و عليكم السلام و رحمة الله
اخي انا عندي اكسبلورر 2013 فل كامل السيارة ممتازة جدا ما شا الله
اشوف فيها عيبين الاول رائحة الكربون لما تشد ع الموتر يطلع معك ثواني و بعدين يروح و كثير يقولون انه طبيعي و الوكالة تقول طبيعي
الامر الثاني الاصوات اذا كنت متحسس جدا من الاصوات ما تنفع لك وهذا العيب موجود في الاكسبلورر و القراند شروكي بشكل واضح بالنسبة لي ما لاحظتها واجد بس بعض الاشخاص متحسس جدا للاصوات احيانا من الابواب و احيانا من السقف لكن بشكل خفيف غير ذلك السيارة ممتازة وخفيفة و مريحة و فيها تقنيات جميلة جدا جدا و جرب اقرا عنها وراح تنبهر من تقنياتها مقارنة بسعرها المعقول
وكيلها لا باس به يعتبر من افضل الموجود مع انهم ما عطوني شنطة الاسعافات للحين و كل مرة يقولون بنشوف و نرد لك خبر :a120(115):
بالنسبة للدورانقو وحش عيبه الوكيل ما حد يمدحه وكنت ابي قراند شيروكي ويوم سالت عن الوكيل عند ملاك لسيارات تابعه للمتحده قالوا انحش وكيل سيء جدا فانحشت من ذاك اليوم و لا رجعتلهم :bigggrin:
بالنسبة للمازدا تصميمها حلو و جبار و سيارة اعتمادية و سعرها ممتاز و وكيلها متوسط الى حد ما
يعني ما قد واجهت معه مشاكل و القطع يوفرها و اذا ما توفرت يطلبها في مدة ما تزيد ع اسبوع بس لا تصلح سيارتك عندهم خذ اغراضك وصلح برا اوفر و افضل الوكاله ع مستوى الفنيين خايس
السؤال اللي يطرح نفسه انت ايش اهتماماتك تبي موتر 8 سلندر و مكينته قويه خذ الدورانقو او تبي سيارة مريحة و تقنيه خذ الاكسبلورر او تبي سيارة اعتمادية خذ المازدا
الامر الثاني اذا امر الوكيل يهمك اتوقع المتحده الاسوء و المازدا متوسط و الفورد جيد
بالنسبة لي لو كنت مكانك خذيت الاكسبلورر نص الفل او الفل الكامل السيارة ع الرغم من فيها عيوب بسيطة لكنها جميله و سلسه و مريحة و وكيلها لا باس به
