السلام عليكم
كل عام وانتم بخير
انا واجهتنى مشكلة مشعارف حلها
سيارتى هى الانترا 2013 بقالها معايا سنتين ماشاء الله ماشية 30 الف
المشكلة هى انى اكلت مصب صناعى وانا ماشى على سرعة 50 وانا مش واخد بالى بس لحقت وهديت السرعة اوى بس المطب اخدته شوية جامد
المهم بعدها بدات اسمع صوت ناحية الكفر اليمين الامامى هو عبارة عن طقة اسمعها وانا طالع اى مطب اول ما الكفرات تلمس المطب والسيارة تعلى اسمع الطقة دى وان دايس على الفرامل وأحيانا مااسمعها, بس هى واضحة
وجربت اطلع بالكفر اليمين على رصيف صغير مش عالى برده يجى الصوت اول ماالكفر يطلع " صوت طقة واضحة "
وبرده باسمعها وانا ماشى فى طريق غير سوى بس بتبقى خفيفة مش زى وانا طالع على المطب
المهم وانا ماشى عى الطريق مافى اى مشكلة من اى نوع ماشاء الله السيارة زى ماهية ومستوية ومش بتحدف
رحت للوكالة عشان صيانة 30 الف وقلتلهم المشكلة وكشفوا عليها وبعد الصيانة قالولى ماوجدوا شئ كله سليم السوست والمساعدين وقالوا احنا شدينا على كل الصواميل وان شاء الله الصوت يروح
المهم مشيت لاقيت الصوت زى ماهو موجود رجعتلهم وفى فنى مشى معايا وساق السيارة بنفسه وقالى ممتازة
فقلته وهى ماشية مافيش مشكلة المشكلة لما تطلع على المطب بسمع صوت الطقة المهم فضلنا ندور على مطب لغاية ماسمعته الصوت
رجعنا ورفعوا السيارة امامى وبعدي كشف تانى وقالى عندك الدودة بتاعة الدركسيون فيها مشكلة ولازم تتغير وان شاء الله اغيرها بكرة
لكن انا رفعت السيراة عند ميزان ميشلان وكشف قالى كل شئ ماشاء الله تمام و100%
هو فعلا فى صوت فى الدركسيون على شوية بيظهر اكتر اكتر لما تمشى على عيون القطط
هل فعلا صوت الطقة دى من الدودة؟ ولا ممكن حاجة تانية؟ مثل العكوس او المساعدين او السوست او المقصات او مسمار او عمود توازن او جلد مطبات او كرسى المساعد؟؟
وازاى اعرف؟ ازا كان الوكالة بتقول كله كويس اعرف الزاى؟
عموما الوكالة غيرت الدودة والصوت زاد بعدها مو اختفى وكمان لاقيته بيظهر بوضوح مع لما اهدى اوى وانا على طريق غير سوى.
شكرا ومنتظر نصايحكم
وكل عام وانتم بخير
