السلام عليكم اخوانى الاعزاء
انا معايا ابيكا 2010 اشتريتها من 4 سنين وكانت عامله 77الف ك ساعتها حاليا عامله 200 الف ك وكانت كويسه جدا ومؤخرا حصل بها مشاكل كتير متتابعه كالاتى بالترتيب :
1- مشكله ب ABS و كان ينقص الزيت كتير واشتريته من التشليح وغيرته و الحمد لله ظبط
2- المرواح و كانت السياره تسخن كتير للاحمر و غيرت المراوح.
3- المكيف غيرت الكومبرسور لكن مع انى طافى المكيف احس ف حراره طالعه من فتحات المكيف و ف الصباح اجد بخار ماء متكثف ع الريش ومش عارف السبب؟
4-حاليا احس السياره سحبها ضعيف وغيرت البواجى و رحت لورشه فحص غيرت دعسه الهوا (كانت لمبه الماكينه تنور)وطفت اللمبه لكن مازالت السياره احس سحبها ضعيف.
5-من اسبوعين الاحظ وجود رغوه لونها بنى ف قربه المياه و الميه معكره ولكن لا اجد بقع الزيت بها ولكن احس بقليل جدا من اللزوجه بالمياه و مره لقيت لمبه الزيت تضئ وتطفى سريعا (ترعش) ولكن لا اجد ميه ع مقياس الزيت ولايوجد دخان ولا حراره ومش عارف اعمل ايه ولا اروح فين او مين يفهم فيهاويكون امين.
برجاء يا شباب افيدونى مع العلم انى بالرياض لو ف حد عنده اجابه يفيدنى او احد عنده ورشه كويسه امينه فاهمه بالابيكا يدلنى عليا
