !

والله شي مخجل صراحة ! الأشكال في ان القير ممكن يضرب في اي وقت بوقت ما تتوقعه وليست الأشكال بالذهاب لمكان معين ! البعض خبط عليه على ممشى فوق 150 الف هذا الممشى يوديك امريكا مو الأردن !
حتى صورة واحدة للمشى السيارة لا يوجد ولو ان ممشى السيارة ابداا مو دليل ! البعض يعلل جودة بعض السيارات بسيارات التكاسي الا ماشية 500 الف ! انت ركبت مشوار صغير ونزلت بوجهتك ايش دراك كم مره السيارة مغير لها جير ومكينة ؟ العداد ما يتصفر لو تغير 100 مكينة وجير !

اعانك الله يا صاحب الموضوع ونشكر شفافيتك

البعض يقول السيارات الا تعاني من مشكلة هي سيارات الأسواق الأمريكية عا اساس الماكسيما و الألتيما جاية من مصانع المريخ !

المشكلة لو مادافعت عن نيسان اصحاب نيسان يسولك مشكلة واذا تكلمت عن الحق البعض يتهمك انك مسوق ومدير تسويق في نيسان وشتان بين هذا وهذاك


اتكلم هنا واتحدا احد يثبت لي عكس كلامي هذا كامل


المشاكل اللي حدثت في CVT الخاص بنيسان هي اللي صنعت في امريكا وسيارات نيسان CVT الثانية لا تعاني بمشاكل


المشكلة اللي صارت في التيما 2010-2010 اللي يسمونها تسخين وهذا نظام حامي الجير يهدي السرعة الى 120 في نسخ الالتيما 4 سلندر فقط


المشكلة الاهتزاز اللي صار في محركات 6 سلندر للالتيما و الباثفايندر 2013-2014 بسبب ضخ زيت الجير


اذا احد قدر يجيب سيارات نيسان ثانية بنفس هذه المشاكل يثبتها اللي صارت في CVT يثبتها لنا هنا


(مهب واحد ولده كسر الجير برجله ( اعزكم الله ) ولا بيده يتهم الشركة والجير انه فاشل وتتفكك هذه مشكلتك مخلي ولدك يسرح ويمرح وانت تسوق وانت تعرض للخطر كذا لسمح الله )


هذه سياراتي سابقا التيما 2008 و 2013




تم قطع التيما 2008 و 4 سلندر مسافة 1700 كيلو من الرياض لين سوريا بسيارتي في الزبداني قرب حدود لبنان 40 كيلو وهذا غير ايضا قطع من الرياض لقطر وغير طريق مكة وغير الاردن .... ألخ بناقل حركة CVT وتعتبر الالتيما 2008 اكثر سيارة كرفتها بالخطوط الطويلة ومع العلم ان الطرق اللي استخدمتها وعره ومرتفعات وكان CVT دور فعال مع المناطق المرتفعة بالاردن و سوريا

باقي الصور





‏

‏

‏

‏

‏


ايضا سيارتي التيما 2013 بمحرك 6 سلندر من الرياض لدبي بمسافة 1050 كيلو وهذا ايضا غير قطر ... الخ لكن اقل جهد من التيما 2008




سيارتي التيما 2013 وكذلك سيارة خويي باثفايندر 2014 هذان السيارتين عانوا من مشاكل الاهتزاز بسبب ضخ الزيت وتم حل المشاكل مع العلم خويي يملك سيارة ثانية CVT من هيونداي اكسنت 2016 وكان متضايق من الباثفايندر لكن صلحت سيارته

‏

للتأكد ايضا من السيارة

‏

‏

سيارة ولد عمي التيما 2011 مع انه اجرم فيها في البر ويطاعس فيها بالقصيم ويمسك فيها خطوط وسخنت معه باعها لخريه وتحسف انه باعها

‏

‏

ماكسيما 2010 سيارة خويي اللي مخاوين لدبي صورته بالاعلى كرفها كرف وتعرضت لحادث من هيونداي النترا وانعدمت الالنترا وكذلك طلعت ارباقات الماكسيما وصلح السيارة عند عبدالعزيز بخاري في لوك استيرنج موجودة الصور في موضوع الصيانة الخاصة بنيسان

‏

‏

‏


كل من ادعى ان ناقل CVT لا يناسب سيارات كبيره فقط يناسب سيارات صغيرة احب اعرض لك سيارة اخوي نيسان سنترا وهي بحجم الكورولا بمحرك الاكبر باسواقنا 1.8 لتر بناقل CVT جربت السيارة بالسفر القصيم و الشرقية للامانة لم تعجبني ولا اعجبني CVT حقها ولا يناسب CVT السيارات بالاحجام هذه لان الخطوط الطويله تحتاج السيارات حجم اكبر بمحركات اكبر وناقل يقاوم الهواء والسنترا راسية بالخطوط الطويلة لكن غير مقاومة للهواء بالسرعات العالية وتحتاج تضغط اكثر لدواسة البنزين للمقاومة بعكس الالتيما 2.5 و 3.5 مع هذا الناقل CVT عندها مقاومة فعالة جدا مع الديناميكية المصممة عليها

‏

‏

هذا غير السيارات الثانية مثل سوزوكي و هيونداي و هوندا .. الخ اخر

اللي يتهم اني مسوق وادافع او بعض الناس تقول ليه ما تدافع انا اتكلم عن تجربة حقيقية ولست مدافع ونيسان ليست شركة ابوي اذا جربت هذا الناقل مع احجام مختلفة سواء سيدان او كروس اوفر ومحركات كبيره وصغيره تعال هناك وناقض كلامي بالان CVT ماتصلح للسيارات الكبيرة فقط للصغيرة وانا مصر على كلامي بان CVT لا يناسب سيارات مثل حجم الكورولا و اليارس

والان البعض يقول كاتب محاضره

البعض مستميت بالدفاع عن الـــcvt بشكل غريب وكأنه موظف تسويق !!

حتى ولو بنيت رأيك على تجربة سنين و جبت 100 مصدر لناس توافقك وتذكر نفس العله الا والا يدخل بعينك ويطلعك غشيم وماتعرف تتعامل مع السيارة وجيرها وانك حالة وحيدة ولا تعمم استغفرالله بس !

عاد ياليت الشركة هذي مفلحة الا من ردى لردى لدي قناعة ان جير الــ CVT مكانه على السيارات الصغيره فقط مثل اليارس والكرولا غير كذا ماينفع بريال ! اخوي ها اليومين يحكي له ان في اثناء سفره للرياض بسيارته طبعا وجد صاحب اكورد من الا شبكها كبير يا 15 او 16 متوقف برى الخط نزل يسأله طلع الأخ المسكين جير الــ CVT حقه ضارب ومقطوع والمشكلة ان عائلته راكبين مع بالسيارة صار له ساعتين يدق عا المرور يبيهم يسحبونه لأقرب نقطة حولوه على راعي سطحة وصار له ساعتين منتظر اعانه الله
وانا متأكد لو جا وطرح موضوعه بالقسم حيطلع له واحد يدخل في عينه انت ماتعرف تستخدم القير هههههههههه

صباح الخير على الجميع
وكل عام وانتم بخير

انطباعي عن قير السي في تي في سيارتي الالتيما 17 بعد 3 اشهر من الاستخدام داخل وخارج المدينة. لي تحديث لموضوعي عن تجربة الالتيما 17 لما اكمل ال10 آلاف كم سيرى النور قريبا

في الرياض:

القير سريع الاستجابه مافيه تردد ( hicupps) على السرعات المختلفه لمشاوير قصيره على سرعات 60 الى 120 كم/س

خارج الرياض في السفر:

في جيزان:
في التنقل بين محافظات المنطقه ...لا ملاحظات ويعطيني نفس الاداء اللي اعطاني وانا داخل الرياض طبعا مع اختلاف طبيعة طرق الاسفلت بين الرياض وجيزان وكثرة المطبات والحفر والتشققات.

في السفر:
عائدا الى الرياض مسافة 1200 كم متواصله يتخللها استراحات وفي جو مغبر وعج في جيزان, صافي في ابها الى الوادي, هواء قوي مع عج وغبار في الوادي الى الحوطه, ثم هواء معتدل الى قوي الى الرياض. السفر من 6 قبيل المغرب في جيزان الى 6 صباحا وصولا الى الرياض. حمل السياره تكون من راكبين و عدد 4 شنط من الحجم الكبير

حافظت الالتيما على حرارتها ( الربع ) دائما حتى وانا طالع عقبة ابها. عشان احافظ على سرعة 60 الى 80 كم/س احتجت اضع القير على الوضع الرياضي ( sport mode ) في منتصف الطريق وانا طالع العقبه لاني لاحظت ارتفاع الآر بي ام عشان احافظ على السرعه المطلوبه ( 3500 دوره في الدقيقه ) . طبيعي تحتاج السياره الى عدد دورات محرك اعلى ( RPM ) عشان تحافظ على السرعه المطلوبه اثناء الطلوع الحاد. كانت الالتيما اكثر راحة وهي على السبورت وحافظت على اداءها في دورات محرك اقل ( حول 3000 د/د اثناء طلوع العقبه ( تخطت توقعاتي لسياره تسير بقير السي في تي ).

في الطريق الى الوادي كانت سرعتي بين 140 الى 160 و كانت استجابة قير السي في تي فوق التوقعات واستجابته لحظيه وبدون تردد او تلكؤ والآر بي ام بين 2500 الى 2750. و عند الوصول الى 180 كم/س يكون الآر بي ام على 3200 د/د.

في الوادي كان الجو فيه هواء قوي وعج اجيانا ومع ذلك كان القير سريع في التكيف مع تغير سرعة الهواء لكنه ارتفع الى 3000 د/د للمحافظه على 160 كم/س.

لاحظت سرعة تغير ( ارتفاع وانخفاض ) الآر بي ام عند زيادة مقاومة الهواء بزيادة سرعة مقاومة الهواء للمحافظه على ابقاء سرعة السياره المطلوبه. القير الاوتو ياخذ فتره اطول للتغيير الى النمره الاقل لزيادة عزم الدوران. هذه النقطه تحسب لقير السي في تي.

من الحوطه الى الرياض كان الجو صافي لكن الهواء كان عكس السياره بزاويه ومع ذلك حافظ القير على ابقاء السياره على سرعتها المطلوه بكل اريحيه مع زياده بسيطه في عدد دورات المحرك ( حول 3200 د/د ).

خلال الرحله, لم ترتفع حرارة السياره بل انها ثابته على الربع حتى مع طلوع عقبة ابها ( شي جدا مطمئن ).

اجدني مرتاحا جدا من قير السي في تي في الالتيما 17 الى الآن والحمد لله.

اعتبره قير ناجح

مرحبا اخوي ماقول الا الله يعينك

لاحظت نيسان الستة سلندر اذا كانت CVT فالنهاية بيضرب عليك

الاربعه سلندر صراحة مشاكل اقل بس النيسان وضعه مخيف ونكون واقعيين الالتيما انتشاره قل بنسبة كبيرة في الشارع ماتلاحظون هالشي؟

عموما، اخوي رد راسلهم وقولهم هذا قير حديد موبلاستك يخترب بهالسهولة واذا انتم صنعتوا قير لازم يتبدل بالكامل عشان جزء صغير خربان هذي غباء في التصنيع ابدل قير كامل علشان قطعة لوكانت سيارة ثانية القطعة هي الي تتبدل وخلاص.

وعلى فكره موقع carcomplaints يفيض بمشاكل الCVT مع نيسان بالاخص الالتيما وتقدرون تشوفون بعينكم

بخصوص الاخ الي كان على وشك شراء ماكسيما انصحه بالافالون لان السعر مقارب اذا مونفسه

وماظن اخد فينا سمع قير افالون خبط بالاخص بعد 4 سنوات استعمال !!

هل انت متاكد من كلامك التفكك

اذكر لي التفكك اللي صارت بسيارتك

علشان ولدك كسر عصا الجير تحدثت كذا

انا اعرف معاناتك انت وصاحب الموضوع بسبب مشكلة

لكن مشكلتك تختلف عن مشكلة صاحب الموضوع

تبي اوريك مشاكل ومدحك لتويوتا انتظر شوي