تقدير سعر الصدام الخلفي لكوريلا 2011

0abade @user_296512 · 11-10-2013

السلام عليكم

انا حكيت لي واحد وانا راجع بالريوس من قدام محل ومشيت خفت انه يسوي لي مشاكل ولا شي وانا ماشي شفت الصدام داخل على جوه بنفس مكان الحكة الي حكيته اياها غالب الشك انها مني فقررت اني اتبرع بملبغهم الإثنين فياليت تساعدوني وتقدرو المبلغ الي لازم اتبرع فيه
السيارة غالب الظن انها كوريلا 2011 واللون اسود
اتمنى تساعدوني وجزاكم الله خير

temsu @user_111207 · 25-10-2013

السلام عليكم ورحمة الله وبركاته

لا تتبرع من غير سبب ..

ارسل ظرف مكتوب عليه رسالة العذر ورقم جوالك وعلقه في مقبض السيارة وأما المبلغ في وقت التفاهم...

)) المتميز (( @user_290270 · 18-10-2013

غلطان

حتى لو تتصدق بقيمته

تحسب الدنيا فوضى

تصدم سيارة الرجال و تمشي

و تتصدق بالمبلغ

طيب الرجال يبي يصلح سيارته

إذا تعرف لوحاته

رح للمرور و قل لهم أنك صدمته و هم راح يجيبونه

و حلها معه بشكل ودي و عطه قيمة اللي سببته في سيارته

speeed1 @user_47102 · 14-10-2013

الصدام حسب ما اذكر ( اتاكد من لوكالة ) بين 500-700ريال

قيمة الرش اذا ورشة مشي الحال 300-500 ريال
ورشة شغل نظيف 800-1000 ريال

اذا طعجة بالصدام بدون ما يتكسر ممكن تصليحها بالسشوار بنسبة حتى 90%

ajmal ehsas @user_285228 · 14-10-2013

مع احترامي لك انت غلطان وانت اللي سويت لهم مشاكل مو هم
المسألة ليست بالبساطة اللي تتصورها تصدم واحد وتروح تتبرع بعد ما تهرب
والطريقة هذي ما تبرأ بها الذمة وكان الواجب تنتظرهم او على الاقل تترك رقمك عشان يتواصلون معك
الله يغفر لنا ولك

KOERU @user_291946 · 11-10-2013

انا اعرف ان سعر الصدام الخلفي حوالي 430 تقريبا مدري اذا زاد او نقص

موفق ان شاء الله يابطل