السلام عليكم ورحمة الله وبركاته
انا حبيت استشيركم في امر يمكن البعض يأيدني ويمكن مايأيدني
عموما انا دخلت موقع
http://www.cardomain.com/
طبعا الموقع هذا يختص بالسيارات الامريكيه والاكسسوارات الي لدى الاشخاص الامريكان
لقيت لي سياره للبيع
نوعها / كابرس
موديلها / 1991
ماشيه / 82.000 ميل
صراحه انا اعجبت بشكلها واعجبت بانها فعلا سياره ملعوب فيها ورخيصه
طبعا انا قلت في نفسي خلني اراسل راعيها ونشوف وش يقول
المهم رديت عليه في ملف الزوار حقه
وقلت له اني اعجبت بالسياره وابشتري السياره منك بـ 10000 دولار وعطيته ايميلي
راح هو وارسلي رساله يقول اني وافقت واني مستعد اني اشحنها لك لبلدك بس انت ارسلي الفلوس اول وانا حاظر
قلت له انا ابستشير وبعدين ارد عليك
رد علي قالي لك مده اقصاها شهر من حين ارساله للرساله هذي
الا في حالة انه اذا لقى سعر احسن من سعري
طبعا انا عندي سياره بس حاب اشتريها منه علشان ابيعها هنا بسعر اعلى
بس يوم دخلت المعارض لقيت ان اسعار الكوابرس الي مثلها طايحه مرررره
يعني انا ابشتريها منه بــ 37.500 ريال سعودي بس لقيت السيارات الي هنا في الرياض بأقل مره لقيت وحده ماشيه 150 الف كيلو سعرها بحول 14 الف ريال
يعني اقل من النص
ابوريكم الحين السياره وردو علي
عموما الي ابغى اعرفه
هل من السهل اني اشتري سياره من بلد برا واخلي لوحاتها زي لوحات السعوديه العاديه (( البيضا مو السودا حقت الجمارك ))
ولا ان المرور بيستقعد لي ؟
والي له خبره في الشحن من امريكا للسعوديه يقولي تكفون كم تكلف ؟؟
احس اني طولت عليكم |3||3|
