تحية طيبة اخواني
عندي سؤال هل يمكن تعديل محرك باجيرو 3.0 ليصبح 3.8 و ماهو المطلوب لتغير المحرك او المطلوب تغييره مع المحرك ؟؟
مثلا القير لازم يتغير ولا بس المحرك ؟؟
افيدوني بارك الله فيكم
الافكار هذي تراود اي شخص لزيادة قوة سيارته فتطلع افكار غريبة مكلفة جدا وبالاغلب ماراح يوصل النتاج بشكل الصحيح سواء المحرك مو ذاك القوي او السليم أو التركيب سيء وصارت لناس واجد وأسئلني ترى مو كل الورش حتى لو أمتدحت لك انها كويس تطلع فعلا مهي كويسة بالشكل الي انت تعتقده
عموما بدال هالمشاريع الغريبة والغثى وطول الوقت والسيارة توقف بورشة وتجيب قطع وتحتاج تغير قطع علشانها ماتركب ومشاوير مالها اول ومالها تالي
بع موترك واشتر واحد مستعمل اجدد من الي معك او جديد بمحرك 3.8 لتر وأنتهت السالفة كلها
صدقني ارخص! واريح لك من الغثى وتختار المواصفات الي تبي
بدون تلفيق او حوسة ووجع راس
صدقني لو تكون ترهيم وبتركب LS1 ولا مكينة مدري وشو قلت لك تراها وجع راس لكن الله يقويك أذا ودك بالاستمتاع لكن الله يعينك على الغثى وحط ميزانية مفتوحة جنب شغلك لا تحط ابدا ان المشروع راح يكلفك مبلغ مو بسيط أبدا لان ماراح تغير المكينة لحالها
لكن دام كل شغلك على مكينة بلد!
غير الموتر كامل وارتح بدال مايطلع الدفرنس ولا القير ولا الكمبيوتر ولا الراديتر ولا تحويلة القير ولا دبل ولا العمود ولا .... الخ مايتوافق ولازم تغيرها :c0038:
بلا توليف ياصاحبي بلا هم
مثل ماذكر اخونا alialali اطلع الكويت هناك تشاليحهم افضل من هنا
و قله ابي اركب مكينه بدل مكينه و شوف ايش بيطلع عليك مع الرجيع طبعا
و اتفق معه على كل شي
هذا لو افترضنا المكينه كامله بتوابعها فقط راح تتغير لازم تتغير جميع الكمبيوترات التابعه لها و ممكن يختلف التوزيع كذالك داخل الكبوت مثل الانتيك و الفلتر الهواء و هذي اشاء بسيطه ان شاء الله
انت اذا شفت سياره عندهم و محركها راكب عليها راح تشوف الفرق و قله ابي هذي على سيارتي و مره واحده غير الاشياء الاستهلاكيه من بواجي و اسلاك و تنظيف البخاخات و غيرها
طبعا اذا القير يختلف لازم تغيره و مره واحده اذا طرمبه البنزين يختلف ضغطها لازم تغيرها
هي وجع راس الصراحه و مصاريف يعني [COLOR=red]ممكن[/COLOR]توصل الى فوق 10.000 كامله و ممكن تطلع لك اشياء انت غافل عنها لكن اذا سيارتك نظيفه مره و ماتبي تفرط فيها توكل على الله و ابتدي في المشروع
او بيعها و اخذ سياره جاهزه من شد بلدها
انت تتكلم عن سعة المحرك وتكبيره من 3 لترات الي 3.8 وهذا غير ممكن
لكن قول تغيير المحرك مثل ما ذكر اخونا alialali
واعتقد ايضاً ان المسئلة مكلفة ومتعبة واخاف انك تندم بسبب
النتيجة مقابل المادة والوقت اللي بتدفعه
لان حتى محرك 3.8 ما يوفر العزم اللي يحبه اهل البر
بالنسبة لمكينة الـ3.8 لازم تغير معها كمبيوتر السيارة بالإضافة انه في كمبيوتر آخر لازم تضيفه وهو خاص بنظام حقن الوقود الخاق بمحرك الـ3.8
نصيحتي لك اذا انك ناوي خلاص فلابد لك ان تعرف هل ميزانيتك تغطي والا لا
ثانيا الأفضل لك انك تروح تشاليح الكويت عندهم تشاليح خاصة بالباجيرو والميتسوبيشي بشكل عام وتقوم بعمل مقارنة بين نوع سيارتك والسيارة الي يجي عليها محرك 3.8 وتشوف ماهي الإختلافات وتحددها بالضبط بعدين تفاوضهم على السعر وبعدها تشوف ميزانيتك
طبعا انا أفضل ان التغييرات هذه تتم في نفس التشليح عشان اكيد في بعض الشغلات البسيطة قد تحتاجها وقت تغيير المكينة مثل اسلاك فيوزات وغير ذلك فدائما يركبونها لك فوق البيعة
الشغلات التي قد تحتاج الى تغيير هي القير والكمبيوتر تبعه والدفرنس والشكمان بالإضافة الى المحرك الجديد ولواحقه
ولكن الأفضل انك تعمل مقارنة لأنك قد تجد بعض الأحيان السيارة نفس الجير والدفرنس ولكن المكينة غير وهذا الكلام ينطبق على سيارات كثير فلا تحتاج الا لتغيير المكينة فقط
بالنسبة للأسلاك والتوصيلات الكهربائية والكمبيوترات فلابد من تغييرها حتى لو وجد التوافق بين الجير والدفرنس
لان مكينة 3.0 تجي على الموديلات القديمة من العائلي و 3.8 تجي على الموديلات الجديدة منه
وكذلك 3.0 ممكن تجي على السبورت الحالي (مو متاكد .. هي تجي هنا فقط بمحرك 3.5) لكن هذا ما يجي بمكينة 3.8 وممكن ما تتركب عليه
