جينسس 2016 رايكم بعد التجربه

مشكورين كل اللي ردو طبعا هالموضوع ينفع ناس كثير خاصه ان فيه جدل حول السياره
ابو مؤيد الله يعوض عليك ويرزقك اللي احسن منها
بصراحه رحت شركه هوندا في المدينه وكان في صاله العرض اكورد مدري هي 16 او 15 بس اللي سد نفسي ورقه معلقه على قزاز السياره مكتوب فيها تم تغيير مكينه السياره بواسطه شركه عبدالله هاشم عن طريق مهندسين يابانيين
امبورتنت الكلام اللي تقوله هو اللي يخوف لان السعر غالي صراحه والمال عديل الروح
تيشمات والله الامبالا ما شفت منها الا كل خير بس انا طبعي السياره سنتين واغيرها واخوي الصغير ناشبلي يبيها
اوتشيها مادارا طريقتك ممتازه بجرب واشوف
والله يكتب اللي فيه خير
على فكره امس رجعت للناغي قالي الموضف اذا تبي 2016 سعرها 200 الف فل 8 سلندر
وقالي بعد فيه عندهم متوفر 2015 وسعرها 178 الف للفل

ما راح انصحك بشي لكن بعلمك اسلوب البحث

اولا : اسال شركات التأجير اللي عندهم السيارة

ثانيا : تعرف على احد في الوكالة ويخبرك بمشاكلها

ثالثا : روح الورش والصناعية وشوف وش مشاكلها


للعلم اي سيارة معروضة للبيع تقدر تروح الوكالة وتستفسر عن مشاكل واعطال السيارة المسجلة في النظام بحكم ان الكل يوديها الوكالة بحكم الضمان المفتوح

زميل لي اشترى ٢٠١٥ وكالة غير طرمبة البنزين والفاكيوم حق الفرامل وواجه مشكلة البريك الالكتروني وصارت ماتتحرك وتواصل مع الشركة وقالو له بعد يومين نجيك وقال لهم ماقدر اجلس بدون سيارة وقالو له فيه سلكين في الخلف اقطعها بس البريك ماراح يشتغل الا اذا جبتها الوكاله وقطع الاسلاك ووداها لهم
هذا غير الكفرات كل شهرين يغيرها لدرجة انه صار يشتري مستعمل
اخر شيء كره السيارة و باعها الاسبوع اللي راح ب٨٧ ألف ريال بخساره ٦٠ الف ريال

ماأعلنوا عن شئ حتى الآن
أعلنوا عن احتمالية الغاء مكينة ال 8 سلندر واستبدالها بمكينة 6 سلندر توين تيربو

اما من ناحية عروض البيع
حتى الكامري والاكورد موديلات 2016
كثير معروض للبيع وهي مامشت 10 الاف

استخير
وانا كمستخدم لموديل 2014
للأسف فقدت سيارتي وفقدت الفخامة بعد ماتعرضت لحادث وراحت تالف
مشت معي 80 الف بدون ماتطلب شئ ماشاء الله
بس أقمشة تم تغييرها على حساب الوكالة لأنها كانت تحت الصيانة المجانية

مشكور ابو مؤيد اللي مخوفني ان كثير جينسس معروضه للبيع في موقع حراج بعضها ماشيه شي بسيط
سمعت انه فيه فيس ليفت لموديل 2017 والله شي يحير