مساعدة ومقارنة ما بين أفلون VS جنسيس VS توروس --- 2014

لا تبخلو علينا بأرائكم

Up

الكوري بدأ يتفاعل مع سوق السيارات في الاونة الاخيرة
واعتقد انه عندهم فنيين ومهندسيين اوربيين .. وعشان هالشي اهي تحاول ان تجاري الياباني تقريبا
ثاني شي ... جنيسس موجهة اكثر للسوق الامريكي على ما اعتقد .. وهذا اللي مربحها ومعطيه اهتمام اكثر
ومن هالناحية هم يهتمون بأدق التفاصيل .. ولها عدة جوائز في السوق الامريكي

وجهة نظرك انا احترمها واقدرها .. ما قصرت اخوي .. مشكور على مرورك العطر

ما قصرت وجهة نظر احترمها واقدرها
يعطيك العافية على المعلومات
ومشكوووور لمرورك العطر

انتظر تفاعل الباقي

انا اقولك
انا عند شراء سياره ابحث عن سياره عمليه وحقت كرف وتريحني
لني من الاشخاص غير المحافظين يعني شغل وامش ولا اهتم كثير مثل بعض الاخوان مشاء الله
وبرضو السيارات تطول معايه [ اقصد فتره الاستخدام ]

انا شخصياً ماثق في الصناعه الكوريه [ ولا ادفع فيها ]
خصوصا اذا المبلغ مثل ماذكرت فوق 100 الف فراح ابعد عن الكوري تماماً
يعني السبب الرائيسي عدم ثقتي في الكوري ولا ادفع فيه

بالاضافه الى هيبه الشكل ماشوف للكوري هيبه
خصوصاً اذا عرفها الشخص انها كوري يسير لها نظره اقل

//

اشتري الماني ياباني امريكي كله عادي
اما الكوري بالنسبه لي ولعائلتي عليها اكس جداً كبير


يمكن سبب غير مقنع ولكن فقط وجهه نظر فقط لا غير

هذي ملاحظاتي عليهم بس لازم تجرب السيارات هذي , عشان تكون على علم . وايضا استخر .

الأفالون :
1- تمسك سعرها اكثر المنافسين .
2- شكل داخليتها ابداع صراحة .
3- عزمها متوسط بين السيارتين (الجنسيس 3.8 و التورس) .
4- الشكل توه متغير يعني راح يمشيك 5 سنوات ان شاء الله .
5- الي عند ابو جميل ناقصة مواصفات كثير (بس لو تاخذها من البازعي الي في الرياض وتصلحا عند ابو جميل شي جيد ) .
6- عيبها دفع امامي وفي مشكلة في ديكورها ( اللابلاستيك الي خلف الكرسي) ولكن الوكالة تعرف بالمشكلة وراح تصلحه عليها , هذا اذا ماغيروا المشكلة في الدفعة القادمة .
7-شكلها الخارجي يا يعجبك او انك ماراح تطيقه (اذواق) .

التورس :
1- دفع رباعي وهذا شي جيد .
2- اضعف سيارة في المقارنة من ناحية العزم .
3- دفعة 2013 فيها مشاكل كثير وعليها استدعاءات .
4- الشكل قديم وخلاص احسه استهلك ( يمكن من 2009 او 2010 )
5- مساحتها اصغر من الداخل .
6- يقولوا عزلها افضل من الافالون انا بصراحة ماجربت .
7- اعتقد ان السيارة لازم يتغير شكلها قريبا .

الجينيسيس :
1- الدفع خلفي وهذا شيئ جيد .
2- الأسرع في هذي المقارنة ( مع محرك 3.8 ) و ناقل حركة ب 8 سرعات .
3- سمعت ان عزلها متوسط .
4- الشيئ الي يعيبها انها راح تتغير السنة القادمة , والي موجودة اول ماتركب فيها تحس ان داخليتها قديمة (تحس السيارة لازملها تحديث قريب ) .
5- شكلها الخارجي صراحة حلو مع انها قديمة .
6-ضمانها الأفضل بينهم .
7- احس السيارة فئتها اعلى من الإثنين بس بسبب انها قدمت اصبحت تتقارن معهم .

انا بالنسبة لي افضل الافالون والجينيسيس وبصراحة استبعد التورس للأسباب الي فوق , ولكن مع ذلك جربهم كلهم (روح الوكالة كلهم تقدر تجربهم على ما اعتقد , إلا الأفالون ما اعتقد عندهم وحدة للتجربة فاستأجرها يوم واحد قبل ماتحط مبلغ وقدره) .

انا احتاج الى مقارنة السيارات علماً كلها فل والتوروس ليميتد
لا احتاج مقارنة مابين الوكالات وتميزها عن الاخرى

احتاج لأهل الاختصاص يفيدوني

شاكر مرورك أعزائي

اهلا وسهلا عزيزي
كل اللي ذكرته تُميز وكالة عن وكالة
لكن المقارنة هنا من النواحي الميكانيكية ،،، تقنية،،، الابعاد،،،،،،، الخ
كل شي ،،، ممكن حتى ادق الارقام انا تفيدني

اسعدني مرورك اخوي ... تحية لك

اهلا اخوي ،،،، وما قصرت ومشكور على مرورك
بس ما عطيتني شو الاسباب اللي ابتعد عن جنيسس!؟
اريد اسباب مقنعه :confused1:

الجينيسس أرخصهم
١٤٤ للفل كامل عند الوعلان
و ١٢٥ الف عرض عند الناغي

المميز في الجينيسس عندهم ضمان مميز
ضمان ٥ سنوات مفتوح الكيلومترات
صيانة ٥ سنوات مجانية
سيارة بديلة في حالة الصيانة
فني خاص لسيارتك
استلام وتسليم السيارة من عند باب بيتك في حال الصيانة

ماراح تدفع الا البنزين