السسسلام عليكم ورحمة الله
يا شباب هذي اول مشارككة لي فالمنتدى واتمنى انه ما يخيب ظني فيكم يالذيابة , انا احترت وزادت حيرتي بين الافجي والفتك الربع , انا اخترت هالسيارتين لانهم من اقوى السيارات بالبر وسعرهم حلو ومعروفين بالسعودية ودول الخليج والمطلوب منكم انكم تدلوني على الافضل ولكم الاجر ان شاء الله , و بالاول والاخير مافيه سياره مافيها عيوب وكل سيارة مصنوعة لغرض معين .
1- الافجي شكلة الخارجي يعجبني اكثر من الفتك والداخلي احلى من الفتك طبعاً ( وجهة نظري ) والقزازة الامامية حقت الافجي خربت الانسيابية لااني امسك خطوط طويلة , لكن ما يهمني الشكل اكثر من الاعتمادية ورخص قطع الغيار والقوة فالبر, وهل الافجي يجي دفرنسين دفرنس ورا ودفرنس قدام او فليورات ؟ , وسمعت ان الافجي بيتوقف تصنيعة هل اذا توقف تصنيعه تتوقف معه قطع الغيار ؟ هذا اهم سؤال عندي وهذا اللي خلاني اسجل العضوية واكتب الموضوع واتمنى الرد عليه .
2- الفتك الربع شكلة الخارجي حلو والداخلي حليل ولكن زي ما قلت قبل شوي ما يهمني الشكل اكثر من الاعتمادية ورخص قطع الغيار والقوة فالبر يقولون ان الفتك اريح واوسع من الافجي وانا ما ركبتهم ابداً, وهل الفتك يجي دفرنسين دفرنس ورا ودفرنس قدام او فليورات ؟ ويقولون ان مكيتة الفتك تصرف بنزين صحيح ؟ .
اذا خذيت افجي باخذ وراد عبد اللطيف .
واذا خذيت الفتك بدور وارد المسعود (الامارات) لانه يجي عليه تخشيبة للدركسون ولحية للصدام لامامي وهل يدخل تحت ضمان العيسى ؟
اعذروني طولت عليكم لكن حقكم عند الله ما يضيع اتمنى انكم تساعدوني وتردون على اسألتي كلها واللي مايعرف الجواب لا يجاوب لان بعض الناس الله يهديه يجيب كلام من راسة . وشكراً :xyxwave:
تروني انتظركم على احر من الجمر :blue:
