مقارنه يحتار فيها الخبراء !! طوارق 2014 او جراند شيروكي 2014 ؟؟

ماهو القرار النهائي للمقارنة وهل استقريت على سيارة منها

اسرد التجربة للفائدة وشكرا

26/11/2014
هل الي الان المقارنة عادلة ؟
الطوارق تغير شكله .... والشيروكي مثل ما هو .
عطونا رايكم .... وما قلت لنا وش شريت اللي يبارك لك فيما عطاك ؟

السلام عليكم
في الفئة الكبيره ارشح الكايين (مستخدم بشكل بسيط) وبعده الشيروكي (بشرط فل كامل)
والصغيرة الايفوك
وبالتوفيق

طوارق منتاز

والله حيرتني معاك بقووة

يعني تبي قوة والا فخامة والا اسم والا اعتمادية والا جودة

يعني حدد حتى نقدر نخدمك اكثر

شوف اذا يمديك تزيد المادة وتاخذلك طوراق فل فأنا افضله لك

وصوتي بيروح له

الكيو 5 راح يتغير تغيير جذري لان العروق الي فيه قديمه جدا وما يواكب اسطول اودي الجديد الي بدأ من 2011 واتوقع تغيير الكيو 5 حسب ما قرات راح يكون في منتصف 2015 كموديل 2016 عشان كذا طلعت السياره من بالي لانها حاليا لا تضاهي سيارات اودي الاخرى ..

وجربت الايفوك بصراحه حبيتها جدا وتعلقت فيها وخصوصا نسخة الكوبيه !! والان بما اني ماعندي عائلة كبيره ف ما احتاج SUV راح اكتفي بالكروس اوفر واهم شي تكون مرتفعه عن الارض وادائها عالي وفيها نفس رياضي وشبابي وف نفس الوقت تنفع للاستخدام اليومي الشاق في المدينه بيكون استخدامي 80٪ ونادر جدا بحتاجها للطرق الوعره ، واحتاج انها تكون صرفيتها للبنزين معقوله لاني بستخدمها بشكل يومي ف كافة مشاويري ..

والنتيجه وصلت لسيارتين وهي البورشه ماكان 2014 !! والرنج روفر ايفوك 2014 .. ومستقبلا اذا الله احيانا وشفت نفسي بالفعل احتاج سياره اوسع راح يكون اختياري SUV سواءا البورش كايين او الطوارق او الاكس 5 ..

تحياتي لك والله يوفقنا وياك ...

مشكلة الكيو 5 على وشك يتغير

صراحة اشوف الطوارق افضل من الثنتين :bigggrin:
الله يوفقك ويكتب لك اللي فيه الخير

اليوم جربت الاودي كيو 5 والسياره رووووعه وبامانه سواقتها اجمل من الطوارق وانعم بكثييير ماشاء الله وستحيل تحس انها 4 سلندر ومافيها تيربو لاق واضح زي بعض السيارات الي محركها تيربو ..

وبس باقي اجرب الايفوك ولي موعد معاهم قريب جدا ان شاء الله ..

تسلم ياغالي على ردك

وبالفعل انا الان مقتنع تماما بالطوارق انه افضل من الجراند شيروكي ولاحد يزعل ياشباب هذي وجهة نظري الشخصيه من خلال تجربة السيارتين وقيادتها اكثر من مره ومريت ع الوكالتين اكثر من 3 مرات الين ما ايقنت واقتنعت ان الطوارق افضل من كل النواحي ولو ان المواصفات اقل بقليل

اما بالنسبه للكيو 5 والايفوك فكرت فيها لانها اقتصاديه وحجمها صغير وتنفع للاستخدام داخل المدينه وقت الزحمه وتنفع تنزل للبر لو حبيت واكثر ما يميزها اشكالها خصوصا الايفوك شكله ما تتخيل انه بالفعل سياره نزل انتاجها وبدأ بيعها تحس انها لسى سيارة كونسبت !!

ولو قارنت الكيو 5 مع الايفوك اعتقد الايفوك تغلب وانا حاليا ما احتاج ان المساحه الداخليه تكون كبيره وواسعه ف قاعد افكر بجديه ف الايفوك ،،

بس راح انتظر الجديد موديل 2014 راح يوصل بعد شهرين تقريبا من الان وفيه تعديلات بسيطه ميكانيكيه مثل القير اصبح 9 سرعات وهوا اول قبر 9 سرعات ف العالم .

تحياتي للجميع

الاودي كـشكل رائع لكن المحرك صغير .. ونفس الكلام ينطبق للرنج ..

الخلاصة اشوف الطوارق هي الانسب من بين الخيارات .. وجودة الداخليه مذهلة ..

لا يارجل الكاديلاك ابدا ما عجبني

ترا في سيارتين جديده دخلت معايا في الخط بنفس الميزانيه :a120(60):

الاودي Q5 2014 وقيمته 190 الف بعد الخصم والمحرك 4 سلندر 2000 سي سي
والرنج روفر ايفوك 2014 وقيمته ابتداءا من 185 الف للخمسه ابواب ( سعره رائع ) شكله عليه عرض و الله اعلم والمحرك 4 سلندر 2000 سي سي

وش رأيكم ادخلهم في المقارنه ولا السيارتين الاولى افضل ؟! خصوصا ان السيارات الاخيره كروس اوفر اما السيارتين الاولى SUV وانا دخلتهم في المقارنه لان كلهم اسعارهم متقاربه جدا

اعطوني رايكم

كنت بأقترح عليك الكاديلاك SRX :bigggrin:
أشوفها خيار ممتاز وأظن سعرها راح يكون معقول

لكن عموما طالما انك غير مهتم بباقي مواصفات الطوارق
ولا تعتقد انها تستحق زيادة المبلغ فتوكل على الله وخذ ابو 191 الف

الفيس ليفت امره بسيط لو انه تغيير كامل وجيل جديد كنت معك في ترددك
ايضا قوة المحرك 280 حصان معقولة جدا وانا متأكد انها كافية لكن ما يمنع انك تجرب السيارة


بالتوفيق :wink:

هلا بحبيبنا ماهر

بالفعل السيارتين ممتازه جدا وانا شخصيا اميل للطوارق اكثر ما ادري ليش بس فيها طابع اوربي جميل بس اكثر شي مزعلني موضوع ضعف المحرك والفيس ليفت القادم بيكون اطلاقه بعد اقل من سنه من الان ..

بس انا الي متأكد منه اني لو اشتريت الطوارق او الجراند شيروكي ماحد يقدر يقولي اخطأت في الاختيار.





هلا بعاشق الفولفو :wink:

صحيح الجيب اقوى بس هل راح استفيد من كامل قوته وقدرات المحرك ؟ ما اعتقد ذلك بما ان استخدامي عادي جدا داخل المدينه وعلى الطرق المعبده و 20% فقط على الطرق الوعره بس اكيد يفضل ان المحرك يكون قوي وكنت اتمنى بس لو ان الطوارق قوة محركه بحدود 325 حصان اشوف انها كافيه جدا على حجم الطوارق وعلى محرك 6 سلندر تنفس طبيعي ..

انا اقدر ازود الميزانيه شوي ماعندي مانع بس اني ازودها شوي عشان اخذ الطوارق فل اوبشن او بمواصفات اعلى ؟! اشوف انه الموضوع ما يستاهل ادفع 40 الف زياده عشان هالفروقات :

جنط 20 ( اكره الجنوط الكبيره ذات الدعسه الصغيره لانها حساسه وتحبل بسرعه وتخلي قيادة السياره قاسيه وثقيله على السياره وتقلل من عمر القطع الميكانيكه المتصله بالهوب سواءا جوزات او عكوس او اذرعه او مقصات او مساعدات لان ضربة الحفره او المطب عليها اقوى لانه الدعسه الصغيره ما راح تمتص الصدمه والي راح ياكلها المساعد وغيره من القطع الميكانيكيه ناهيك عن ثقل الجنط والكفر غير انه سعر كفرات مقاس ال 20 اغلى والايجابيه فقط في جنط العشرين انه ممكن يكون ارسى على السرعات العاليه والمنعطفات بفارق بسيط جدا وممكن يجيب سرعه اكثر من جنط ال 19 وهالشئ انا ما احتاجه على سيارة SUV وبما انه جيب افضل انه يكون 18 او 19 بالكثيرررر عشان يكون في مجال تنسم الكفر لو احتجت وعموما سواءا السياره كانت SUV او سيدان فاخره كاملة الحجم افضل ان مقاس الجنط لا يزيد عن 19 وذلك لتجارب سابقه سيئه مع جنط ال 20 وال 21 )
نافيجيشن ( ما احتاجه لان عندي نوت 3 وشاشته كبيره ماشاء الله 5.7 وفيه نظام نافيجيشن رائع جدا واقدر استفيد منه في السياره وعموما موضوع النافيجيشن في السعوديه مو مفيد مو زي لما تكون بامريكا هناك بس تدخل رقم البيت او المبنى او الشارع وراح يوصلك بكل سهوله لان كل شي مرقم هناك )

كاميرا خلفيه ( مهمه بصراحه لكن ممكن استغني عنها لان حساسات الطوارق رائعه جدا بحيث انها ترسم لك شكل السياره بالكامل على الشاشه وتوضح لك المسافه المتبقيه لك من الامام او الخلف )

مساعدات هيدروليك Air Suspension ( هالشئ بالذاات ما ابيه حتى لو ادفع زيادة ويحطوا لي المساعدات العاديه السبرينج مع العلم ان الهيدروليك اريح وانعععم بكثييير وتحكمه بالقياده افضل واجمل في المناوره وثباته اعلى في الخط وعلى السرعات العاليه لان السياره تنزل كثير للارض بعد سرعه 120 تقريبا لكن سلبياته ما تنفع لي بحيث انه ليس عملي خصوصا اني في جده وتعرفون شوارعها وحفرها ومطباتها طيب ايش الفايده لما اخذ جيب ومساعداته حساسه ؟؟!! انا اخذت جيب عشان اريح راسي من المطبات والحفر ويتحمل الكد ناهيكم عن سعر مساعد الهيدروليك تقريبا ب 6000 ريال وممكن في اي حفره ينشق عليك البالون اما المساعد العادي ب 500 ريال وممكن يعيش معاك 5 سنوات واكثر )

تشغيل بصمه عن طريق الزر بجانب عصا القير ( انا شخصيا ما تهمني كثير ولو انها اضافه حلوه لكن طريقة التشغيل الي زي البورش كايين اشوفها كافيه وتفي بالغرض )

اسف على الشرح الطويل والاسترسال لكن هذي كلها ارائي وتعبر عن وجهة نظري الشخصيه فقط من خلال تجاربي مع السيارات سواءا من ناحية حجم الجنوط او المساعدات ,,

وبالنسبه للاند روفر LR4 السياره حلوه بس حسيتها حقت كبار في السن وانا لو باخذ شئ من شركة لاند روفر ف راح يكون رنج روفر فقط لا سبورت ولا ديسكوفري ولا غيره ..

وبالنسبة لميزة الدفع الرباعي يكون افضل انها تكون موجوده بس ايش عندك اقتراحات لسيارات كروس اوفر ؟؟

تحياتي لك ولجميع الاعضاء الي شاركوا بالاستطلاع وبالردود ..

هل انت حريص على ميزة الدفع الرباعي؟
واﻻ الكروس اوفر ممكن يمشي حالك خاصة ان اغلب استخدامك داخل المدينة

فعلا المقارنة محيرة

الجيب اقوى ومواصفاته اكثر
الطوارق اكثر امان وجودته اعلى

وبهالاسعار للأسف مافي خيارات اخرى تجمع القوة والمواصفات مع الجودة واﻻمان..

لو كنت مكانك بزيد ميزانيتي شوي وباخذ طوارق بمواصفات اعلى او اخذت ﻻندروفر LR4