بسم الله الرحمن الرحيم !!
كيف حالكم انشاء ؟
انشاء الله بخير !!
______________________________
الموضوع بشكل بسيط تجربتي لسياره النترا يعني كل شي عن السياره بفيد من يرغب في شرائها او من هو محتار هل يشتري ولا لأ !!
______________________________
مدة التجربه :
مده تجربتي للسياره كانت 11 شهر تقريبا يعني قرابه سنى !!
_______________________________
سبب اقتناء السياره :
كثير ناس تبي تشتري سياره الامر لا يبدو سهل كما هو عليه فأختيار السياره امر صعب جدا بالذات اذا انك شخص مثلي عانيت لين صار عندك قدره تشتري سياره فلازم يكون قرارك حكيم وصائب ويلبي رغباتك بقدر ما تملكه من سيوله ماديه !!
منافسين السياره تقدر تقول كورلا وسيراتو من كيا !
طبعا شريتها للأسباب التاليه :
1-سعرها مناسب 61500 !
2-تصميم رائع من الداخل والخارج وهذي كل واحد وذوقه !!
3-بهذا السعر اخذ فتحه وقير اتومتك مع توب ترونك و جنوط وانوار ضباب وانوار ضباب والشبابيك كلها كهربا !!
4-وهو اهم سبب سياره انتشرت بسرعه ولو ببيعها لو ما عجبتني ما حخسر فيها كثير ومرغوبه وقطعها متوفره والاضافات حقتها كثيره في الغرابي ومتوفره !
5-انها اوسع بشكل واضح من الكرولا !
6- على وقت ما شريتها كان السيراتو توه بس الشكل القديم فأكيد ما حاخذ شي بنزل منو موديل جديد !!
7-الشكل توه نازل في السعوديه يعني لو بعتها بعد 4 سنوات ما حيكون تغير الشكل فما اخسر فيها كثير !!
8- من اهم الاسباب استهلاك البنزين ممتاز جدا واغلب المقاطع الاجنبيه يمدحون استهلاك البنزين ونظام الاقتصاد الموجود في كمبيوتر السياره وانا من اروح الاردن من حين لأخر واسعار البنزين هناك وفي كل الدول ناااار فالسياره بتكون حل مناسب لي !
_______________________________
الايجابيات :
1-استهلاك بنزين ممتاز جدا !!
2-مساحه داخليه لسائق والركاب مره ممتازه بالنسبه لسياره بفئتها !
3- شعبيه السياره كبيره ومنتشره يعني بتسهل عليك بيعها وما بتخسر كثير في بيعها مستعمله وبسهل عليك شراء اضافات لها و.... .
4-سغرها مناسب بالنسبه للمواصفات الي تجي معها مثل فتحه ...
5-تسارع جيد اذا جيت قارنتها بالسيارت الي بفئتها !!
________________________________
السلبيات :
لابد من وجود في كل سياره سلبيات ولازم تكون عارف انتا شاري سياره من الفئات الي تعتبر اقتصاديه ورخيصه يعني منت دافع نص مليون علشان تزعل لو طلع فيها سلبيه !!:
1-السياره بعد 160 في الخط جيده لكن لما تشطف شاحنه حتحس بشعور انك بتطير !! شي طبيعي بالنسبه للسيارات الي من فئتها !
2-لما تركب معك 4 او 5 كبار تحس السياره مع الحفر شعور وسخ غير لو جاك طلعه جامده في الخط وانت محمل ال 5 ومسرع احتمال كبير تحك !!!
3-مشكله لازم تكون صاحيلها اي ضربه على السياره مهما ضعفت راح تبان وتشوه السياره وسمكرت السياره بتكون صعبه لكثره الانسيابيه والحركات في التصميم ! !
4-وقت ما شريتها انتضرت شهر واللون هم الي اختاروه يا انا اختارو واصبر زياده يعني من كثر ما كان عندهم زحمه من الاخر عجبك اللون يا اقلب وجهك !
5-مصيبه وهي ان السياره بأرباق واحد فقط هذي تعود للوكيل !
__________________________
الاضافات الي اضفتها على السياره :
1-اول ما شريتها فرشتها فرش جاهز ب 350 ريال لأنو حسيت اللون حق السياره يمسك وسخ لأنو بيج فاتح !
2-شاشه وكمرا خلفيه سعرها ب 1150 وتركب بدون قص اسلاك او شي تركب مع الديكور وتعطي السياره شكل مره حلو !
3-تضليل ب 1150 عزل حراري اشتريت اصلي علشان السياره مساحه الزجاج الامامي والخلفي كبيره لو انو تجاري ما حيعزل الشمس كويس فتخش في الضهر تحس فرن او انك تركب تجاري وتحطو زيرو تو وتوقفك دوريه ويقولك فك يا معلم. طبعا عليه ضمان 10 سنوات ويقال انه يعزل 97 بالميه من الاشعه على كلامهم !!!
4-زنون وكنت افضل اغير الاسطب الامامي واخذلي واحد عدسه عالي وواطي مع ليد في !
5-اسطبات خلفيه تجي شبه حركت البي ام دبليو ب 250 ريال !
6-ركبت تضليله على السقف واعطت شكل حلو للسياره !!
7-خطين كروم عند الابواب من تحت ب 90 ريال !
8- وهي اهم شي ركبت بوري اكورد ب 110 لأنو البوري الي على السياره ابو كلب !!
ويعني مع الاضافات هذي الي اسعرها معقوله بعض الشيء السياره تطلع احلى بكثير وهي تعود للأذواق !!
_____________________________
زبده الكلام :
جربت السياره لقرابه السنا سياره حلوه الأستخدام في المدن واقتصاديه وشكلها حلو ومنتشره واضافات السياره متوفره وسوقها ماشي وسعرها معقول والناس ما اشتكت من مشاكل ميكانيكيه في السياره وهي حسب النصيب احيانا تاخذ سياره وكاله ويطلع فيها عله ما طلعت الا بالسياره حقتك انته بس لكن الضمان موجود وسنتر عندهم !!
طبعا مستحيل اقولك اشتري السياره ولا لأ في السيارات الخيارات كثيره والامر يعود لك لكن اقولك السياره اختيار جيد !!
_______________________
معلومه :
السياره الفل منها يأتي ب بصمه وتشغيل ذكي وجلد وجنط كبير لونه مثل تخطيط اسود والصدام الخلفي يجي عليه شي اسود ولمبات حمر صغار تضوي والكراسي كهربا بالنسبه لكرسي السواق والمكيف رقمي وتأتي ب 6 او 8 ارباقات على ما اضن وتأتي بشاشه ونظام توقف السياره الكترونينا وكمرا خلفيه وتأتي بنضام مانع انزلا و abs ويجس شكل الطبلون يختلف يكون فيه مثل شاشه زياده والمكيف يكون رقمي والاسطب الامامي يجي عدسه عالي وواطي !!
طبعا لو بتطلب بهذي المواصفات حيجيك سعر فوق 90 وتحط فوق90 على سياره من الفئه هذي فكره مجنونه علشان كذا الوعلان متفهم الوضع وتفهمه زياده حبتين فخلها ارباق واحد :bigggrin: !!
_______________
تحياتي !!
