بسم الله جا اللي جنا على نفسه
ابرد عليك جمله جمله ،، الرد اللائق والملائم
اذا مانت فاضي لا تتلقف وتكسر بسلع الناس وتبخسها وخلك بحالك وقل خيراً او اصمت
واذا مانت فاضي خلك ببيتك وخلك قد طموحك وخل الناس اللي تبي تشتغل تشتغل
والفواتير ماهي لك ولا لي هذي للناس اللي تدخل الموضوع تقرأ تخريبك لسلعتي
كل شي عندنا يجي من برا فرق بالسعر كل شيء ،، مع العلم اتفاقنا بالسعوديه !!!! وهذا ان وجدتها
ولكن كما تحب تبي تعرف كم مكسبي يعني؟؟؟ ابعلمك اياه لتشفي حسدك الذي يقتلك يوماً بعد يوم
وبما اني اثرت الموضوع؟؟؟ انت الذي اثرته بوقاحة وكبرياء وتهجم ولا احترام وعدامة اخلاق انما انا تكلمت معك باحترام وقبل اتكلم معك عرضت سلعتي
نجي لاثباتك من امازون
وبسم الله توكلنا على الله
حامل سعر الاكواب في صورتك اللي ارفقتها قيمته 27.5 دولار وهذا الرابط
http://www.amazon.com/gp/aw/d/B0090JVTYI/ref=redir_mdp_mobile?psc=1&redirect=true&ref_=oh_details_o09_s00_i00
كلف على نفسك وشف قيمة الشحن الداخلي حتى بريدي في امريكا اللي هي 2 دولار
وكلف نفسك شوي وخلك أمين وصادق وألق نظرة على وزن السلعه اللي هو 1.5 باوند
قيمة الشحن من ارامكس ارخص شركة ،، كالتالي
قيمة اول نصف كيلو ب 65 ريال
وكل نصف كيلو زياده ب 35 ريال
وزن حامل الاكواب 1.5 بااوند بعد التحويل يكون 0.7 كيلو جرام
نستنتج ان اول 500 جرام)نصف كيلو ب 65 ريال+200جرام(تحسب وكأنها نصف كيلو كامل ب 35 ريال
بحسبه بسيطه من جديد
27.5دولار قيمة السلعة+2دولار قيمة الشحن الداخلي+100 ريال قيمة الشحن من امريكا للسعوديه = يساوي
29.5$+100ريال
29.5*3.75= 110.625 ريال
المجموع = 110+100=210 ريال قيمة حامل الاكواب واصله عندي
مع العلم
مع العلم
ان حسبة الدولار من الفيزا هي 3.78 - 3.92 من بين كل عمليات الشراء اللي نفذتها من 6 سنوات
ولكن حطيتها 3.75 بمثل حسبتك بالضبط عشان تكون بالزاويه وما يكون لك اي منفذ او مخرج من كلامي
طيب بعد ما تكون واصله 210 ريال ... اجي اعلن بأكثر من موقع لا اطلب فضل لا منك ولا من غيرك
وبجوالي استقبل مكالمات ورسائل وواتس اب
وجزء من وقتي بمتابعة اعلاناتي
يستكثر علي 90 ريال ،، اللي لو تروح للوكالة او اي محل يبيع لك نفسها بتدفع اكثر
وبالاخير يفتري ويقول انت ضاعفت السعر 3 اضعاف؟؟؟؟؟؟؟
رح انت وغيرك اشترها من امريكا رح تعلم بحث وطلع فيزا وافتح بريد بامريكا وتابع واستقبل اغراضك في السعوديه بتوفر 90 ريال
فيه غيرك يبيها يد بيد
ومسألة اوقف البيع او استمر فيه هذا قراري ولن يستطيع احد من اكابر المحترمين ان يمنعني او يجبرني فما بالك انت
هذا قراري واحتراماً للزوار ومن ثم الاعضاء وبعدهم المراقبين ومسؤولين الموقع
الذين لهم تقصير واضح جداً في الموقع ومتابعته وتنظيفه وجعله بيئه سليمة لا منفرة
وللناس المحترمة فقط وفقط وفقط
اعتذر جداً ومقدماً عن هذا الرد ولكن ليعتبر من في نفسه حسد وحقد على الناس ومن يبخس ويكسر في تعب وجهد ومال ووقت غيره
اضطريت ان ارد على ذلك
اعتذر مره اخرى للجميع ما عدا ذلك المذكور آنفاً
البيع ملغي في هذا الموقع من اراد فليبحث بقوقل وسيجدني وللعلم اسعاري خارج الموقع اعلى من هنا وكان ذلك تكريما لمنتدى السيارات لاحترامي له القديم
والسلام
