نزول سعر صرف الين الياباني 93 مقابل الدولار الامريكي .. توقعاتكم

السلام عليكم

اشكرك على الطرح وشيء يبهج ان نرى نقاش اقتصادي ثقافي في المنتدى

بالفعل لاحظت قبل عده ايام نزول سعر الصرف للين مقابل الدولار وهذا شيء طيب ولو استمر على هذا الحال راح ينزل سعر السيارات اليابانية التي تصنع داخل اليابان وهذا الشيء حصل من قبل اذكر في عام 2000 ارتفعت اسعار السيارات اليابانية وكانت الاكورد 4 اسطوانات فل مخمل ب 89 الف ريال بعدها بعام نزلت الاسعار فاصبح الفل الجلد بهذا السعر وانا اخذت قبلها 1998 وكالة فل جلد ب74 ريال والسيارات اليابانية الاخرى نزلت بمعدل 10 الاف ريال تقريباً والسناريو تكرر قبل ذلك في عام 1996 وفي كل هذه المرات لم يصل سعر صرف الين اقل من 100ين للدولار

هذا المره كان ارتفاع الين لفترة طويله جداً حيث بداء ذلك منذ حرب العراق

المشكلة الاساسية هي ضعف القدرة الشرائية للدولار مقابل هذه العملات والعملات الخليجية ماعدا الكويت مربوطه به

زيارتي الاولي الي مالزيا عم 2003 كنت اصرف ال 100 ريال ب105 رنجت
ريارتي الثانية عام 2005 كان صرف 100 ريال بحوالي 100 رنجت
في عام 2009 كان صرف الريال بحوالي 85 رنجت عملتهم ماتغيرت لكن قوة الريال الشرائيه نزلت

سعر البترول قبل عام 2000 حوالي 18 الي 19 دولار للبرميل واليوم 95 دولار ونريد ان تكون الاسعار كما هي

حسب سفرياتي الاخيرة ارى اننا الاقل تاثراً في الارتفاعات العالمية الحاصلة

^^^

هذا هوا الكلام اللي حاصل

وكيل لا عليه حسيب ولا رقيب يزود زي مايبغا وبدون اسباب حقيقه

اذا ضاعت الأمانة >>> ( وزارة التجارة + حماية المستهلك )

لا تستنو شيء يرخص ولا يكون فيه عدل بالاسعار من نفسه

تجارنا ساعتهم رملية مخنوقة للأعلى بحيث ماينزل ولا شي لتحت
نفس فلم اليورو ارتفع ارتفاع كبير مقابل الدولار ثم نزل بصورة كبيرة جدا
لا قطع الألماني رخصت
ولا السيارات انخفضت زادت الأسعار بشكل كبير
الشبح على سبيل المثال القطع من 3سنوات وهي تزيد بمعدل سنوي 10% ومايعرفوا سعر صرف ولا يعرفوا أي شي فقط ركوب موجة الأرتفاع

واحد من الامرين

اذا نزل 50% سعر العملة و ارتفع 5% بعد شهر بيقولك الين ارتفع

او
لما تنخفض احنا شرينا بالغالي و لما ترتفع مباشرة الارتفاع بعد كم يوم بحجة ان العملة ارتفعت

الوكلاء اذا ما فيه منافسة وكلها احتكار لو ايش ما نحلم بالمواصفات الفل و السعر العادل وخاصة ان اغلب الشركات ما تولي اهتمام كبير بالسعودية باغلب الشركات فيهي لا تمثل سوق كبير

نظرت للسنوات العشر السابقة لقيت ان الاسعار تزيد ما تنقص الا حالات نادرة للاسف سواء نزلت سعر الصرف ام ارتفع ، مسالة حماية المستهلك من هذا الجشع تتحملها وزارة التجارة ولا يترك الامر على هوى الشركة والوكيل ، الامر الثاني سلاح المقاطعة هو مافي ايدينا فقط لنزول الاسعار ولو تنظم حملات مقاطعة راح تجيب نتايج

ليش النظرة التشائمية يا أخوان:c0214:
اذا نزلت بالعالم اسعار السيارات اليابانية اصبرو سنتين وراح تنزل الأسعار عندنا:a1120(82):
هذا اذا مارجع ارتفع الين خلال السنتين هذي :xyxthumbs:
وبعدين لو انت مكان اي تاجر من تجارنا عشان تنجح لازم تدخل معاك شريك فخري
عشان تنجح ويمشي سوقك آخر حلاوووووووووووة
ووزارة التجارة <<<<<< أقضبلي وأقطعلك:a1120(121):
بس فيهم الخير بعد <<< اتحدى احد يمسك علي حاجة :xyxwave:

^^^^

اللهم اجعله تنخفض الاسعار وبالذات الياباني ..

لان المستفيد الاول والاخير هم لانه راح تزيد مبيعاتهم عن اول ...

واما الوزارات والله لو يشوفونك ميت جوع ماتحركوا ... خله على الله ...

طالما وزارة التجار وخيانة المستهلك نايمين ومطنشين والله لو اليابان تدي الوكيل السيارات ببلاش مراح يفرق معاه هذي الزبدة

التجارة له يد بتخفيض الاسعار على شركات معينه
الباقي مايقدرون عليهم مثلا ليش بس المراعي وقفو ضدهم اكيد يمكن ماهم اصاحب مع التجارة
وبوادر انخفاض الاسعار الياباني موجودة لان البارح سئلت عن قطع الغيارة سوزوكي وتحديد
ا الكهربائيه نزلت 25%

اخي الكريم الارتفاع عالمي ليس فقط بالخليج .. وهو يعتمد على صرف العملة .. لو تروح الهند تلقى نفس الاسعار ما تختلف عننا الا بسعر الجمرك فقط ..

حبيبي هنا التاجر هو المتحكم في السعر بدون حسيب او رقيب
بس خذ لفة الحين للمعارض وبتنصدم من اسعار السيارات ,, سواء ياباني كوري امريكي ..الخ
اقرب مثال عندك الاكورد صارت في امريكا ,, يعني مفروض ينزل السعر شوي.. لكن للاسف قيمتها كل مالها ترتفع !

الكورولا الآن واصل سعرها اقل فئة 60 الف !! وبينزل شكل جديد 2014 كم تتوقع يوصل سعرها .؟!
جيوب اللاندكروزر تنباع على 260 - 300 الف !! الـ Fj خلال موديلين بس يرتفع حوالي 30 الف !
محد حولك ولافي رقابة على اسعار السلع ولا شي ,,
وهالعدوى موجوده حتى بـ هونداي وكيا اسعارها كل مالها تشطح .. اجل سوناتا 2011 اقل فئة كانت بـ 58 الف الحين 73 الف !! نفس الشكل ماتغير فيها مسمار ..
زادت حوالي 15 الف

يعني انسسى ياحبيبي ان الاسعار تنزل او تتأثر ,, هنا سووق محد حولك .. العب يالتاجر بالاسعار مثل ماتبي والمستهلك هو المنكووب .

مافيه الا حل واحد لكن للاسف محد يطبقه .. اتركووها لهم فترة بسيطة ,, خلوها تزاحمهم وتتكدس في المعارض شوي وتنشب في حلوقهم
صدقوني يبدأون يقدرون قيمة العميل .. اما بهذا الشكل فـ الارتفااع مستمر

كامري 2012 اول مانزلت فل كامل بـ 105 الاف , قاطعوها الناس فترة بسيطة بس حوالي شهرين , تخيل نزلت قيمتها اكثر من 10 الاف .,
فمابالك لو نتركها لهم 6 اشهر .. سنة كاملة !!



^ هههههه ادري كتبت كثير ورحت بعيد عن موضوعك بس والله من القهر ,, يعطيك العآفية

الايام القادمة ما اتوقع يصير شيء المستودعات مليانه ودافعين حق اللي ما جت للحين للخليج .. لكن اتوقع خلال الربع الثالث 2013اذا ضلت على هذا الانخفاض


الله ينزل عملة اليابان جعلها توصل 1000 ين بدولار ...<< كان تلقى الفكسار يبيعونه بالبقالة ونص ريال علك هههههههههه

ترى وكيل سيارات مو شريطي عشان يبيع على كيفة

وعليكم السلام ورحمة الله وبركاته،،

رئيس الوزراء الجديد وفق في تخفيض سعر الين

لاول مرة منذ سنوات يصل لهذي الارقام !!

هالشي مفيد لليابان وكان هدف مهم جدا لهم من سنين يخططوا له

واحد الاسباب اللي خلته مهم لهذي الدرجة هو اسعار السلع اليابانية في الخارج

لكن مع وكلائنا النصابين..مستحيل تنخفض بدون ضغط من اخويانهم وزارة التجارة

الحين هم يشتروا السيارات من الشركة الام باسعار ارخص بفرق مو هين

ويبيعوها لنا بنفس سعرها الحالي..دام ان سوقها ماشي مثل سيارات تويوتا

اتوقع راح تنخفض الاسعار في حالة وحدة فقط..اذا خمجت في المستودعات قبل فترة قصيرة من اطلاق موديل جديد

اتوقع سيارات سوزوكي وربما مازدا هي اللي ممكن تمر في هذي الحالة خلال الايام القادمة

وشكرا لك ^^"

بالاول والاخير تعتمد على الوكييل

لو السيارة تجي للوكيل بريال

ماراح ينقص من سعرها الاصلي هللة وحدة

زيادة اسعار السيارات الامريكية زيادة طفيفه بكل سنة .. لأن لو زودوا الاسعار بالهبل راح تفلس من جديد وتصير ازمة ثانية

اما اسعار السيارات وخصوصا اليابانية ارتفعت معدلات كبيرة خلال 4 سنوات

والسبب الزلازل + نزول سعر الدولار

الزلازل اثرت بالاقتصاد حقهم فما عندهم الا يزودون اسعار منتجاتهم عشان يعوضون لكن الحين الدولار راجع بقوة .. مشكلة ان عملتنا مربوطة بالدولار ان صعد صعدنا وان نزل نزلنا يعني املنا كله على الله ثم هالدولار

صحيح لكن لو الشركة مثل هوندا جت بدعم من الحكومة الامريكية عشان تعزز اقتصادها وانت عارف بعد ازمة الرهن العقاري فلست اكثر الشركات الامريكية ومنها جنرال موترز .. لكن الحين صارت شركة شبة حكومية اكثر من نص اسهمها تبع الحكومة الامريكية

لو نحسبها على تيوتا والسيارات المصنعة في اليابان ومازدا والشركات الاخرى .. والاقتصاد الياباني كل ما ارتفع طاح الاقتصاد الامريكي .. يعني من صالحنا وصالح امريكا هالنزول

تفائل بالخير

:wink:

بالعكس كذا مكسب اكبر للحرامية هنا