سؤال لملاك الارمادا

عسا الله يبارك لكم فيه ويبعد عنكم شره - وان شاءالله ماتشوفون منه الى كل خير

اللهم امين

الف بركة والله يعطيكم خيره ويكفيكم شره
موتر كفوو ولا عليه كلام

اشكر الجميع علي الردود وبيض الله وجيهكم
وابشركم طلعنا الارمادا وبالنسبه للاخ الي قال السوبربان ممتاز بس سعره طاق ال 15 الف فرق عن الارمادا 4500 دينار كويتي
والله يعطينا خيره و يكفينا شره

انا اقصد تكييفها مو زين نفس السيارات الأخرى ويعتبر تعيس وعن تجربه شخصيه لاكثر من موديل

أكيد التبريد بالصيخ بخف
بس البعض يبالغ
يقول كأنه مافيه تكييف
جرب طفه وجرب شغله بالصيف
ونشوف كلامك صحيح ولا خطأ

السلام عليكم
------------
اخوي العزيز / السياره حلوه وخدومه بسسس تره تكييفها بالصيف تعبااااااان وما ينفع ابد ولما توقف كأنك مو امشغل تكييف بس هوا فاتر يطلع منها وهذا عيبها الي متأكد منه من اول ما اطلعت لغاية موديل 2014 فنصيحه اذا تبي سياره كبيره وخدومه اخذوا شفر سوبربان او يوكن اكس ال تره واااااااايد خدومين عن تجربه وتكييف ممتاااااااز امامي و خلفي - وهم تكييف نيسان الباترول الخلفي وايد تعبان ومافي قوة دفع هواء - والسيكويا صج ان شكله موذاك الزود بس قوي واكبير وتكييف ممتااااااااز / وافضل شي انك تأجرها يومين واتجربها بس لا تحكم عالمكيف الحين لان الجو بارد بالكويت الحين .

ولك الاختيار / اخوك من الكويت

سيارة ممتازة وقليلة المشاكل
وافضل فئة الال ايه عشان المفتاح الذكي والتخشيب وبعض الجماليات

السيارة كراحة وقوة ووسع مافي كلام

في عيوب شفتها
الصرفية
الصف الثالث واسع لكنه أقل راحة من الصف الثاني
ولا غير كذا السيارة ما شفنا منها إلا كل خير

السيارة كجودة ممتازة وقطعها متوسطة إلى رخيصة

السيارة بتجربة 6 سنوات ...

يميزها:
عملية (اعطال لاتذكر)
واسعة
محرك قوي
سعر معقول حالياً مقارنة بسيارات فئتها
قطع غيار بأسعار معقولة


يعيبها:
ستتغير قريبا (بأنتظار جيل جديد)
استهلاك عالي نسبيا بنزين (داخل المدينة فقط)



طبعا اللي يشتريها يحرص على النقطة الاهم وهي تغيير زيت القيربوكس الخاص بنيسان
في ناس على نياتها استخدموا زيوت اخرى وراح عليهم القير وبعدها يذم في السيارة