طقطقة جهة المكينة في سوناتا 2013

السلام عليكم اخوي
الصوت طلع عندي لكن بعد الدعسه بسرعه اسمع صوت طقطقه تقول صاجه ولا طلع لمبات ولا شي بالطبلون
لكن قالوا لي عمود كرنك والمكينه يبي لها توظيب
افدنا الله يجزاك خير وش صار معك

طيب أخوي بالتوفيق وفي انتظار ردك يالغالي .............وشكرا

يعطيك العافية اخ حسن بوديها الوكالة وبشوف وش يقولو

الله يعافيك أخي العزيز

طبعا أنا لم أقصد لمبة المكينة Check Engine لا بالعكس اللي كنت اقصده لمبة الزيت ولكن فهمت من كلامك أنه لاتوجد أي لمبة تشتغل وقت ظهور الصوت وفي هالحالة لابد قبل الشك في أِشياء صعبة داخل المحرك ومكلفة لابد من التأكد من عدم وجود مشكلة في أي بكره من البكرات وأيضا شداد السير وبعدها لو انتقلت الى الأشياء اللي ذكرتها لك ( عمود الكرنك - جنزير المكينة Timing Chain بالرغم من أنه هذه الموديلات حديد وليس ربل مثل الموديلات القديمة Timing Belt - طرمبة زيت - سبائك المكينة .....الخ ) أكرر نصيحتي تشوف لك كذا ورشة وخلها تفحص لك وتخبرك عن السبب الحقيقي لهذا الصوت

يعطيك العافية الاخ حسن الصوت ماهو قوي مرة بس تسمعه اذا وقفت السيارة ثلاث طقات او اربع وتروح وترجع
اما بالنسبة للمبة المكينة لاتظهر عند ظهور الصوت واما الزيت مواظب على تغييرة تقريبا كل ثلاثة الاف واغير