مشكلة في سيارتي هوندا اكورد 2007

smarter @user_41178 · 07-02-2013

السلام عليكم ورحمة الله وبركاته
في البداية احب اشكر الاخوة القائمين على المنتدى المتميز

انا عندي سيارة اكورد موديل 2007
6 سلندر
من اسبوع وانا جاي الرياض من الشرقية لاحضت على السيارة انها تطفي وتشتغل مره ثانية وهي تمشي صارت معي تقريبا اربع مرات بالطريق وبعدها الامور رجعت طبيعية
فجأه امس رجعت المشكلة مره ثانية تطفي وتشتغل حتى وانا واقف بالاشارة او وانا امشي

فمحتاج مشورتكم ونصيحتكم ووين ممكن اروح افحص واحل المشكلة

Abdullah.ags @user_188600 · 09-02-2013

المشكله قراتها اكثر من مره بالمنتديات وكان الحل بتنظيف الاصابع او تغيير البطاريه في اسوا الاحوال

اما اصابع البطاريه عليها املاح وتقلل التوصيل او البطاريه انتهت

ابدا بتنظيف اصابع البطاريه ..

لا تستغرب لان الاكورد اذا فصلت اصبع البطاريه والسياره شغاله ..تطفي على طول .. عكس كثير من السيارات مجرد ماتطفي

يعتبر مشكله في الدينمو.. لكن بالاكورد اعتقد انها للحماية او لسبب اخر اجهله.

يوسف 20 @user_26392 · 07-02-2013

وعليكم السلام ورحمة الله وبركاته

الله ييسر لك وما تشوف بأس

ممكن حساس الهواء اللي قبل فلتر الهواء يحتاج تنظيف او استبدال.. وشيك على ضغط طرمبة البنزين ممكن السبب منها

لو اني من الرياض واعرف ورش كان دليتك لكن للأسف .. وانت بالصناعية اسئل عن افضل الورش للأكورد
وانصحك لو تعرف ورشة العضو المتميز مركز جوانا . استفسر منه او بيدلك على ورشة محترمة بإذن الله

smarter @user_41178 صاحب الموضوع · 07-02-2013

يعطيك العافية
طيب وين تنصحني اوديها بالرياض

أكورد. @user_232169 · 07-02-2013

نظف الثروتل وان شاء الله ترجع الامور طبيعيه