والله العالم
الحوض الامريكي غمارة وحدة اخف وزن واقصر وهذا يساعدك في الاماكن الضيقة مثل الحواري وغيرها عندنا في الخليج
سيارات البيك اب الامريكي عموما ضخمه وصمموها للعمل الشاق سواء للشركات او للأفراد ومسألة غمارة او 2
هي فقط للركاب ولا اضن في اختلاف كبير
بس قريت ان السييرا غمارة وحدة مايجي منه الا 6 سلندر مادري هل الكلام صح والا غلط .
وموفق ياغالي
الله يبارك فيك بس وش فرق الاداء في البر بين الغماره والغمارتين وش الافضليه له؟
شف وأنا أخوك
الغمارتين لفئة عمرية أكبر , عائلي , يتعبك شوي في الزحمات والمواقف , ثقيل في العزم مقارنة بالغمارة
الغمارة شبابي , خفيف , مريح في الزحمات والمواقف , أسرع في الانطلاقه من الغمارتين
أما من ناحية الصندوق الطويل والقصير
أبعد نهائياً عن الصندوق الطويل خاصة في الغمارتين (مزعج وشكله غير مقبوول)
أما الصندوق الطويل في الغمارة يختلف من حجم 1500 الى 2500
حجم 1500 وصندوق طويل سواء غمارتين او غمارة بصراحه ماينفع إلا للشركات والحموله الكثيرة والخفيفه
حجم 2500 مايجي إلا صندوق طويل في الغمارة وصندوق قصير وطويل في الغمارتين ومحرك أكبر وشاصي ودفرنس اقوى ويصلح للحمولة الكثيرة والثقيله والسحب
الخلاصه ونصيحة :
إذا رغبت في صندوق طويل لا تفكر إلا 2500 غمارة
إذا رغبت في غمارتين لاتشتري إلا صندوق قصير
زي ماقلت اللي خلاني اتردد من الغمارتين قيادته خاصه في الزحمات،
بس الغمارتين كمنظر اجمل ورزه اكثر من الغماره للموديلات الجديده بعكس الموديلات القديمه اللي الغماره اجمل شكلا مثل السييرا ٢٠٠٤
