القير لا يستجيب .. تاهو 2010 LT

يحتاج برمجة ثروتل عند أي مركز خدمة سريعة الجميح Ac Delcoوالمشكلة بسيطة وقد ينظفون الثروتل ( حاقن البنزين ) مع التنظيف بحوالي 300 ريال والنتيجة 100 % .

الأقضل انك تتوجه لمركز صيانة قيرات

وتسألهم عن وجود جهاز تنظيف القير . طبعا الجهاز يسحب زيت القير كامل حوالي 12علبه وأنا أشوف أنه أفضل من تغير الزيت مع الفلتر وياخذ 6 علب زيت فقط . طبعا اسمه ترانسميشن فلاش
أسأل عنه في الرياض أو الدمام وشركة الجميح وبالتوفيق

الله يكونم بعونك
نصيحتي افحص كمبيوتر لتأكد في البداية من القطع الكهربائية في القير
احيانآ السيارات تتشابه في سبب العطل
واحيانآ العطل له أكثرمن سبب عشان كذا ابدء في الشي الارخص في التصليح .
انا ليش قلت لك في السابق احتمال من خلل في حركة عصا القير
لان سيارتي قير ارضي ولاكن من نوع آخر
واختلفت وظيعة العصا مع القطعه المحددة لعصا القير بسبب ارتخاء الواير
وكانت الاعراض كالتالي :
1- عند وضع القير لل N ماتظهر علامة N في الطبلون وتظهر رعشة في الموتر
وتختفي الرعشة في حالة تحريك العصا وظهور لمبة N في الطبلون
2- عند التعشيق لل D تتأخر السيارة في المشي للثواني
3- تظهر المشكلة احيانآ واحيانآ لأ
انت دقق في عصا القير في ارتجاج وتحسها غير ثابت اشوي
او هل تظهر وظعية تعشيقات القير في الطبلون D N R بشكل دقيق
بما ان قيرك علاقي احتمال القطعه في الديركسون نفسه
الله يسهل امرك

والله كل ماحطيته بـ d ينتع ويفز وبعدها يصير عادي وكاني احس انه ثقيل وان فيه شي من الترسبات وبرادة الحديد اول مافكيت القير وغيرت الفلتر ...طبعا احيات لاكان بارد احس انه يمشي طبيعي ووديته واحد صاحبي قال يمكن عندك الطرمبه او الطنجره ولا الكلتشات مافيها شي بس ابي استفسر هل فيه قطع للقير بالمحلات الامريكيه لو احتاج اوضب القير لاسمح الله ..وع فكره سويت اللي قلت مره يتاخر ومره يمشي طبيعي والبارح كان فيه صوت بالقير اول ماحطه بالريوس ..!!

اكيد كنت كثير اسافر عليه ... وفعلا ماكنت منتظم بتغيير الزيت ..
وهذا سبب ظهور المشكله ...!!

الأخوان ما قصروا الله يعطيهم العافية
ولكن شيك على فلتر القير لا يكون طايح او ركبوه وهم ما شالوا جلدة فلتر القير القديم

بالتوفيق

حياك الله
ملاحظ عليك مهول الموضوع وهيا ان شاء الله بسيطه مادام تعشيقا تالقير سليمه
ولاكن بعد ردك هذا اشك في شي يكون الخلل عندك
يكون من القطعه الي تحدد مكان عصا القير هل هوا p n d او من الواير
لانك تقول بعد الصدمة طلعة عندك المشكلة
وانا بصراحة مال خلفية بالقير العلاقي بالديركسون وين تكون القطعه هذي
لان بالسياراة الي يكون عصا القير في الكنسول الوسطي
يربط بين العصا واير وبين القطعه ويكون موقعها فوق القير
ابي منك يوم تلاحظ ظهور المشكلة انك ترجع القير للp وثم ترجع تعشق
وتلاحظ هل السيارة تختلف معاك ام لا

الله يعافيك
توجه لمراكز القيرات , و اطلب الفحص.
الممشى كثير. هل كنت منتظم بتغيير الزيت و الفلتر؟

يعطيك العافيه اخوي ...وماقصرت ...
بس السياره اذا كانت بارده تتحرك عادي ولافيه اي مشاكل من القير واذا وقفت باي مكان لازم ادوس ع الدعسه عشان السياره تتحرك لااااا وبعد بنتعه واذا تحركت عادي التبديل ولاكأن القير فيه شي ..بس ( لاحظت ) ان كأن السياره ثقيله ...مادري بسس رايي اني اخلي الميكانيكي يفك القير وينظفه ويغير الكلتشات والطنجره وششش رايكم ...واللي يعرف يفيدني لان سيارتي ماكملت معي اربع سنوات من شريتها بس اسافر كثير وماشي عليه بحرود 230 الف ..

فضاوة القير تعني بشكل أولي: نقص الزيت عن المستوى المطلوب. فتفحص مستوى الزيت أولاً.
و ثانيًا هذه البرادة هي مخلفات الكلتشات و أربطة فرامل القير. و هي أجزاء استهلاكية تتآكل و تبقي هذه المخلفات.
كذلك في أسوأ الأحوال .. لا داعي للسؤال عن قير من الوكالة ؛ لأن سعره لن تصدقه حتى تسمعه منهم بأذنك! كذلك قير التشليح ما تدري خفاياه و سعره أكثر من التوضيب!
نقول إن شاء الله ما تحتاج لا توضيب و لا تشليح. الحين شيك على مستوى الزيت , و كن متأكد من أن الزيت من لزوجة Dexron4 المناسب لقيرات جنرال موتورز 2007 فما فوق.
اختلاف اللزوجة تعني استجابة مختلفة لضغط الزيت داخل طنجرة القير. نقص الزيت أيضًا يسبب التفويت هذا.

هلا اخوي وحياك ربي ..
لاتوجد اي لمبات بالطبلون توضح ان هناك مشكله ولا الاشعار بالشاشه ..
لكن اتذكر ان فيه واحد صدمني وانا واقف ماسك بريك من ورا وانا بالرياض قبل اسبووع...بعدها طلعت من الرياض للجوف والسياره مافيها شي وعند وصولي بعدها بيومين اتضح لي هالمشكله ...السياره عاديه مع الطريق جدا ..ولافيه اي شك لكن المشكله تكمن عند وضعه بحرف ( د ) ممكن يمشي وممكن بعد الدعسه يمشي واحيان يبدا يفز ويوقف ولازم ادعس له حتي يستمر بالتحرك ليكون وضعه بعدها عادي جدأ ....

هلا اخوي ويعطيك العافيه ..

بالنسبه للسياره لا عادي واقفه بمكان متساوي ولاتوجد اي مرتفعات او منخفضات ..
لكن استغرب ان الوضع بالتبديل للقير عادي جدا جدا مع الطريق ولا..كأن القير فيه شي ..
بس ابي اعرف هل منظم الهواء له دخل حيث ان السياره ايضا عند الاستعداد للوقوف تبدل بنمره وبالنسبه للكهرب بعد الفحص تبين انه لايوجد اي مشاكل بالكهرب ..ولايوجد اي اشارات بالطبلون توضح ان هناك مشكله بالسياره ...

[/COLOR][/SIZE][/CENTER]

زي ماقالوا الاخوان البردة شي طبيعي كنتاج لاي احتكاك مكيانكي ولا ليش تغير فلتر المكينة و القير ظ

المشكلة مهي واضحة يفترض القير يعطي اشاره اذا فيه عطل مثل حساس او غيره و اذا مافيه اصوات عالية من القير مافيه مشكلة ميكانيكية و بتكون كهرب

حياك اخوي

مشاكل قيور الأمريكي صارت قليله مع الإصدار الجديد من قيور الست نمر

القيور هذه حسب ما قرأت عنها تتحمل الى 600 حصان بدون اي مشاكل

موترك وقيره ان شاء الله مافي الا العافية

بس لا توسوس

البراده عند تغيير زيت الجير شيء متوقع وطبيعي فالشغله ما تخوف

بالنسبة لأداء القير . هل توجد لمبات تنبيه تعمل الآن في الطبلون مثل التشيك انجن.

شؤال آخر . هل المشكله هذه من زمان او انها جديدة واذا كانت جديدة هل تذكر ماذا حصل من قبل للسيارة

اي شيء يفيد في معرفة وتشخيص مشكلة السيارة


بالتوفيق اخوي

السلام عليكم لا اعتقد ان وجود البراده في الزيت يعني عطل القير لانه اصلا لازم يطلع براده وانت لم تصف مشكله بل اعتقد بان القير سليم ادا تتكلم عن مشكله السياره مرات لا تطلع لين تدويس بنزين هدا طبيعي في حالت لارض غير مستويه او انك لم تفصل فرامل اليد بالكامل او ان عداد RBM ليس في المكان الطبيعي لسبب ماء ربما السبب فلتر هواء المحرك . ايضا هل زيت القير الجديد مطابق لسيارتك المهم مشكلت بسيطه ولا تعقد لامور وتسوي شي قد يكلفك بدون لزمه يجب مراجعت المشاكل البسيطه اولا وبعدين لكل حادت حديت .