وش أشتري كورلا_صني_أكورد_كامري

السلام عليكم ..

حيا الله الشباب كلهم ..

بصراحة .. شدن هالموضوع للتسجيل بالمنتدى ..

يعني هذي أول مشاركة لي هنا ..

المهم ..

فيه واحد بالساحات سأل عن الأكورد وكتبت له الرد هذا ..

-----

جاك يا مهنا ما تمنا ..

أنا شاري أكورد قبل خمس شهور تقريبا ..

سياحية .. قير توماتيك ..

بـ 61 ألف ريال .. نقدا ..

والآن ارتفع سعرها إلى 66 ألف ريال ..

مع إنها كانت قبل ما أشريها بـ 58 ألف ريال ..

شف الارتفاع وشولون ..

المهم ..

الوالد الله يطول بعمره .. كان ملزم إني أشري كامري .. طبعا شعبيتها أقوى من الأكورد ..

وأنا ملزم ..إلا أشري أكورد ..

وفكيتها وكالة ولله الحمد ..

مميزاتها ..

القير خمس سرعات .. سواء التوماتيك وإلا العادي .. تصدق إني أمشي 180 وإمبير الضغط 3.5 ..

يعني المكينة مرتاحة لأبعد الحدود ..

الفرامل ABS

2 إير باق .. والفل كامل 4 اير باق ..

الطبلون .. زينون .. يشتغل مع السيارة .. مثل اللكزس ..

السيارة رااااسية ما شاء الله .. وجربها أكثر من واحد .. قمة في الرساوة ..

المكينة 2400 .. والموديلات السابقة 2300 ..

ومع ذلك .. الصرفية عسل .. أمش من الرياض إلى الرس 400 كيلو .. بسرعة 140 .. ويبقى النص تقريبا ..

وأفللها بـ 55 ريال إذا كانت فااااضية ..

الأنوار .. تقدر ترفعها وتنزلها وأنت تسوق سيارتك .. :)

مشغل سيديات ..

النص والفل الكامل : تقدر تدخل 6 سيديات .. وكذلك .. التحكم بالبرودة على جهتين .. كل جهة لها تحكم بالبرودة منفصل عن الجهة الأخرى .. مثل الأفالون والبي إم ووو ..

عزمها .. ممتااااز .. قاومت عليها ثلاث هايلوكسات 2002 .. اللي مكينتها مجنووونة .. وقمت عليهن ..

سمعت إنها تفرش بالخط ..

الفل كامل .. فيه تسخين للمراتب حراري ..

فيها جهاز إنذار جاي من اليابان .. تقنيته عااالية .. وكذلك ريموت كنترول جاي من المصنع .. والدليل إنه أصلي ومو مركب هنا .. إن الريموت في نفس المفتاح .. مثل البي إم والكابرس واللومينا ووو ..

تقدر تفتح الدرايش وأنت خارج السيارة عن طريق الريموت .. وتسكرها عن طريق المفتاح .. تدخله في باب السواق وبطريقة معينة تسكرها وتفتحها ..

الشنطة ما تفتح بالمفتاح .. عشان ما تنقّز .. وتقد تفتحها من الريموت ومن عند مرتبة السواق .. وبإمكانك قفل اللي عند باب السواق بالمفتاح ..

والمفتاح .. ما يقصه أي محل .. لازم بالوكالة .. وشكله زي شكل مفتاح البي إم .. يعني ما يمكن أحد يقص عليه ..

الشكل الداخي .. تفوق على أكثر السيارات الموجودة في السعودية .. حتى الكامري ..




وهذي الكامري



بصراحة .. فرق ..

مساحات الزجاج الأمامي .. تقول موس حلاقة .. ما شاء الله ..

فيها حركات دلع من داخل .. اركبها واكتشفها بنفسك ..

العيوب ..

قطع الغيار غالي نوعا ما ..

مراتبها قاسية .. مع إن السيارة ما ترج ولا تضطرب ..

ما فيها مسجل ..

ما تجي بجناح ولا كشافات ..

تفصل عن 220 .. طبعا عيب عند بعض الناس

==============

الكامري ..

شعبيتها ساحقة ..

أوسع من الأكورد نوعا ما ..

أريح من الأكورد نوعا ما ..

شكلها الخارجي أفضل

مكينتها أقوى من الموديلات السابقة ..

أسعار قطع الغيار رخيص ..

العيوب ..

فيها تنسيم مع الدرايش .. مزعج ..

تقلب بسرعة .. نظرا لأنها رفيعة بشكل واضح ..

الريموت خياس .. ما جاء من المصنع ..

الصدامات .. خفيفة .. وقابلة لـ(ـلانعفاط ) حسب كلام أحد سواقين الليموزيات .. يقول 2002 أقوى ..

انتشارها مع الليموزينات .. وهذي بالنسبة لي عيب ..

القير التوماتيك .. أحيانا يصير فيه عيب .. بس ما أدري عن الجديد ..

مهب راسية نهائيا .. جربت موديل 2001 على خط الشرقية .. تلعب لعب ..

ولا يزعلون أصحاب الكوامري .. الكامري شبهة وغير محترمة ..

المهم ..

النتيجة ..

خذ أكورد وأنت مغمض .. وإسأل مجرب ولا تسأل طبيب

تحياتي ..

----

انتهى الرد ..

ولكن .. عندي زيادة على اللي يقولون الأكورد ما تمسك سعرها ..

أنا ساكن عند معارض النسيم ..

وكل ما مريت من عند إشارة شارع المعارض يجون الشريطية .. كلهم يبون يشترون ..

والله العظيم يا إخوان .. إني أمش باتجاه الإشارة .. وقدامي كامري 2003 وخلو الكامري وحاولوا يوقفونن عشان يشترون ..

وش رايكم عاد ..

واعذروني على التطويل ..

:)

ليه ما ينصحون فيه؟؟


اقولك خذلك فراري احسن

والله الكامري وأنا أخوك

سعرها حلو
قطع غيارها رخيييييص من كثرها
التحمل عالي ودليلك شف الليموزين أنواع التكسير
سعرها عند البيع ؟؟؟؟؟؟ ما أدري لكن سمعت إنها مرتفع

لكن خذ كامري موديل 2002م أو 2004م لأن الـ2003 ما ينصحون به

اكيييييييييييييييد اكورد .

الكاااااامري وبدون نقاش
شكلها احلى مليون مرة من الاكورد ومن الكورلا ومن الصني
اثقل من الكل في السعر لما تجي تبيعها ولما سمت سيارتي عشان ابيعها
كامري الفين وثلاثة وماشية 61 الف اكس ال اي المطور جابت لي 52 الف ريال
وديكور داخل مو طبيعي والي يقولك ديكور الاكورد احلى ابقولك ترا الاكورد ديكورها
في وقته حلو بس بعدين بيملون منه هو مع هالدويره الي بالنص تقول مسجل من الستينات
اما البنزين صراحة انا مع التدعيس الي ادعسه فيها يعني ما انزل عن ال 140 10 ريال يوميا
اعبيها من الامتي الى الفل بـ 53 ريال وامشي فيها 600كلم بدون مكيف و450 كلم مع مكيف
يعني حط في بطنك بطيخخة صيفي اما الكورلا سمناها 24 الف بتنباع موديل 2002 ماشية 150 الف نضيفه مررة
والاكور ما تجيب لك سعر نهائيا اذا جيت تبيعها وبتنكب بقطع غيارها وشكرا

او نسيت بالنسبه لقطع الغيار الكامري لو تجيب تندة فيها ما تتعدى 5000 تصليحها
لكن لو تجيبها بالاكورد طلع لك سيارة جديدة ولا تصلح نصيحة :D
وشكراااا
بااااااي

وتعبناكم معانا وأنا ان شاء الله ابشتري اكورد قير اوتو والقزاز كهرب واغير الطيس بجنوط فل وسعرها 61000 بدون الجنوط واللون فضي

اهلين اخووووووووووووي

انصحك في الاكوووورد احسن
وشكرا

لا وعاد لؤلي
واذا ماكن عندك مانع في العادي
توكل
الاكورد سوح وووووووين

لقيت ماكسيما 2002 فل كامل زينون جلد جنوط ..........إلخ بس القير عادي واللون ابيض لؤلؤي وكالة مامشت شي بقراطيسها بـ61000
وش اشتري هي ولا أكورد فضي أقل نوع بس اوتو بـ61000

اكورد

السلام عليكم ورحمة الله وبركات

وشحالكم ياشباب ....

نصيحتي لك يا اخوي مخاوي المواكب اذا انت راعي دعس اخذ لك كورلا 1,8 :D:D انا عندي وحدة علية فلتر k&n وقطعت الاكورد 4 سلندر والكامري 4سلندر اربع ليتات |6||6||6||6|.....

لاكن عيب الكورلا انها صغير وضيقة من الداخل ...

بايييييييييييييي....

الاكورد

غير اكورد لاتدور ......

الكورلا وبس

خيو انا بنصحك بسيارتين فقط
الي هيا

الاكوور أو التيوتا كامري




سلملم

الصراحه المقارنه غريبه

الآن الكورولا والصني من فئة السيارات الصغيره

والاكورد والكامري السيدان المتوسطه

أنا أنصحك بالأكورد لانها عمليه واقتصاديه وفخمه

بس انا إلى الحين محتار
فيه ناس قالوا لي ان الأكورد احسن سيارة
وانا خايف من قطع الغيار ومن سعرها اذا بغيت ابيع
وانا ودي بالكورلا لأن سعرها فيها وقطع الغيار في محلات قطع الغيار مو في البقالات
وتعبناكم معنا

اكورد ........فل كامل غير طبيعيه .......واتحداك اذا ندمت ......عليه ...


رهيبه مره .........اما الكامري انا ما انصحك فيه

الكوريلا سياره حلوة وجميله واقتصاديه

اما الصني فهي سياره جديد ولزم نا خذ عنه فكره