انفينيتي Qx50 رأيكم فيها, كصيانه وقطع

الف مبروك الله يباركلك

ألف شكر لكم جميعاً أخواني..

تحياتي لكم,,

رح للمعارض تلقاه ارخص من الوكاله

الله يخليك يا غالي .. سيارتي جميلة بس مظلومة الحقيقة و الاغلب يقول لي قيمتها مو فيها و لو اخذت لكزس افضل لك

بس سيارتك لا .. هي اللي الكل اجمع عليها انها متفوقة ع لكزس الآر اكس و بقوة .. اجمل و اقوى و اكثر مواصفات

لا اخوي .. ما فيه تشيك 1000 .. لما تاخذ السيارة ما تجيهم الا في تشيك ال 5000 كيلو

نعم صيانة الخمسة آلاف فقط زيوت و فلاتر ب 500 ريال

صيانة العشرة الاف زيوت و فلاتر و تشييك البريكات و تنظيفها .. فيها فك تواير و تركيبها يعني عشان كيذا ب 700 ريال


لا ما تزيد .. صيانة ال 15000 ما راح تتعدى ال 500 ريال و هذا الكلام اللي اكدوه لي لانها بتكون نفس انصيانة الخمس آلاف بالضبط و هم ياخذون على الشغل و ماله علاقة ب عمر السيارة



و الله ما عندي خلفية عن التغيير في اماكن اخرى .. لكن انا وقت اللي شفتها بهالسعر .. قلت ما بتسوى اغير برا << و تحسفت اني ما اخذت معها باقة الصيانة اللي تريحيني خمس سنوات قدام

و لك مني اجمل التحايا

الله يعافيك أخي هادي,,

ما شاء الله والـ Q70 روعه .. جربته تيست درايف..
الله يعطيك خيره ويكفيك شره,,,


هل فيه تشييك بعد مسافة 1000 كيلو؟
بالنسبه للصيانه.. الـ 5000 ... وش يشمل التغيير,, زيوت فقط, أو فيه حاجه ثانيه؟
وهل كل ما تمشي 5000 زياده يتغير مبلغ التشييك؟ .. مثلا 10000 صار 700 ريال..

وهل تغيير الزيت في اماكن معتمده مثل بترومين, مناسب او الوضع حساس لازم في بالوكاله؟


تحياتي لك,

الله يبارك فيك ويعافيك,,

ألف شكر لك عزيزي أرمادا ..

تحياتي

خيار موفق و بسعر ممتاز حقيقة ... الله يعطيك خيرها و يكفيك شرها

طبعا نا عندي Q70 2015

شريتها من الغسان و الآن مشيتها اكثر من 10 الاف كيلو

بصراحة صيانتهم حلوه .. صيانة ال 5 آلاف عملوها لي ب تقريبا 500 ريال و ال 10 الاف ب 700 ريال

لو بتحسبها .. اسعارهم معقولة جدا

احترق عندي كشاف الضباب و غيروها على حسابهم و هي غير مشمولة في الضمان

الصيانة تتم خلال ساعه .. انا العادة ادخل ع نتهم و اتفرج ع سياراتهم و عندهم متخصص كوفي << ما احس بالوقت الا و هي خالصة

بالنسبة توفر القطع .. القطع المتوقع انها تستبدل دائما متوفرة حتى و ان كانت غير متوفرة ممكن يوفرونها لك خلال اسبوعين

في خيار انك تدفع 10 الاف ريال و تصير الصيانة 5 سنوات او 150 ألف كيلو ( مجانية )

بعد كل صيانة تتصل عليك بنت ادارية و تتأكد من ان عاملوك و استقبلو طلبك و عملو لك اللي انتا تبغاه

بشكل عام .. الصيانة طيبة بس ينقص انتشار مراكز الصيانة

الله يبارك لك في السياره و ان شاء الله ماتكون السياره معروضه في الصاله

و حاجه ممتازه انك حصلت البديل في النت و اتوقع مده الوصول ما تتجاوز الاسبوعين يعني اي حاجه تبيها من فحمات و بواجي و اشياء ثانيه جيبها من الخارج و ركبها هنا

لو تروح محلات الخارجيه بعد الي في الخضريه مثلا و تشوف مدى توفر قط\ع الغيار لها و اتوقع لو حصلتها راح تكون ارخص من الوكاله

يعطيك خيرها ويكفيك شرها
ممتاز والله يبارك لك فيها
بالتوفيق

ألف شكر لكم اخواني على الافاده وآرائكم. ..

رحت مره ثانيه للوكاله، وبعد المناقشه الطويله مع المندوب تم تغيير السياره من

Qx50
إلى
Qx70

بعد ما عرفت الفروقات بينهم ، وكونه آخر ستوك بالوكاله هو المعروض، تم التفااوض على سعره من 167 الف إلى 159 ألف. ..
دفعت له عربون. .. . ربي يعطينا خيره ويكفينا شره. .. :)

بالنسبه للقطع، استفسرت من الصيانه عن القطع الاستهلاكيه، اسعارها اشوف معقوله نوعا ما. .. مقارنة بسيارتي الحاليه سوبارو 2008.

مثلا القماشات تطلع حول 750 ريال امامي وخلفي. ..

وبالمناسبه. .. هنا الاستفسار الاهم للي عنده خبره. ..

شيكت على قطع الغيار في النت، بصراحه مغررريه. ..

مثلا القماشات الاصليه، سعره مع الارسال حول 600 ريال

استفسااري، لاحظت فيه قماشات مصنعه من شركات غير الانفنتي، مثلا شركة Bosch الالمانيه اللي تصنع اجهزة الدريل والقراندير. ..

يصنعون قماشات لعدة سيارات من بينهم انفنيتي، بسعر مغررري، واصله للسعوديه حول 500 ريال. .. والمعلقين تقييمهم 5 نجوم، ويقولون ممكن افضل من تصنيع الوكاله، وش رايكم؟ ينفع تجربتها او ما تسوى؟

كذلك البواجي، هنا بعد الخصم حول 800 ريال عدد 6 بواجي،بالنت ب 500 ريال واصله للسعوديه. ..


بانتظار ارائكم،،

تحياتي،،

للامانة قطع غيارها كاسعار مرتفعة وكانها سيارة امريكية

سياىة جميلة ماشاء الله وعليها مواصفات ممتازة

الاعتمادية دوم سيارات انفنتي مميزة واعتمادية